مساء الورد لكل الحوامل الله يسهل عليكم يارب
حبيت اكتب لكم قصة ولادتي مثل ماوعدتكم والحمدلله كانت ولاده ميسره بفضل الله ثم بفضل الدعاء وحسن الظن بالله
طبعا انا بكريه وهذي اول ولاده لي وكنت متابعه الحمل في السعودي البريطاني عند الدكتورة شيرين
وكانت محدد لي الولاده 25 شعبان لكن اختكم تعدت التاسع بثلاث ايام طبعا ما استخدمت ولا شي من محرضات الولاده ولا شي خليتها كذا على الله
المهم قبل الولاده بيومين حسيت بألم ماقدرت اتحمل رحت المستشفى الطوارئ عند دكتوره هنديه اسمها روبي قالت لي فاتح 1 ولسه بدري لانك بكريه بتطولي روحي البيت قلت لها طيب متى قالت مدري يمكن بكره يمكن بعد اسبوع توك لانك بكر تحطمت ورجعت البيت
اول مارجعت البيت نزل علي دم انهبلت واتصلت على زوجي ماامداه يروح اصلا رجع ورحنا المستشفى قالت وش جابك قلت لها دم قالت لا لا عادي هذا حق الكشف ارجعي مافيك شي
ياربي وطفشت المهم اليوم الثاني العصر قلت لزوجي بروح لاهلي شكلي مطوله والاعراض راحت قالي خلاص وقلت له بنام عندهم قالي يمكن تولدين قلت لا بدري واذا جاني شي بتصل عليك ، المهم واروح عند اهلي وكانو خواتي متجمعين وفله وكانو كلهم يقولون لي متى بتولدين ترا طفشتينا المهم واطلع الحوش انا واختي ونمشي تقريبا ساعه
وقالت اختي ياويلك لو ماتولدين هههه تخيلو
المهم نمت عند اهلي بعد الفجر وكان يوم الجمعه 28 شعبان
صحيت الساعه تسعه الصبح حسيت بمغص قلت عادي واروح الحمام والوضع عادي ورجعت للسرير المهم كل شوي يجي الم بس محتمل الى الساعه 1 الظهر وانا متحمله دخلت امي علي الله يطول بعمرها اول ماشافتني قالت لي وجهك مو على بعضه اكيد ولاده وعلى طول انا ابكي :06: وجت اختي هي اصلا متزوجه بجده بس اجازه عند اهلي المهم قالت ولاده صدقيني قومي المستشفى قلت لها اخاف يرجعوني يقولون بدري قالت لا بتشوفين المهم رحنا المستشفى واتصلنا على زوجي وقابلنا اول ماكشفت قالت 3و نص خلاص تنويم والالم يزيد بعدين انا قلت لهم ابي ابرة الظهر قالو خلاص ادفعو قيمتها وبنسوي تحليل اذا تناسبك وفعلا الحمدلله بعدين طلعوني الجناح الي انا مختارته كان ملكي اورانج مره روعه خلوني اغير ملابسي والبس لبس المستشفى وعطوني الحقنه الشرجيه ورحت الحمام هذا كله والالم يروح ويجي بعدين جت كشفت لقته خمسه قالت على غرفة الولاده
بعدين جا دكتور التخدير اسمه دكتور عطيه عطاني ابرة الظهر مره روعه يحط بنج قبلها بعدين الابره وبعدها ماعاد حسيت بشي وكشفو علي لقوه 7
وجت 8 العشا وانا لسه طبعا انا ظلبت دكتوره شيرين تولدني جت الدكتوره على الساعه 9 اول ماكشفت قالت خلاص ولاده 10 فاتح طبعا 3 دفعات وطلع ولدي الله لايحرمني منه يارب كان شعور غريب وربي دموعي ماوقفت لما شفته نسيت كل شي بعدين خيطتني ماحسيت ابد ونظفوني وودوني جناحي كانو اهلي واهله مجتمعين في الجناح
والحمدلله خياظة الدكتوره مره روعه اخر يوم في الاربعين مابقى ولا خيط طبعا مااستخدمت ولا نظام في الاربعين بس العسل السدر الحضرمي هذا يومي بالفطور وغسول ومرهم ميبو من الدكتوره وكان الوضع مره ممتاز ولله الحمد
طبعا نصيحتي لا تخافون من الولاده خصوصا البكريات سبحان الله تتسهل
وبالنسبه لابرة الظهر انا ناسبتني الحمدلله واحس اني بولد فيها مره ثانيه
بس والحمدلله من قبل ومن بعد
واي سؤال ارسلوه لي عالخاص وبجاوبكم عليه
مساهير 100 @msahyr_100
عضوة فعالة
يلزم عليك تسجيل الدخول أولًا لكتابة تعليق.
الصفحة الأخيرة
شكرا على ذكر تجربتك