السلام عليكم ورحمته الله وبركاته
الله يسعدكم ابغى اكل النفاس جارتي نفاس الله يسعدكم علموني ماابي اقصر مع جارتي الرسول صلى عليه وسلم وصى على الجار اجل كيف لومريضه تكفون ابغى الطريقه حقت الاكل
اتمنى ماتقصرون وتدعولي مااقصر معاها شايله هم
حبيبتي اهم شي اكل صحي
عندك الاكل الشعبي ينفع مثل المرقوق بالخضار او المطازيز او المراصيع او القرصان
والشربات بعد تنفع ...

وربي يجزاك الف خير والله يعطيك على قد نيتك

ان شاء الله افدتك غلاتي

الهــــــــــي ..,
وحدك تحقق >الأحلام<
فحقق لي حلم نـام على ارض الأيـــــام
ولم يستيقظ بعد !!
أوقضه يا اللــــــه وقل له كن .. فيكــــون ..





حبايبي اي وحده تبي مني شي او سؤال او اي استفسار ترسل خاص لاني قليل ارجع للمواضيع
مشكوره ياهيونه ماقصرتي
اهلين وسهلين الله يكتب اجرك ويكثر من امثالك
هذي بعض الطرق نسختها من عندي اتمنى تفيدك وترى اهم وجبه الفطور حاولي ترسلين فطورها وغداها العشاء مو مشكله بيبقى اكيد لو مرق من الغداء ان كانها وحيد ه عموما سمي الطرق واتمنى ما تنسيني من دعائك
الـــــــــــمــــــــــحــــــــلــــــى ..... من أشهرالأطباق الشتوية في السعودية
السلام عليكن ورحمة الله وبركاته,

إليكن طريقة المحلى,,, أخذته من إحدى صديقاتي جزاها الله خيراً

وقلت أكتبها للبنات في المنتدى

وهي أكلة شعبية مشهورة في السعودية وبالأخص في منطقة نجد ولذيييييذة جداً

ومفيدة لفترة النفاس

المهم ماودي أطول عليكم الكلام


المقادير :

كأس أو أكثر تمر معجون و منزوع النواة

ماء مغلي كثير

دقيق بر

فــــقـــــــط


الطريقة :

ضعي التمر في قدر كبير مع الماء المغلي واتركيه مغطى على نار متوسطة حتى يذوب التمر
ويتكون لديك فيما بعد ماء بني اللون

كمية الماء تكون وافرة لأنه يتبخر و لأن الطبق يحتاج إلى الكثير من الماء لكن لا تضيفي الماء بعد ذلك !!

أضيفي الدقيق البر بالتدريج واستمري بالتحريك
حتى يتجانس الدقيق مع التمر .... واستمري بإضافة الدقيق
إلى أن يثقل الخليط ويكون أثقل من قوام خلطات الكيك
أي بحيث انه يكون كتله لو أردتي أن تأكلي منه يكون بالملعقة ,,, وليس كالشوربة

يعني يمكن أقدر أشبهه بقوام الجريش لما يكون ثقيل شوي

وبعدين خليه على النار الهاااااااااادئة <=== وهذا مهم جداً .... اتركيه على النار الهادئة لمدة ثلاث إلى أربع ساعات

وعند التقديم
تضعينه في الصحن أو في الحافظة إذا كنتي بتاخذينه لأحد .... المهم عندما تضعينه ... تضعين على الوجه ... زبدة سايحة ومنثور عليها فلفل أسود مطحون وقرفة مطحونة , وكمون مطحون حسب الرغبة



حنيني


المقادير:
طحين أسمر ... نفس حق المطازيز والمرقوق..
4 م ك حليب بودره
سمن
زيت
رشه ملح
تمر مكنوز حسب الرغبه... حوالي بين كاسه ونص لكاستين ومنزوع النوى= العبس= الفصم
ماء

الطريقه:
نضع في كاس الخلاط أكثر من النصف بقليل ماء.. ثم نضيف له أربع ملاعق حليب بودره وفنجال شاهي زيت ورشه ملح.. وطبعا الطحين أو الدقيق الأسمر.. نضيفه شوي.. شوي على المقادير أثناء خلطهم.... لييييييييييين ما تتكون عندنا عجينه خفيفه تشبه عجينة البان كيك أو أثخن بقليل...
بعدها نسخن مقلى التيفال.. وممكن تستخدم ألة المصابيب كذلك..
بعد أن تسخن المقلاه نأتي بملعقه الغرف الخاصة بالشوربه ونأخذ من مقدار الخليط أو العجينه ونوزعه على المقلى بالتساوي .. بعدها بتبدأ العجينه تستوي وقبل قلبها نضع عليها قليل من السمن على الوجه ثم نقلبها.. أهم شي تستوي الخبزه وما تكون يابسه وااااجد ولو كانت لينه عز الطلب..
وهكذااااااااااااا لين نخلص المقدار..
هنا نكون مجهزين بقدر أو بزبديه القرصان (التمر) ونازعين منه النوى بعدها نضيف عليه الخبز اللي خبزنااااه ونفركهم بأيدينااااا لييييييييييين ما يتقطعون..
وبعدها نحطهم على نار هاديه.. أنتبهي هاديه موب لا أحترق تدعين علي ونضيف عليهم المقدار اللي تحبين من السمن وكل ما كثر صار أطيب بس انتبوه لصحتكم
ونحركهم لييييييييييييين ما يذوب التمر وينهرس هو والخبز ويندمجووووووووووون..
بعدهاااااااااااااااااا قدميه بالصحه والعافيه

واي شي تبين طريقته راسليني على الخاص وتحت امرك يا قمر
" حسبي الله لا اله الا هو عليه توكلت وهو رب العرش العظيم "
من قالها سبعا حين يمسي وسبعا حين يصبح كفاه الله ما اهمه
لا إله الا الله الحليم الكريم .. لا اله الا الله العلي العظيم ..
لا إله الا الله رب السماوات السبع و رب العرش العظيم ..
لا إله إلا الله وحده لا شريك له ..
له الملك .. و له الحمد و هو على كل شيء قدير ..
الحمد لله الذي لا إله إلا هو .. و هو للحمد أهل .. و هو على كل شيء قدير ..
و سبحان الله .. و لا إله إلا الله .. و الله أكبر .. و لا حول و لا قوة إلا بالله ..
تصميم اطقم مميزة للاطفال مكتوب عليها أسمائهم


انستقرام samamasr77
التواصل عبر الواتس 0544872250


الساعة الآن 03:42 .