Analysis Services
السلام عليكم

أنا مشتركة جديدة بمنتداكم الخطير..

وكل يوم وانا طالعة من بيتي.. أشوف زحمة سيارات عند هالمركز

ومن باب الفضول.. دخلته أمس بس ماأمداني ألفه كله

فيه محلات كثيرة مدري وش سالفتها.. أسماءها غريبة وماقد شفتها برا..

وسألت موظفة الأمن .. قالت لي إن الافتتاح الرسمي لين الحين ماسووه..


وحبيت اسأل

وش تعرفون عنه؟؟

صراحة زهقت من مملكة المرأة.. ودي أغير.. وقد رحت للقسم النسائي بمركز النمر ولقيته دون المستوى..

شــاركوني ولا تطنشوني بلييييييييييييييييييييز
19-04-1426 هـ, 04:38 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
بنات الرياض.. وينكم..

محد يعرفه؟؟؟!!!!!!!!!!!!!!!!!!!!!!!
20-04-1426 هـ, 02:55 صباحاً
 
من الي شفته .. المحلات الفاتحة الآن : محلات جلابيات كثير .. محل بصريات .. أكشاك للاكسسوارات .. محل للمايوهات وملابس رياضية.. 3 محلات او اكثر فساتين سهرة.. محل مجوهرات العثيم اظن...ممممم..محل حجابات .. محل لانجري صغير .. محل جوالات بس مدري يبيع ولا بس تصليح ولااكسسوارته مدري .. ومحل للتايورات مررة كشخة لمصممة سعودية(غالي ).. وبرضه محل جينزات مركب عليها خامات كثير ......
أسعاره ترى تتراوح..فيه فساتين سهرة معقولة وحليوة.. على 800 والف ..بس فيه محل فوق ، تصميماته من مصمم لبناني وتتخيط بجدة لكن اسعارها 5 الاف وطالع ,,,, بس حلوة ترى هههه.. وفيه كافتيريا صغير يتيم .. تقول الي تشتغل فيه،الدور الثالث راح يكون كله مطاعم ومقاهي واستديو تصوير لكن بعد شهر او اكثر
الاشياء الي مافتحت لسا : محل كريولاين .. محل لتجهيز الأعراس .. وطبعا فيه غيرها كثير مافتحوا لكن مدري وش اساميها
20-04-1426 هـ, 03:18 صباحاً
 
اشوى ما تفشلت وعزمت اختي هناك ولقينى الدنيا مقفله
20-04-1426 هـ, 03:22 صباحاً
 
الله يعافيكم خواتي وين موقعه بالظبط؟؟
20-04-1426 هـ, 03:25 صباحاً
 


الساعة الآن 09:07 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏