انا تعبت تعبت تعبت ..بس انصحوني بشي غير الصبر

السلام عليكم ورحمة الله وبركاته

خواتي انا نزلت اكتر من مره عن مشاكلي وكل مالها الامور بتطور للاحسن بس تاثيرها علي للاسوا


سبحان الله من اول ما تزوجت وانا حياتي كل مالها بنزول كل ما اصبر واتحمل بحكي بكره الامور بتتغير بس اكتشفت انا واصله لمرحله الامور ماراح تتغير الا اذا حد ادخل او عنده فكره ممكن يعرف كيف يغيرها

خواتي اول ما تزوجت زوجي كان يشتغل مدة كتييييييييير طويله ولاني عروس وبيت جديد كنت احس بفراغ كبير فاقنعته اني اشتغل واشتغلت بس للاسف بعدي بشهر زوجي تفنش من وظيفته

فصار الوضع انا بشتغل وهو اعد بالبيت وكان عندي تانيب ضمير كتير كبير اني تاركاه كل هل وقت بس بحكي مو معقول اترك وظيفتي ونسير احنا التنين بطاله وبتعرفوا اعدت الرجال بالبيت كتييييييييييير مؤذيه نفسيا اله لدرجة سرت اشك انه صار يدخن من اعدته بالبيت وغير العصبيه وضيق الخلق والنرفزه وكنت اتحمل كنت مهلوكه اطلع اشتغل ارجع اجيب اغراض للبيت وبعدين اروح اطبخ واعد معاه كنت من درجة تعبي انام على الكنبه ادام التلفزيون والكل يحكيلي اصبري بكره بشتغل


بعد 9 شهور اشتغل شغل مفروض يكون مؤقت مدة 3 ساعات باليوم بس انصدمت انه بطلع من 2 الظهر برجع 1 بالليل لانه الشغل بمكان بعيد وحتى باجازتي كان هدا الشغل وانا كنت مقهوووووووووورة لاني بطلت اشوف زوجي نهاااااااااااائيا لا باجازة ولا بيوم عادي يا دوب اشوفه نص ساعة اخر الليل من 1 الفجر - 2 تخيلو بعدين انتقل لمكان قريب صار يروح ابكر بشوي على 11 بالليل ..وطبعا الكل بحكيلي اصبري بكره بشتغل شغل ثابت وهدا مؤقت بحكيلهم يا جماعة بطلت اشوف زوجي نهائيا لا صبح لا ظهر لا عصر لا مغرب لا بالليل حتى باجازه ما بشوفه وهم يحكولي اصبري شغل مؤقت ولو احكيلكم الراتب 1000 بس وسكتت حكيت بضل ارحم من اعدة البيت بس النفسيه كانت دمااااااااااااااااااااااااااار كنت احس حالي معلقه لا متزوجه ولا منفصله بشوف زوجي ساعه باليوم ويوم الجمعة نهائيا ما بشوفه


والحمدلله من شهر الله رزقه وظيفه كان من زمااااااااان بركض عليها وبسم الله ماشاء الله وضعها ممتاز وراتبها الحمد لله كويس وتوقيتها من 7 الصبح- 2 الظهر بس انا حكيت الحمد لله اخيرا انحلت كل امورنا بس انصدمت زوجي ما بده يترك وظيفته المؤقته صار هلا ماسك الوظيفتين

يعني هلا صار الوضع بصحى 5 ونص الفجر بروح على الوظيفه الاولى بخلص 2 بروح على الوظيفه التانية بخلص 10 بالليل متخيلين !!! من 5 ونص الفجر لل 10 بالليل وهو بشتغل بروح على البيت هلكااااااااااااااان مو قادر يحرك جسمه من كتر التعب واجازه باليوم الي في اجازة للوظيفه الاولى بكون في دوام للجازة التانية والعكس كمان بس يكون في اجازة للوظيفه التانية بكون دوام للوظيفه الاولى ...انا بطلت اشوفه وبس يرجع بكون هلكان تعبان بياكل وبحط راسه وبنام

بقنعه بحكيله ما بنفع هيك راح ادمر نفسك وصحتك وجسمك بحكيلي شو الحل؟؟؟ بحكيلو اترك وظيفتك التانيه هي لا راتب ولا مكانه بس تعب على الفاضي وهو مستحييييييييييل بحكيلو طيب وانا؟؟ يعني فكرت في توعد معي نطلع مع بعض اي شي يعني ما بنفع كمان وين حقي كزوجه وين حق بيتك عليك؟؟ ابدا اذن من طين واذن من عجين

وكل الي كانوا يحكولي اصبري هلا بحكولي اتاقلمي يعني بعد كل صبري وتحملي بالاخر بعد ما الله رزقنا الوظيفة المناسبه كمان لساتني بتعذب ؟؟ طيب لمتى

اتاقلم على شو؟؟ على اني بالشغل لحالي مافي حد احكي معاه اروح على البيت لحالي اعد لحالي اتفرج على التي في لحالي اطلع اجيب اغراض لحالي ازور اهلي لحالي كل شي لحالي لحالي لحالي لين اخر الليل بيجي بياكل بيوعد معي ساعة وهو بقمة التعب وبروح بنام وهو مهدود حيله وتاني يوم نفس القصة

انا مو قادره اتحمل بجد مو قادره نفسيتي كتيييييييييييييير تعبت حاسه صارلي سنه كاملة بصبر على الفاضي ..حكيت معي امي بتحكيلي عندك حلين يا تتاقلمي يا تنفصلي ...طيب انفصل مستحيل ليش انفصل واخرب بيتي واتاقلم على شو؟؟ على الوحده وعلى اني متزوجه على ساعه باليوم !!وامه كانت تقنعه يترك الوظيفه الثانيه وهو معند ما بده

احكولي شو اعمل..انا بعاني من الاجهاض المتكرر وكل يوم بستنى الله يرزقني بالحمل ويعوضني بس مع نفسيتي التعبانه جدا هاي بحس مستحيل اقدر احمل واليوم اجتني الدورة ونفستي بالحضيض بزياده

احكولي شو اعمل؟؟؟ بشو بتنصحوني ؟؟

راح ارد هون عشان الكل يشوف ردي...بشكر كل وحده دعتلي بجد محتاجه لدعاءكم ..انا حاولت معاه كل الاساليب الشوق والمشاكل والنكد والحكي والمناقشه ..بس هو ابدا مصر على الوظيفتين هو تعبان ومهلوك وجسمه مكسر والله بس يروح على البيت بحزني بحكيله حرام عليك ليش هيك بتعمل بحالك؟؟؟ بدل ما اعد اناقشه بشوفه تعبان بسكت وبحط بقلبي بس بكون بجد جدا حزينه بحكي خلاص خلص اليوم وهيني ساعه ورايحه انام وبكره بصحى ليوم جديد بنفس الروتين والوحده ..والي بتحكي اشغلي حالك انا مشغله حالي بوظيفه وسجلت بالجامعه اكمل دراسه وبوعد برتب وبنظف البيت بحاول اشغل حالي لاقصى درجه بس يا عالم الوحده بتموت يعني اشغلي حالي طول الوقت بس بالاخر (الجنه من دون ناس ما بتنداس )بضلك تحتاجي لشريك حياتك يسمعك يكون جنبك يشاركك لحظاتك يطلع معكي يقضي معكي ولو كم ساعه بالنهار تكونوا فيهم مع بعض ...انا بعرف انو مشتاقلي وبحبني بس عنده الشغل بالمرتبه الاولى حتى لو على حساب وقته وبيته وزوجته وهدا الي مجنني..عمرنا بمشي وحياتنا بتركض ادامنا واحنا ما عملنا اشي فيها غير الشغل والتعب والهم..ومن ناحية قراءه القران الحمد لله عن قريب راح اخلص حفظ سورة البقره والاستغفار الحمد لله مواظبه عليه من اول اجهاض الي ..الله يثبت دينا وايمانا يا رب