وانا زيك رفع
كحل الاثمد الاصلي
مسك الطهارة الاصلي
للطلب مراسلتي خاص
والله انا زيك اموووت عالاكل الجاااوي
وعندي طريقة صوص اللوز والساتي بمختلف انوعه لحم دجاج جمبري والبطاطس المكعبات بالجمبري

طريقة مكعبات البطاطس مع الجمبري او الدجاج
o بطاطس مقطعه مكعبات ومقلية .
صحن صدور دجاج مقطع مكعبات. او مجمبري مقاس وسط مقطع لنصفين
في الخلاط (فصين توم +حبه طماطم+حبه بصله+حبه فلفل حار+5ملاعق صلصه+حبه ماجي+شويييه مويه بس عشان يسهل الخلط

جيبي في القدر زيت وحطي الدجاج او الجمبري وشوية اجي نوموتو و صويا صوص 3 ملاعق + الخلطة الي عملناهم فوق ولمن يستوو وقبل ما تطفي النار اضيفي فوقو البطاطس ويقلب على خفيف ويقدم

الصوص والساتي
الساتي
الدجاج او لحم او جمبري مقطع مربعات وتحطي عليه بصله و3 فصوص توم مفرومين وملح وشوي فلفل اسود وصويا صوص وتتركيهم ساعه يتنقع بعدين تحطيهم في الاعواد وتشويهم

الصوص
والصوص :زبده الفول السوداني+فص توم +شويه خل +ملح +فلفل اسود +صويا صوص +شويتين مويهـ وتخلطيهم عدلل بعدين تحمي زيت في النار شوية مو كثير ولمن يسخن اضيفي الخلطة وخليه يغلي كووويس وقدميع م الساتي

للاسف ما عندي صور ان شاءالله تعجبك الطبخات لو قدرت اكتب غيرهم ما باقصر عليكي ان شاءالله
الشوربة اسمها سوووب بالاندونوسي
عبارة عن تجيبي قدر تسخني فيه زيت نارجين شوية مع زيت عادي ولمن يسخن اضيفي عليه بصل شرايح الين يصير دهبي اللون واطفيه بمسلوقة اي شي لحم او دجاج مو مشكلة ولمن تغلي اضيفي معاها قطع بطاطس مكعبات وماجي و جزر مكعبات وشرايح كرنب وبصل اخضر ولمن يستوي الجزر والبطاطس و الكرنب اخر خطوة قبل ما تطفي النار اضيفي سبانخ شرايح وغطي القدر والنار مطفية السبانخ تسوتوي بحرارة الشوربة وحتسير احلى شوربة جااااوي اموووت فيها ممكن تضيفي مع السبانخ حبة طماطم مقطعه مكعبات برضو تديها نكهه
السمبل
تفرمي فلفل احمر حاااار وتجيبي طاوة وتحطي فيها زيت وتسخنيه وتضيفي ثوم مفروم تقريبا ملعقتين اكل ولمن يصفر لونها وانتبهي لا ينحرق الثوم بس يصفر على طول اضيفي الفلفل وحركيه واضيفي ملح وملح ليمون وربع ملعقة اكل صلصة وشوية موية وسيبيهم يتسبكو تمااااام بعدين احفظيهم في الفريزر عشان لا يخرب عليكي مع الحرررر دا



الكفته
قطعي بطاطس لحلقات عريضة نوعا ما واقليها الين تسوتي بعدين اهرسيهم في الخلاط كويس الين تنهرس بعدين اضيفي معاها لحمة مفرومة مقلقلة ومستوية وجاهزة وتكون كمية اللحمة المفرومة ثلث كمية البطاطس بعدين تبهري الكفته بملح وكمون وخولنجان وشوية اجي نوموتو وتسويها على شكل اقراص وحاولي تدهني يدك شوية زيت عشن يزبط الشكل معاكي وبعدين غمسيها فبيض واقليها لمن تغمسيها في البيض خلي صحن البيض المخفوق قدامك واقراص الكفته جاهزة خدي حبة حبة بسرررعه غلفيها بالبيض وارميها في القلي وخلي احد يساعدك يقلب الكفته لمن تحمر يبغالها شوية حذر ودقة عشن تطلع تماااام وبالعااااافية
حبيت انوه على شغلة كل الاكل الجاوي لالالازم تكون فيه رشة او اكثر من الملح الصيني الاجي نوموتو ولا حيكون اكل عادي بدون نكهه لا تقولو مضر ولا كلام فاضي اهم الجاوة بياكلو وماشاءالله احسن ناس صحة واطول اعمار ههههه
عشان كده كل طبخه قبل ما تطفي النار رشي رشة من الملح الصيني وطفي عالطبخه

لو في اي استفسار اكتبيه هنا عشن البنات كلهم يستفيدو وبالعاااافية


الساعة الآن 08:26 .