صدمتي لما رحت اسجل بنتي بمدارس رواد السلام بالدمام

السبت اول يوم دراسي للعام الجديد
الكل مستعد للذهاب للمدارس
صحيت بنتي حبيبتي الساعه السابعه وصحيت مسرعه وفرحانه لان اليوم هو اليوم اللي تنتظرة
بنروح نسجلها في المدرسه للمرحله التمهيدي
صحيت فرحانه وياكثر ماسالتني عن المدرسه والصديقات كم بيصير عندي صاحبه واش نلعب وابغى اخذ شيبس لصاحباتي وكلاااااااااااام كثير من كثر الفرحه
ورحت المدرسه وياليتني رحت قبلها بفترة كان وفرت على نفسي من البدايه
لكن قدر الله وماشاء فعل
دخلت من البوابه الرئيسيه وسالت عن مكان التسجيل وقالو لي ان التمهيدي مستقل ادخلي عاليمين وراح تلاقي درج اطلعي فيه هو المؤدي لغرفه التسجيل
وطبعا فتحت الباب ودخلت شفت مبنى حسيت كاني في باكستان او سيرلانكا او الهند ماصدقت اني بالسعوديه
وبالاخص بالدمام الواجه الشرقيه للسعوديه
المبنى كئيب ويفتقر لقواعد السلامه في اكثر من منطقه في الساحه المخصصه للعب خلال تواجدي لمدة ساعه واحدة بالمبنى بنت صغيرة تزحلقت وهي طالعه من ركن الرمل وبنتي حبيبتي تعرظت للسقوط الشديد لان الارضيه غير مستويه ومالحظتها بسبب مشكله في نظرها تعاني من انحراف في العين مع ظعف في النظر
غير الوصخ الجدران مبقعه الفصول مرررررررررررررة تعبانه مافيها اي شي يحفز الاطفال ويجلب الفرح لهم
الحين محتارة وين اودي بنتي وانا كنت مبسوطه ان المدرسه جنب بيتي وطبعا مافكرت اروح اشوفها قبل لان فيه ناس مدحوها لي وماادري على اي اساس مدحوها
ورجعت وكلي خيبه امل ماسجلت بنتي ومادري ممكن الاقي مكان شاغر في غيرها اولا