أم سعد وسعود @am_saad_osaaod

محررة برونزية

بوفيه أو سفرة عادية؟؟

السلام عليكم ورحمة الله وبركاته

والله مدري وش اقول (بصراحة والله اني منحرجة)

واضح من العنوان

وش الفرق بين السفرة العادية والبوفية

لأن اخوي عازمن اخوياه ويبيني اصلح له بوفية !!

والله اني متفشله منه لان امي مرة كبيرة الله يحفظها ولا هي تطبخ واخوي داخل على الله ثمن علي يبي فزعتي وان ابي فزعتكم :icon33:

يعني وش المطلوب بالبوفيه

على فكرة انا مبدعة بالطبخ وكمن مرة افوز بمسابقات مثل ماجي ونستلة

بس الي اعرف ان البوفية يكون بالمناسبات الكبيرة وشلون اسوي بالبيت؟؟

على فكرة انا ماعندي شغالة بس اقدر اجيب شغالة اختي

والي ابي اعرفة وش الشي الي يتكون منه البوفيه من انواع الطعام وانواع الاواني الي اقدم بها
والاهم هل اقدر انالوحدي والا لازم اكمل طبخات من المطعم
يارب تكونون فهمتوني تراي ادري ان اسلوب بالكتابة ماهو واضح
تكفون لا تتجاهلوني

ترى العزومة بعد اسبوعين

الله يوفق من ردت علي ويسامح من تركتني

يلزم عليك تسجيل الدخول أولًا لكتابة تعليق.

تسجيل دخول

^^مشاعل السعوديه^^ • 18 سنة

والله ياغاليه البوفيه اريح من الاكل على الارض..

خصوصا للرجال..

السفره على الأرض لازم توزعين لهم السلطات والمعجنات بصحون..

اما البوفيه حطي من كل صنف بلم او صحن كبير وخلاص وكل واحد يغرف

اللي يبي وبمزاجه..

سوي 4 انواع سلطه تقريبا وورق عنب وكبه ممكن الكبه تجيبينها جاهزه

او مفرزه وانتم اقلوها بالبيت..

بما أنهم شباب مااعتقد انهم راح يهتمون بالأكل الشعبي يعني المرقوق والجريش

سوي كم صنف معجنات..او سمبوسه..اسأليه هو وش يحب انك تحطين..؟

يعني اكلات بحريه ممكن تجيبون جمبري وسمك من برا..او مشويات شيش طاووق

واوصال..يعني اشياء انتِ تسوينها بالبيت واشياء جيبيها من المطعم..

والرز اكيد بيجيبه من برا يعني ذبيحه..

وكم صنف حلى للسفره وبس..سلامتك..

رصي الصحون في بداية البوفيه فوق بعض والملاعق والسكاكين والشوك جيبي لك

سبت خوص وحطيهم فيه..مع المناديل..

وان شاء الله البنات يفيدونك اكثر..

ريــــــــ الفلاــــــم • 18 سنة

اختي سوي لهم كم نوع سلطه يعني بالزباي وبالمكرونه وسلطه روسيه يعني كم طبق من السلطه اللي تعرفيه ولفي ورق عنب وملفوف كرنب ومحشي كوسه وبطاطس سوي كم نوع من السمك يعني بالفرن ومقلي او مشوي سوي دجاج محشي وسوي اطباق من الرز مثلا رز بربيان وجريش ومرقوق وكم طبق تعرفيه ولاتنسي حلا السفرة والعصيرات الغريبه وانشالله البنات في المنتدى مابيقصرو معك والفرق بين البوفيه والسفرة العاديه تنوع الطباق وحولي تجهزي اكلاتك قبل العزيمه يعني بثلاث ايام واذا جت افكار ثانيه راح اقولك ولاتنسيني من الدعاء

إســـــراء • 18 سنة

ان شاء اقدر افيدك بهذا الموضوع

http://forum.hawaaworld.com/showthread.php?p=3666118#post3666118

واذا ما عجبك عندي جزء ثاني (زوجي هوايته العزايم الفجائية تعودت)
بس انتظري عليّ الليلة احمل الصور وانزله

إســـــراء • 18 سنة

http://forum.hawaaworld.com/showthread.php?t=329691

وهذا الجزء الثاني نزلت الموضوعين لعيونك الليلة :)

يلا ان شاء الله تلاقي مرادك فيهم
موفقة حبيبتي

أم سعد وسعود • 18 سنة

^^مشاعل السعوديه^^ :

والله ياغاليه البوفيه اريح من الاكل على الارض.. خصوصا للرجال.. السفره على الأرض لازم توزعين لهم السلطات والمعجنات بصحون.. اما البوفيه حطي من كل صنف بلم او صحن كبير وخلاص وكل واحد يغرف اللي يبي وبمزاجه.. سوي 4 انواع سلطه تقريبا وورق عنب وكبه ممكن الكبه تجيبينها جاهزه او مفرزه وانتم اقلوها بالبيت.. بما أنهم شباب مااعتقد انهم راح يهتمون بالأكل الشعبي يعني المرقوق والجريش سوي كم صنف معجنات..او سمبوسه..اسأليه هو وش يحب انك تحطين..؟ يعني اكلات بحريه ممكن تجيبون جمبري وسمك من برا..او مشويات شيش طاووق واوصال..يعني اشياء انتِ تسوينها بالبيت واشياء جيبيها من المطعم.. والرز اكيد بيجيبه من برا يعني ذبيحه.. وكم صنف حلى للسفره وبس..سلامتك.. رصي الصحون في بداية البوفيه فوق بعض والملاعق والسكاكين والشوك جيبي لك سبت خوص وحطيهم فيه..مع المناديل.. وان شاء الله البنات يفيدونك اكثر..

والله ياغاليه البوفيه اريح من الاكل على الارض.. خصوصا للرجال.. السفره على الأرض لازم توزعين...

^^مشاعل السعوديه^^

الله يجزاك عني كل الخير و يوسع لك دنيا واخره مثل ما ساعدتيني

الف شكر لكي

ريــــــــ الفلاــــــم

الله يجعلك من كل هم فرجا ومن كل ضيق مخرجا ويرزقك الذرية الصالحة

وانا يالغالية في انتظارك اي افكار تراها تفيدني

إســـــراء

وش اقول ؟؟
كفيتي و وفتي بيض الله وجهك

والله الدنيا فيها خير
ما اقول غير الله يوفقك ويسخر لك رجلك ويرزقك الذرية الصالحة ... امين

واي احد عنده اضافات لا تبخلون علي بها ترى بحاجة المساعدة

شـــــــــــــــــــكرا