السلام عليكم ورحمة الله

مساء |صباح للمتواجدين

بهذر شوي هذا الله يسلمكم ويسمن النحيفة كنت افرفر بعالم حواء وخاصة قسم المجالس الا والقي موضوع

وحدة كاتبته الله يسعدها حاطة عيد اهل حايل

وافتح الا القي عيدهم غريب عن عيدنا بس عجبني تمنيت ازورهم يوم من الايام بالعيد واعيش جوهم وهذا عيدهم


ياني تخبلت على عيدكم عيدكم يجنن بس مو هنا المشكلة .المشكلة


اني من بعد الصور وانا سعابلي تسيل على عيدكم اقصد رزكم ماشاء الله لااله الا الله الصورة للحين بالي حتى صرت اتحلم بعيدكم هع

كيف تطبخونه ؟ قسم للحين نفسي فيه احس طعمة يدوخ

سواللي اللي كبر قريح كيف تطبـــــــخـــــونــــــه ؟

وش المكونــــــــــــــــات ؟

وش البهارات ؟

ابي الطريقة بالتفصيل يابعد حي وملي اعرف احكي مثلكن

ويسعدكم ربي
25-10-1432 هـ, 07:24 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
اللهم اني اسالك بأن لك الحمد لا اله الا انت وحدك لا شريك لك المنان
يا بديع السماوات والارض ياذا الجلال والاكرام
اللهم اني اسالك بانك انت الله الذي لا اله الا انت الاحد الصمد الذي لم يلد ولم يولد ولم يكن له كفوا احد
توكلت على الحي الذي لا يموت الحمد لله الذي لم يتخذ ولدا ولم يكن له شريك في الملك ولم يكن له ولي من الذل وكبره تكبيرا
(دعاء ابراهيم عليه السلام):حسبنا الله ونعم الوكيل
رب لا تكلني الى احد ولا تحوجني الى احد واغنني عن كل احد يامن اليه المستند وعليه المعتمد وهو الواحد الفرد الصمد لا شريك له ولا ولد خذ بيدي من الضلال الى الرشد ونجني من كل ضيق ونكد
اللهم امين
25-10-1432 هـ, 08:53 صباحاً
 
هههههههههههههههههههه يابعد الدنيا تنور بتس حايل

اعيادنا رز ولحم ودقاج وكل مايطري على بالتس صح اننا البنات والشباب مانبي بس وش نسوي بشيباننا الله يخليهم هههههههه

شوفي مدري اول مره ادري ان رزنا مو زي الرز اللي تسوونه بالمدن الثانيه

نطبخ الدجاج او اللحم مع الليمون الاسود اذا غدا عايله وحده نحط حبه وحده مع 5 حبات هيل وزيهم قرنفل وورقة غار وشوية ملح وماجي عشان الطعم خخخخخ

قبل نكشن البصل مع شوية زيت بعدين نحط عليه الدقاجه نقلبه ونحط ملعقه صغيره كركم وبزار اللي هو البهارات المطحونه ونحط ماء مغلي ونحط اللي قلت لك فوق معهم

وبهارنا نشتريه من حريم وبعضهن هن يسون بهارهن واسمع ناس من برا حايل تطلب من بهارنا لانزل احد حايل يقولون مو زي بهارهم عاد وش انت يابهارنا ووش تحتوي عليه مددري خخخ

لاطبخة الدقاجه واستوت نطلعه نحمره عاد بالفرن او الزيت على مزاجتس نصفي المرقه من كل اللي موجود به ونضيف الرز تكون المرقه فوق الرز ب 1سم او اكثر شوووي واذا شفتي المرقه نشفت زيدي عليه شوي لين يستوي ومايكون مخبوص يكون نثري

وتكوني من قبل مكشنه بصل مع شوية زيت وتبشرين جزرتين او ثلاث ولاذبل البصل تحطين الجزر وتقلبينه لين يذبل ولا بقى شوووي ويستوي الرز تحطين كشنة البصل والجزر على الرز من فوق وتحطين شووي مصفر مو كركم لا مصفر وتحركينه بسكين تخلين بس فوقي الرز يختلط مع الكشنه مو كل الرز لا بس شوووي منه عشان ينزل طعم الكشنه لباقي الرز ولاجيتي تغرفين الرز شيلي كشنة البصل والجزر بصحن صغير على جنب وحركي بقية الرز اخلطيه بسكين عشان مايتعجن مع بعض بعدين اغرفيه بالصحن ورشي عليه كشنة البصل والجزر وشوي الرز اللي اختلط معهم وحطي دقاجتس وليمونتس واللي تبين عاد من مكسرات او سلطه

هذا طبخنا واتوقع نفس طبخ بقية المناطق

وعوااافي على قلبتس واسسسسفه طولت عليتس ي بعد جداني
25-10-1432 هـ, 09:18 صباحاً
 
عنووووده ماقصرتي والله انك تبيضين الوجه
25-10-1432 هـ, 10:05 صباحاً
 
هلا هلا يابعدي حي

انورتوني ايه نطبخ رز بس مادري نفسي نطت على رزكم وحبيته مادري احس له طعم خاص

طيب وش هي بهارتكم حتى انا سمعت ان بهار اهل حايل حلو للاكل اللي تعرف وش هي البهار وتسويه بالبيت تسدح الطريقة

مشكورين يابعدي حي
25-10-1432 هـ, 01:11 مساءً
 


الساعة الآن 04:01 .