خيــآإل

خيــآإل @khyaal_5

عضوة فعالة

يابنات الدمام الدبدوبات تعالوا يله نبدا مع بعض

علاج السمنة والنحافة

اهلييين بالعسسولات الدبدوبات الحلويييييييين

انا دبدووووبه وكل مره اقول بسوي ريجيم حدي اذا طولت 3 ايام هههههااااي :hahaha:

وكنت دايم اقرا الانظمه تبع الريجيم

[ الغداء 4 ملاعق رز - والعشاء بس تفاحه والفطور بيضه وحده ومدري شنو سلامات ههههههههههههههااااااااي

قسسسم تحطيييم للي يبي ينحف ودايم اهلي يقولون لي ضعفي خفي ماصارت وانا اقول لهم اذا ربي كاتب لي اضعف بجلس من النوم واشوف نفسي ضعيفه رشيقه :35:<<برااا

وفي يوم من الايام فججججأه تدبست هالفكره في بالي مو راااضيه تروح حاولت اوخرهااا ابعدهااا مو راااضيه لازقه في رااااسي والغريب انه كان عندي هذا الشي بقوووه العزيمه والاراده

قررت اني اضعف ~~>> سبحآإنك ربي ..

وع الطوول رحت لصديقتي دقيت عليهااا هذي انا وياها في كل شي مع بعض قالت لي يله معااااك في كل شي

قلت اووك

وجلست ابحث ع نوادي ريااضيه بس كنت ابيها رخيصصه مو غاليه مرره لان حنااا بنات وعااطلين ومخسسسرين اهلناا زياااده ..

لقيت نادي مستشفى التداوي بـ 700 ومستشفى السعد الشهر بـ 1000 او اكثر

وشيرتوون اشتراك سنوووي ومستشفى الاحمدي 350 ومستشفى الاهلي 500

طبعا كانت تعيقنا المواصلاااات ماخترنا اي واحد منهم ..

دورت ع مششاغل لقيت مشغل روج النادي عندهم الشهر بـ 330 قلنا حلوو وقريب خلاااص قررنا ناخذه

بس قلت خليني ابحث اكثر وكنت اكلم صديقتي اقول لها عن النوادي ومدحت لي نادي التفاح الاخضرررر

انا قلت خلاااااااااااص تم ..

وجلسسنا اسسسبوع ندور ع مواصلات بس ماااافيه كلهم يعتذرون قلت والله ما أيأس لين الله سهلها في النهايه ولقيناا

طبعا هذا النادي يابنااات والله اني انصحكم فيه من قلب

الاشتراك الشهر بـ 250 ريال + حمام سونا ومساج مجانا

موقعهم في مدينة العمال جنب حديقة بن سينا

اسمه مطعم التفاح الاخضر وجنبه على طول مركز بن شدوو

المطعم هذا حق اللي يسون دايت يوصلون لهم الفطور والغداء والعشاء الشهر بـ 1200

مركز بن شدوو هذا حق الرياااضه

المهم رحنا اول يوم الرياضه تبدا من 6ونص الى 7 ونص

والله المدرربه ممتاااازه تتعامل معك من قلب وتنزل منك في اليوم تانكي عررررق هذا اللي شجعني اكثر

وتسسوي الريااضه السويديه

المهم انا وصديقتي اتبعنا نظام قلنا كل اسبوع بنغير

اول اسبوع الفطور من 3 الى 5 بيضات بس بدون الصفار ويكون مسلوق مع خبز بر وعصير بدون سكر

والغدا رز ابيض نطبخه بس بماي وملح ونقطة زيت عشان مايلتصق والدجاج داخل الفرن واذا تبين لبن خالي او قليل الدسم

والعشاء ننوع يوم تونه اللي تجيك بعلبه صفرا بدون زيت بس بماي وملح ويوم نسوي باستاا بس ع طريقتنااا

قطعي خضروااات اي شي من الخضروات عاادي حنا نسوي بس فليفله وجزر وخيار وزيتون ودجاج مقطع مسلوق وتكبين فوقهم زبادي وتحطين عليهم فلفل اسود وليموون وتخلطينه وتسلقين المكرونه وتصفينه من الماي تالي تحطين فوقه الخلطه وتخلطينه بعدين اذا حبيتي تبشرين عليه جبن كرفت بس مو كثيير عااد الجبن

ومع كل وجبه بعد مانخلص ناكل زبادي قليل الدسم وبين الوجبات ناكل تفااااح اخضرررر كثيييييييير ونشرررب ماااااي كثيييييييييييير

وامتنعنا منعا باتا عن الشووووكلت والسكرياااات بس اكلي قطعة شوكلت صغيره 2 او 3 وشربي بعده شاي اخضرررر وبتحرقيينه مع الرياااااااااضه

المهم تخيلوا جااا نهاية الاسبوع وشفنااا وزناااا

يااااااوييييييلي

نقصناااااا 4 كيلوا يالهووووي ذكروا الله يااجمااعه قمناا نناقز في الغرفه .. مااصدقناااا

يلا يابناااات شدو الهمه وتعالوا معنااا والله المدربه تنزل وزنك غصب

وقبل ماكان فيني ليااااقه ابد اللحين والله احس نفسي خفيفه وحبيت الرياااضه مااعيش من دونهاااا

شوفوا اسبوع واحد وش سوى فيناااا وترى انا دبدووووووبه مرررررررره

يله يله ابي احمسكم خلاااص مافي دبدوبات بعد اليوم .......

وانا صديقتي اخوانها مدربين ريااااضه ماااقصرت معااااي استفدت منهااا كثيره ولي طله ع الموضوع ...
11
3K

يلزم عليك تسجيل الدخول أولًا لكتابة تعليق.

تسجيل دخول

ليلة توبتي
ليلة توبتي
هلا فيكم خواتي أنا معكم من الدمام وامشي على ريجيم الف سعرة حرارية ونزلت عليه اليوم لي سابع وامشي نصف ساعه علكورنيش وحطيت تجربتي بس للأسف قفلنا الموضوع مع انه فيه حماس كان وووناااااسه تشجيع
ليلة توبتي
ليلة توبتي
****لله مايقفلون الموضوووع
خيــآإل
خيــآإل
صديقتي اخوانها المدربين ينصحونهاااا بهذا الشي ويله كلنا مع بعض تعالوا النادي وبنتبع انا وصديقتي الاسبوع الجاي ذا النظام

الفطور ]

الغداء ] ..

والعشاء ]

بنااااات السلطه تكون قبل الاكل يعني مثلا ع الغدا تاكلين السلطه قبل بعدين الرز والباقي

+ نشرب كميات كبيره من الماي بس انتبهو يكون الماي مع الاكل لالالالا انتبهوا
+ تفااح اخضر انتبهوا يابنااااات تفاااح اخضر مو احمر ولا اصفر لالا لان هذولا سكريين

واضفنا في جدولنا شاي اخضررر سليمي - عادي اي شاي اخضر بس حنا بنستخدم هذا لانه يحرررررق الدهوون ..

وبعد كل وجبه مثل ماتعودنا زبادي قليل الدسم اللي هي وجبة الفطور والغدا والعشا

بس بنضيف ع الزبادي ملعقة بذرة الكتان ..

وبنااات اختاروا يوم في الاسبوع تاكلون فيه شوكلت بس مو قطعه كبيره عاااد وبعدهااا شااي اخضر

ماعليكم من اللي يقولون لكم لاتاكلووون ابد شوكلت لا لازم ولاتخافون بيحرقها الشاي الاخضر والرياضه ولا كأنك كلتي شوكلت

لان صدقوني اذا ماكلتوا شوكلت بعدين بعد اسبوع ولا كم يوم من الريجيم بتاكلون كميات كبيره بالهبل من الشوكلت ..

وبنااات نصيحه لاجيتوا تسوون رياضه شربوا ماااي كميات كبيره اثناء الريااضه لانه ينزل الوزن بسهوووله

لي باك
ام رتال28
ام رتال28
انا بعد كنت اسوي رجيمات ورياضه بس الحين رجعت اللدبل

وببدااء معكم

وعندنا بالخبر مركز رياضيه حلوه

مثل الطيف واشرقه ممتازين
وهيفاء بعد

بس يابنات المشكله في الارده
اردتنا تمل

الله يسهل لنا كلنا

وانا ببداء من السبت
وترى يابنات انا عن تجربه رايت التخفيف من الاكل افضل لانو الحرمن مصيره يرجع لوزن لا محل معها

وترى تصحيح الطرق في الاكل وممارسة الرياضه ولمدومه هي التساعد بعد

التوكل على الله
وترى الدعاء اكثر شي ساعدني

ادعو الله يعينكم ويرزقكم الاجسام الرشيقه التى تعين على طاعه..

يعطيكم العافيه..
خيــآإل
خيــآإل
لا ان شاء الله مايقفلونه هذا موضوع للفاااااايده

واللي بتقفله تكتب السبب ليش .؟