السلام عليكم ورحمه الله وبركاته


بغيت اسألك سؤال كيف نعمل سطلة الزبادي بالخيااار

خاطري فيها بس ما اعرف كيف اعملها ؟؟؟
[frame="9 60"]السلام عليكم ورحمة الله وبركاته .....

اختي ...هذه طريقتي في عملها اذا تعجبك .....

كمية من الخيار مغسول ...انا افضله بدون تقشير ....
قطعي الخيارة بالطول نصفين وافرغي الحبوب بالملعقة الصغيرة ...ثم ابرشي الخيارات او قطعيها قطع صغيرة ....اضيفي لها فص ثوم مبشور حسب الرغبة ( فيه ناس ما يحبون الثوم ) ....علب زبادي ( روب) حسب كمية الخيار المستخدمة .... ملح وليمون وفلفل اسود .....نعناع مجفف ناشف او طازج اللي موجود عندك ... اخلطي الجميع مع بعض وقدميه مع اطباقك .....[img]http://www.js********com/entree/cooking/images/jan01/cucumberbig011001.jpg[/img][/frame]
شوفي يا حلوه ولا تونين ولا تتالمين امزح لا تزعلين اول شي شمري يدينك وغسليها وجيبي الخيار وغسليه وقشريه وبعدين قطعيه شرائح ناعمه وحطي عليه شوية ملح وغطيه وبعدين جيبي الزبادي واعصري عليه ليمونه وحطي عليه شوية خل وشوية ملح وشوية كمون وشوية نعناع ناشف وشوية لبن وحطي الخلطه كلها على الزبادي وحطيها في الثلاجه تبرد شويه وبعدين كليها بالعافيه شويه شويه
ياقلبي كل اللي عليك انك تغسلين الخيار وتقطعينه قطع صغيره
وتجيبين زبادي(روب) وتعصرين عليه ليمون مو كثير وكم نقطة خل وملح وتكونين هارسه لك كم فص ثوم وتخلطينهم مع بعض لين تختلط ويصير الزبادي مو مكتل
بعدها اضيفي الخيار
على فكره ترى مايبيلها مقادير انتي قدري كميه الزبادي اللي عندي بالخيار

وجعله هني على قلبك يارب
شوفي ياحياتي انا اسويها وطلع لذيذة جداً ومافي يوم تغيب عن سفرتنا مع الكبسة
اول شي ابشر الخيار واحدة فقط واضع في الخلاط علبة ونصف زبادي وفصين ثوم وورقتين نعناع اخضر وشوي بقدونس وشوي ملح واخلطهم جيداً ثم تصب علي الخيار المبشور في زبدية وتقدم مع الكبسة وبلهناء والعافية


الساعة الآن 03:20 .