فيه علاج لضمور المخ ابي مشورتكن لاتبخلن علي القصه بلداخل//قديم

الحمد لله الذي لايحمد على مكروه سواه انا عندي بنتين كلهم مريضات الأولى معاها شلال بلمخ واجمع الدكاتره انه مالها علاج وهي جثه هامده لاتتكلم ولاتتحرك ولاتراء الحمد لله على كل حااال عمره 5سنوات بس الي يشوفها يقول سنتين الثانيه الحمد لله احسن من اخته شخصها دكتور على انه معاها ضمور بسيط ومويه في الراس وشحنات كهرب زايده في الراس بس شكل بعض التشخيص خطاء لأن بنتي ماعنده انتفاخ في الراس اخته كان معه مويه كان راسه كل يوم يزيد عن الي قبله بس هذي هلحين له 9شهور تقريبن من تشخيص الدكتور وحجم راسه طبيعي ولاتشنج يعني طبيعيه بس مشكلتها هلحين انه عمره سنه و9شهور وماتجلس وفيها رخاوه وراسه دايم منزلته على تحت يعني ماتقدر ترفعه الا شي بسيط واذا رفعته يميل على احد الجنبين ورجوله دايم متلاصقه واذا جيت اوقفه تحني ظهره وتصيح واحس انه تتألم وبلنسبه لألتصاق رجوله يقول الدكتور انه معه خلع في الوركين يعني اذا غيرت له الحفاظ بصعوبه ادخل الحفاظ وافتح رجوله والحوض عنده واضح عليه الصغر يعني مقارنه بجسمه الحوض اصغر مرره من جسمه وظهره فيه تقوس واضح ولا تقدر ترفعه وتعدل يعني دايم حانيه ظهره ومنزله راسه على صدره هذا بلنسبه لجسمه اما نباهته احسه الحمد لله نبهه تعرفني وتبكي اذا شافتني تبينن اشيله وتعرف اخوتها وابوها وفيها حول يوم كان عمره 3شهور جتها حاله غريبه اذا سمعت صوت قوي صاحت صياح مو طبيعي وجتها حاله غريبه تغمض عيونه وتحاول تفتحهم ولا تقدر وكأن فيها شي يضربها على عيونه وتصيح بقوه مو طبيعي جتها هلحاله تقريبا 3مرات بس الحمد لله مع القرائه راحت هلحاله صح هلحين فيها خوف بس خف مررره مو زي اول والدكتور قال الخوف من ضمور المخ يعني بنت صغيره وش عرفها بلخوف مدري كلام الدكتور صحيح او لا شاركوني همي وطمنوني هل فيه امل بنتي الثانيه تقعد ويتعدل ظهره او لا مافيه شي صعب على الله بس الدكاتره يحطمون ويتعبونك نفسيا وللقصه بقيه استنوني لعلى وعسى يفيدكم العلاج الي بذكره لكم ويمكن يكون معجزه لأطفالنا ياااارب مايعجزك شي في الأرض ولا في السماء