البنات ماقصروا

:)

قصدك فاريا :)

اذا هم زي ماقلتي ناس ملتزمين فـ أحسن شي لهم يسكنون في ميروبا أو بريفون

هذيك منطقة رائعه وهاديه وغير كذا ميروبا فيها مجمع سكني خاص بمستثمر كويتي

احنا دايم نسكن فيه ومريح بعيد عن الصجه والإزعاج وغير كذا قريب من فاريا والجبال عموماً

بينه وبين بيروت تقريباً نص ساعه ووو وسط البلد تقريباً على حسب الزحمه الي فيه

عموماً إذا هم مايحبون الأغاني وهالخرابيط إذن 10 هم بالشقه مايصلح يتأخرون أكثر

إلا لو بيتمشون ع الكورنيش ولا انصح بهالشي لانه دجالين الي ع الكورنيش

وبالنسبة للملاهي في ملاهي فرييج ببيروت اول الكورنيش تقريباً طبعاً فيها أغاني

مافي مكان بلبنان مافي أغاني

وبالنسبة للسكن في ميروبا اتوقع الليله بشقه 350 ريال او ازود بـ شوي يعني ماهو غالي

خلهم يبعدون عن بيروت وإزعاجها ماتصلح للعوايل أبداً خصوصاً الملتزمين

اممممم بعد الأسواق الغاليه والسرقه صح في الفردان وabc

وترا اغلب الاغراض عندنا لما جينا لقينا نص أغراضنا موجوده بشارع الحب بالدمام

اممم بعد عندك سوق برج حمود وسوق سن الفيل وسوق جونيه

جونيه لا يروحون لها كله مفاصيخ ومايوهات وسكارى 24 ساعه

عموماً هي منطقه مو زينه بنظري ولا تعجبني ومطاعمهم نصب * نصب

يمكن مانويلا مع إني ماجربته

مطاعم الجبال أجمل وأحلى منظر

عاليه حلوه بس بالليل قمة القرف

احنا دايم ناخذ جوله نروح زحله وزغرتا وإهدن ونرجع

طرابلس نمر مرور عشان عبدالرحمن الحلاب <---- للحلويات روحوا الي عند الدوار مو الثاني الكبير

لأنه فيه فرق سبحان الله بالطعم وبالتعامل اصلاً بتشوفين محل كبير وفاضي ومحل صغير وجنبه مقهى

ومزحوم ع الآخر :)

الأفضل يستأجرون سياره بسواقها

الصالون عندك باتشي أند لوتشي بـ لبنان رائع وفيه قسم نساء والأسعار والله ماهيب رخيصه :22:

وفيه صالون سيمون مندلق في الزلقا أسعاره ممتازه:30:

وكلهم تطلبين منهم قسم للمحجبات ويفضون لك المكان

أسواقهم تفتح الساعه 8 الصبح وتسكر 8 بالليل

بالنسبة للهدايا من برج حمود وإلا من جونيه

فندق فينيسيا والهوليدي إن ديونز والمقهى الي فيه خليها تبتعد عنه لأنهم هناك يسبحون الرجال سحب مو صاحي :42: وليته الي يغازلون لبنانيات إلا خليجيات بعد :(


اامممممم إن شاءالله إني مانسيت شي

دعواتك لي جالسه أعصر مخي ساعه :eek: