~// ترى الذكــــرى ولو حلوة ؛؛ طواريها تهـدّ الحيــــل //~ ...!! دعواتكم .

السلام عليكم ورحمة الله وبركاته..

يابنات انا كاتبة هالموضوع ابغاكم تدعون لي من باب دعوة المسلم لاخيه المسلم مستجابة بإذن الله والملائكة راح تقولك ولك مثل ذلك. 
انا يابنات طالبة بالجامعة وضااايق صدري لاني افتقدت صديقاتي بالثانوي علماً انا ثاني سنة بالجامعة بس العام كانت سنة تحضيرية وكانو معي بنات من نفس مدرستي والحمدلله انبسطت معهم كازميلات بس كنت كلما تذكرت الثانوي ابكي الحمدلله على كل حال. 
لكن السنة هذي هالبنات مو معي بسبب التخصص صرت لحالي بس وقت البريك فيه بنات اعرفهم بتخصصات ثانية واروح اجلس معهم ثم اروح المحاضرة. 
بس ايش اللي زاد علي في يوم من الايام عندهم اوف لما طلعت وقت البريك مالقيت احد اجلس معه خنقتني العبرة رحت لمبنى قسمي كاني قاعدة اشوف شغلي ولما جا وقت المحاضرة رحت بس تاخرت الدكتورة وانا فيني صياح تخيلو اشوف بنات يضحكون اتذكر استهبالنا انا وصديقاتي بالثانوي وتخنقني العبرة وادمع عيوني واحالو انه محد ينتهبلي والحمدلله قالو الدكتورة ماجت وطلعت وانا بالشارع انتظر ابوي صرت ابكي بقوة ولما رحت البيت قعدت ابكي كان ذاك اليوم كل الوقت ابكي. 
الحمدلله على كل حال انا يابنات اعرف كثير بالكلية بس انا من النوع اللي ما ادخل بقوه ما احب اثقل على احد يعني مجرد سلام وبس. 
فاللي ابغاه منكم انكم تدعون لي القى صديقة يكون الرابط اللي بيننا الحب في الله واننا نتعاون انا واياها عالبر والتقوى. 
الله يجزي كل من ترد وتدعيلي الجنة ووالدينها وكل من يعز عليها ياااارب.