أخواتي من دبي والشارقة ..
ممكن تدلوني على أحسن محلات لبيع الأثاث عندكم بشرط يكون أثاث راقي وبأسعار معقولة غير مجنونة
بصراحة أنا جاية الإمارات نهاية الأسبوع الجاي علشان أشتري أثاث البيت وكل اللي قاعدته أسبوع بس، يا ريت تساعدوني علشان مافي وقت أقعد ألف وأدوور
أبي غرف جلوس راقية وفخمة لاستقبال الضيوف +
غرف نوم حلوة وموديلات جديدة +
أثاث وديكورات لغرف الأطفال +
غرف طعام +
اكسسوارات من تحف وغيرها لغرف الضيوف وغرف النوم والحمامات (الله يعزكم)+
اللوحات الجدارية المعلقة وخصوصاً اللي تكون على شكل قطعة سجاد تتعلق بحامل مثل الستارة
أنا في انتظار ردودكم ، وأتمنى ما تبخلون علي بها ..
مع شكري الجزيل للجميع مقدماً

حياك الله يالغالية فى الامارات بالنسبة للاماكن الى فيها اثاث بتلاقين فى دبي في شارع الكرامه بعد جسر مكتوم محلات كثيره وفخمه واسعاره زينه وفى الشارقه فى شارع الوحدة ...
وبالنسبه للسجاد المعلق اذا تبين شغل مضبوط شغل فرنسا بتلاقين في الناموس ولهم معرض فى صحاري سنتر الشارقه واسعارهم من 1000وفوق واذا تبين اقل سعر بتلاقينه السوق المركزي في الشارقه ايضا محلات تبيع نفسهم بس مش مثل الاشكال الى عند الناموس وباسعار اقل ....

وزياره موفقة
أشكرك أختي أم غانم على سرعة تجاوبك معي ..
أنا من فترة زرت حول الإمارات وعجبتني أفكاره وأسعاره بعد حلوة .. أبي شي ما يكون أقل من هالمستوى ..
باثقل عليج بسؤال بعد إذا ممكن ؟؟
وين ألقى اكسسوارات حلوة للحمامات من علاقات وأرفف وقطع سجاد وستاير وغيرها ؟ ومحلات لتأثيث غرف الأطفال ؟؟
وجزاك الله كل خير يا الغالية
اختي عسولة بتلاقين في لايف ستايل اشياء حلوة للحمامات واسهارها حلوة
وقطع سجاد شوفي محل رامز بشارع الوحدة في الشارجة عندة اسعار حلوة للسجاد
ولغرف الاطفال والكبار شوفي هوم سنتر في الشارج او دبي عندة غرف نوم اسعارهم حلوة وبعد عندهم اكسسوارات...
واذا تبين مناظر حلوة في السوق الصيني (دراجون)في دبي عندهم مناظر وااااااااااايد حلوة واسعارهم رخيصة..
اقتباس مشاركة  (المهد_للأطفال)
اختي عسولة بتلاقين في لايف ستايل اشياء حلوة للحمامات واسهارها حلوة
وقطع سجاد شوفي محل رامز بشارع الوحدة في الشارجة عندة اسعار حلوة للسجاد
ولغرف الاطفال والكبار شوفي هوم سنتر في الشارج او دبي عندة غرف نوم اسعارهم حلوة وبعد عندهم اكسسوارات...
واذا تبين مناظر حلوة في السوق الصيني (دراجون)في دبي عندهم مناظر وااااااااااايد حلوة واسعارهم رخيصة..
على فكره لايف ستايل مسوي تنزيلات حلوه
انتهزي هالفرصه

والهزيم للاثاث في الشارقه عنده تنزيلات
اللحين بتبتدي التخفيضات للصيف انتهزيها


الساعة الآن 03:25 .