السلام عليكم يا بنات المنتدى

أنا أتهورت وجبت سمك هامور وسبيط (كالمارى) وكمان شوية جى الجمبرى

عاوزة منكم المساعدة الضرورية والعاجلة جدا جدا لانى هعملوا انهاردة لو سمحتوا

عاوزة أغسل السمك والسبيط ازاى

واتبلهم فى ايه

والجمبرى اغسله بايه وازاى واتبله ب ايه

ولو ممكن سلطات مع الوجبة دى غير الطحينة علشان أنا بعرف أعملها

وللتساعدنى سريعا الاجر والثواب عند الله فى الدنيا والاخرة

(أصل صحبتكم خيبة فى الاسماك أوىىىىىىىىىىىىى ى )

من عيونى حبيبتى 00بس الاول انتى لسه فى مصر؟

السمك الهامور الاول عمره ماجبته بس يمكن تنضيفه زى باقى السمك

السبيط ياااااااى شكله وحش ويخوف بس طعمه يمممممممم
انتى بتشيلى الجلد اللى عليه هتلاقى تحته لحم لونه ابيض اغسليه كويس وبعدين يقطع شرائح بالطول 00وتتبليه بالدقيق + شويه ملح وكمون

وتقليه على طول 00هو مش بياخد وقت وبيكون بيشد عادى هو كده 00لما يطلع ويتحمر 00تكونى محضره عصير ليمون وتحطيه عليه وكمان رشه كمون وملح وشطه 00بيطلع تحفه

وطريقتى فى الجمبرى 00بس يتغسل تحت الميه عادى وبسيبه بقشره مش يتقشر

وفى الحله احط بصله كبيره +فلفله خضراء +قرن شطه + ليمون كتييييييييييييي يييييييييير

واتبل فيه الجمبرى 00ممكن من بالليل او تطبخيه على طول

بس تضيفيله شويه زيت00وتحطيه على النار من غير ميه ولا حاجه خالص 00طبعا متنسيش الملح ورشه فلفل
هو بينزل ميته ويستوى على طول00مبيخدش اى وقت ربع ساعه او نص ساعه لو كبير

ولو صغير عشر دقائق بالظبط ويكون تمام 00طعمه تححححفه مع المرقه بتاعته

ويتاكل مع رز ابيض او عيش طبعا

وبالنسبه للسلطه 00هى الطحينه انسب حاجه

بس ممكن سلطه الزبادى 00لو مش عارفه طريقتها اقولهالك

بس صدقينى مع سلطه الطحينه 00حلوه جدا

عارفه ان انا ممكن اكون مفدتكيش اوى بخصوص التنظيف 00انتىعارفه هنا كل حاجه بتيجى متنظفه00ولو غلبتى اوى وديه للراجل ينظفهولك وياخد جوز جنيهات

بوسيلى لوجين خالص
ربنا يخليكى يا شرين
أنا رجعت الحمد لله
وانا جبته الهامور متقطع لكن قلت أكيد لازم أغسله أنا برضه
والسبيط الراجل مش قطعهولى منه لله وانا خليت الشغالة تقطعه صراحة كان هيجيلى انهيار عصبى
بس بقى وبما انى أول مرة أشترى سمك أصلا وأعمله هتلاقينى محتاسةةةةةةةةةة ةة
مرسى أوى يا حبيبتى على مساعدتك وسلميلى على أدهومة
zeireda كل سمك وانتى طيبة يا ام لوجينا وعقبال ما تكليه يا رب
ام عبد الرحمن وغادة و حبيب

(((وَلْيَخْشَ الَّذِينَ لَوْ تَرَكُواْ مِنْ خَلْفِهِمْ ذُرِّيَّةً ضِعَافًا خَافُواْ عَلَيْهِمْ فَلْيَتَّقُوا اللّهَ وَلْيَقُولُواْ قَوْلاً سَدِيدًا)))

((استوصوا باهل مصر خيرا فإن لهم نسبا وصهرا))


مرسى يا pelican بس أنا أخرى اعمله بس

وبالنسبة لبنات المنتدى مشكورين على التطنيش ، كان زمانى قاعدة بغنى ظلموه جنب السمك والجمبرى

ربنا يسامحكم


الساعة الآن 02:38 .