شكرآ لك سابك لانك تعملين بإخلاص

بسم الله الرحمن الرحيم. نعم شكرآ يجب ان نقول للمتقن شكرآ انا اسكن بإيجار احد بيوت الشركات لان زوجي ماهو من منسوبي سابك عشان كذا استأجرنا بيت لاحد منسوبيها المهم امس رحت زياره لصديقتي مستلمه بيت من بيوت الهيئه صراحه مسخره مادري منين جايبين المهندس اللي رسم وخطط نظام البيوت تصدقون حسيت اني بنعمه برغم اني ماعندي بيت ملك شفت شي يرفع الظغط المكيفات نصه خربان والباقي مركب بدون ربل البيت متروس محولات كهرب وغسالة الملابس جنب الفرن بالمطبخ وعييهه والمطبخ ماله باب يفتح للحوش يعني الزباله تطلع مع وسط االصاله ياعيني ونقطة التفتيش اول ماتحط رجلك بالحوش تبي تدخل تلقاه تستقبلك تخيلو معي عازمه صديقتك واول ماتدخل تستقبلينه بريحة البياره هذا غير الشوارع ضيقه ومظلمه وموحشه شي يضيق الصدر عيالهم الاسبوع اللي طاف توديهم الباصات وترجعهم للمدارس مافيه ارقام للبيوت هذا غير اخطاء كثيره تغث مثل النقطه حقت الما هذي الحمرا مادري وش اسمه بس اللي يحطونه بنهاية كل حاره عشان اعمال الماء تخيلو شفتها قدام بيوتهم فوق ضيق الشارع تكمل تعيق السير بشكل واضح. بالنهايه لا اعتقد ان الهـيئه الملكيه تستحق ان يقال لها شكرآ لانها مقصره واذا كلامي مو صحيح قدامه بيوت الشركات وتقارن بين ابداعات الشركات وبين اخفاقاتها برأيي المفروض تدفع بدل قهر لموظفينها ترا انا الحمد لله ماني من موظفينها بس حسيت بمعاناة اخواني ليه كذا ليه المسلم يضيق على اخوه المسلم اكبر ماعندنا الارض الشاسعه ياخي وش اللي ينقص حقين الهيئه الملكيه عن موظفين الشركات شوارعهم تفتح النفس وسيعه ومضاءه ليه جلموده تجيب ضيقة الصدر السبب واضح ان الشركات تعمل بأمانه وتعطي بسخاء ولاتبخل فلها جزيل الشكر والتقدير والاحترام