كيفكم يا بنااات حواااااااااء ؟؟
ان شاء الله دايما بصحه وعافية
اليوم رح أعرفكم على طبق فلسطيني اكتييييييير معروووف ... ورح اتشوفوا كيف رح تكون طريقة عمله اكتييييييييير سهلة
مع اني بسمع ان هالطبق بدو شغل اكتير وبدو جهد جهيد .. لكن بنت النور رح اتعرفكم على طريقة بسيطه
وهذا الطبق هو
المفتوووووووووووووووول
ومفتووووووووووول مو معقووووووووول
:icon30: :icon30: :icon30:
اولا: المقادير
*بكيت من حبوب المفتول ( وبسموه كمان حبوب الكوسكوسي) (500جم )
* كيلو لحمه .
* (10) بصلات متوسطة الحجم .(كاملــــــــــــــــــه ومقطعه على شكل x وتبقى محتفظه بشكلها متل الصوره).
* (6) بصلات مفرومه فرم متوسط . ( متل الصوره ).
* (6) حبات بندورة "طماطم " (مقطعه على شكل x متل الصورة وتبقى محتفظه بشكلها ).
* (5) ملاعق طعام من الجرادة . (هههههههههههههههههه جرادة هاي مو حشره ,,, هاي نوع من الاعشاب ).
وصورتها عن قرب لحتى تعرفوا كيف شكلها , هاي بضيف نكهه رهيبه للمفتول .
* كاسة حمص حب مسلوق .
* ملح حسب الرغبة .
* بهارات ( فلفل اسود - حب هيل - قرنفل - ورق الغار )
* مكعب ماجي .
*فلفل اخضر حسب الرغبة .
* ملعقة صغيرة من الكركم .
* زيت للقلي .
* ملعقة سمنه كبيرة .
ثانيا : الطريقة
- اول شي نسلق اللحمه وبعد الغلي نرفع الزفره وبعد هيك نضيف كل البهارات للمرقة ونتركها حتى تستوي اللحمه.
لعمل دقة المفتول
- رح اندق (فلفل اخضر + الجرادة + نصف كمية البصل المفروم +ملح )
وهاي رح تعطي نكهه وطعم لذيييييييييذ جدا للمفتول .
وهلأ بدنا انحضر المفتول
- نضع قليل من الزيت في الطنجرة وانقلي نصف الكمية المتبقية من البصل المفروم حتى يشقر لونه .
- وبعد هيك انضيف حبوب المفتول ونقلبهم مع بعض اشوي .
- انضيف دقة المفتول وانقلب جميع المكونات مع بعض .
- ونضيف المرقة على المفتول + مكعب ماجي + ملح ( بحيث تغطي المرقة المفتول )
ملاحظه :
1- المرقة لازم اتكون سخنه .
2- لازم تنتبهي على المفتول لانه رح يتشرب المرقة بسرعه, ولو لاحظتي انه ما استوى ضيفي اله المرقة بكميات قليله .
- بعد ما يستوي المفتول ضيفي ملعقة سمنه على الوجه .
وهيك رح يكون شكل المفتوووووووول بعد ما يستوي .
هلأ رح نعمل مرقة المفتوول
- نقلي حبات البصل الكاملة بالزيت حتى تحمر اشوي.
- رح انضيف اللحمه + الحمص + المرقة ونتركهم يغلو حتى يستوي البصل نصف استواء .
- بعد هيك انضيف حبات البندورة الكامله للمرقة + ملعقة كركم + ملح ونتركهم حتى تستوي .
وهيك رح يكون شكلها .
والخطوة الاخيرة رح نسكب المفتول في طبق التقديم ونضع فوقه المرقة المكونه من (اللحمه +البصل +الحمص +البندورة ) على وجه المفتول .
وان شاء الله ينال على اعجابكم
وصحتين وعااااااااااافية على البكم جميعا
:) واي سؤال انا مستعده:)