اهلااااا الله يهون عليك...ويرزقني وكل من تتمنى يارب..
انا اقدر اساعدك لو تجهيزاتك من الرياض :)
اولا,,,,, ابي علب مويه اللي يكون مطبوع عليها اسم البيبي او شعر ويكون مربوطه بشريطه حلوه بس مدري وين اسويههم بالرس
علب المويه تلاقينها بمحل بالرياض بشارع الامير سلطان (الثلاثين) اسمه ستوديو الشكولا يسويلك اي شي تبغين تتطبعينه على الشكلاته او المويه
وانصحك... عليك بالبساطه والترتيب والله يهون عليك :)
شوفي جديد حاليا ما اعرف بس اشوف لك وارد عليك
خذي موالح من لافندر الرياض خذيهم بكراتين وانتي بيزورك احد حطيهم بالصينيه
طبعا لافندر المميز عندهم طريقه التقديم للموالح تكون بعلب اسطوانيه مصفوفه بالصينيه
انتي خذي صينيه منه واذا جاك زوار صفي الموالح
وتجلس بالفريز شهور ما تخرب
الصباني عندكم العساف اوقات عنده حركات حلوه
واذا تبين من الرياض فيه الهزازي اشكال والوان
وسالفه المويه تراه بتكلفك ومالها داعي ابدا نصيحه لا تسوينها
الشوكولاته بالرس والله ما اعرف بس بالرياض فيه سو عنده شوكولاته مكشوفه حلوه
وانصحك بمحل لاتين بالثلاثين عنده شوكولاته مغلفه مره حلوه
واذا تبين هدايا البيبي عندهم شوكولاته يطبعون عليها اسم الطفل وتكون مربعه وبالوسط دائره ملونه وفيها الاسم
فيه وحده بالرس تسوي ميني غريبه خطيره بس لاتقولين من هي لاني انا ابي اعرف وللحين ما جبت اسمها
حسيته سر مدري ليش ...يمكن انتي شفتيها قبل تكون على شكل ورده وعليها سمسم
بالشتاء حلو تقدمين مشروبات ساخنه زنجبيل شاهي ليمون وموكا ونسكافيه يعني هالاشياء
ممكن قشد بس يكون بصحون صغيره او فيه مطبقيه مدري تعرفينها او لا تكون مرررره صغيره حطي فيها قشد وفوقها ملعقه
او محلى ...يعني حلويات شعبيه