السلام عليكم ورحمة الله وبركاته.

جايبة لكم مشروع ***** الله إذا ربي قدرني على إتمامة في مدينة الطايف

وهو عبارة عن فساتين أعراس راقية طبعا مو أي كلام وأيضا فساتين ملكة وخطوبة
وايضا فساتين سهرة

وكمان راح ادخل الملابس الداخلية الراقية الخاصة بالعرائس
وايضا اقمصة النوم الراقية والبجايم بشتى أنواعها..............................
طبعا البوتيك راح يكون مكمل من كل شي إن شاء الله.............
وراح يسعد بنات الطايف وغيرهم
طبعا انا سافرت لدبي ولبنان وفرنسا وشفت فيها شغلات مرة حلوة عجبتني بالمرة وقلت لي مااسوي بوتيك راقي ومكمل خاص للعرايس والمناسبات لاني من رواد مدينة جدة اسبوعيا تقريبا وشفت تقريبا أن معظم بنات الطايف والاماكن إلي حولها
مايشترون الى من جدة والسبب هو توفر البضاعة الراقية
لذلك حبيت هالفكرة وقلت اطرحها عليكم

حابة إنكم تردون وتقولون ارائكم وتزودوني بخبراتكم
ولكم جزيل الشكر والتقدير

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
اهلين عزيزتي ريما الأمورة وبصراحة مشروع جدا" خطير إذا تم واكيد راح ينجح إذا توفرت فيه مقومات النجاح
وانا راح اكون اول وحدة تشد على ايدك وتشجعك سيري على بركة الله اتمنى لكي كل خير ياأمورة
تسلمي والله ....
ان شاء الله بتوفيق من الله يتم عمل المشروع بنجاح
وبتشجيع منكم
شاكرة ومقدرة لكم
مرحبا ريما
الفكرة مرة حلوة
وبجد الطايف مافيه اي شي حلو
ولو فتحتيه اعطيني العنوان

على فكرة
انا فكرت في مشروع مشابه
بس الكل حبطني
يقولو ان الطايف مهما سويتي فيه
الناس حيروحو جدة

بس go ahead

سلملم
اللهم أعني على ذكرك وشكرك وحسن عبادتك
اهلين اختي
انا اقولك انا عشت تقريبا نص حياتي بالطايف واحبها واموت فيها واموت على ترابها
نفسي وحلم حياتي ارجع اسكن فيها





بس لما اجي اشتري اروح جدة على طول
اصلا ماما الله يخليها لنا حتى العيش تجيبه من مكة
لأنه والله الطايف مافيها سوق عليه القيمة
مثلاً اول ما فتح البندر اتذكر رحت اجري ابغى اشوفه لقيت مافيه شي
القهر انه كل الناس لما تجي تفتح مشروع في الطايف تطالع اغلبية السكان المنتشرين ؟؟ وانتو عارفين الطايف والفئات اللي عايشة فيها كيف

بس اذا عن جد جزمتوا ونويتوا انا معاكم ان شاء الله
حتى ممكن اساعدكم ببضايع من الرياض او من برا ماعندي مشكلة



موفقين


الساعة الآن 10:19 .