عزيمة رجال 1و2

1. الرز طبعا تبين رز يبيض الوجه وبنفس الوقت مستعجل جداً

خذي دجاجتين من الفريزر اغسليهم عاد وانتي براحتك تبينهم بكبرهم في الصحن والا مقطعين وارميهم في قدر مع هيل وقرنفل وخليهم يطبخوا الى ما يستوون خلاص
وتروحوا شايلة الدجاج حاطته بصينية وداهنته بزيت ومدخلته الفرن يتحمر
وارمي 6 كاسات رز على مرقة الدجاج وخليها تطبخ عاااااااادي كنها رز ابيض طبيعي مافيه اي شي
واذا استوى الرز ولعي جمرة عالنار وخليها الى ما تشعلل وغطسيها قدر زيت صغير ودخليها بسرعة في قدر الرز الكبير وخلي الرز يكتسب نكهة الجمر والكل طبعاً بيحسبه مندي متعوب عليه
وفي السفرة رشي عليه حلقات بيض مسلوق وبصل وزبيب يعني اعطيه برستيج ترا الرجال مايطالعون الا الرز اول شي :arb:

2. السلطات

-سلطة لبن بالخيار: ابشري خيارتين واخلطي معهم علبة لبن زبادي وشوية ماء وثوم وملح وفلفل اسود وليمون مع رشة نعناع ناشف
-طرشي جاهز من السوق او امبه هندي او يكون عندك مخللات انتي مسويتها من زمان
-سلطة خضراء عااااااادي ما راح تاخذ معك وقت
:cook:

3.الفطاير

جيبي لك لحمة مفرومة او دجاج مفروم وحمسيه عالنار مع بصل وثوم واخر شي حطي عليه شوي اندوفود (كاتشاب اندونيسي) بيعطيه نكهة خراااااااافية :o
وافردي البف باستري واحشيها بهاللحمة بأي طريقة تبين
ولا تنسي تدهني الوجه بالبيض وتدخليها الفرن ما تجي ثلث ساعة او نص بالكثير الا وهي مستوية

4. البيتزا


العجينة عبارة عن:
3 كاسات دقيق
3 ملاعق حليب بودرة
ملعقة خميرة فورية
نصف ملعقة سكر
ربع كاسة زيت
1 بيضة
واعجنيهم بالموية الدافية لحد ماتوصلي الى الملمس المطلوب وغطيها بكيس ودخليها على فرن دافي 10 دقايق تخمر او اتركيها برا لمدة نص ساعة
افردي العجينة بصينية وانثري فوقها كل شي عندك بالمطبخ
مرتديلا-زيتون-مشروم-فلفل رومي-سلامي-ببروني-ذرة :10_8_10:
وحطي عليها شوية كاتشباب مع صلصة طماطم محلول بموية وبهارات بس تكون الصلصة شوي ثقيلة مو خفيفة
واذا تبغي تتفنني اقطعيها من الناص وسويها كأنها اقطاع دائرية مثل اللي بالصورة
ايه صح نسيت الجبن الموزاريلا ويستحسن ترشي بالمناطق المكشوفة شوي جبن بارميزان لونها يطلع حلو مع حرارة الفرن
ودخليها الفرن بالكثير ما راح تاخذ ساعة الا ربع وهي مستوية :icon28:

5.خبز بالثوم

جيبي صامولي واقطعيه شرايح بالورب
وادهنيه جبن كاسات مع بقدونس وثوم وبهارات وزيت زيتون
ودخليه الفرن 5 دقايق بسسسسس تحمير وانتهينا :icon810: :boom: