"هذي للرب وهذي للشب" ، فلسفه، وهذرة.

صبحكم الله بالخير
وشلونكم عساكم طيبين
وعساكم خلصتوا صيامكم (((فرحانة توي اخلص<<< اخر وحدة


كثير قرينا و سمعنا عن مواضيع تاخر الزواج

الصراحة ان هذا الموضوع اخذ اكبر من حجمه ، انا ما اتكلم عن مشاعر نفس المتاخرات عن الزواج ، اتكلم عن نظرة المجتمع للمتاخرة
نظرة مدري ايش اقول عنها
بس الاكيد انها تاافهة لابعد حد

لو فيه بنت بالعائلة ما تزوجت
وفيه ولد ما تزوج
ليه البنت ينظر لها بشفقه
والولد محد فكر ليه ماتزوج
مع ان العكس هو اللي مفروض يصير
لان الولد بيده يدور ويتزوج واذا ما تزوج يكون الاكيد ان فيه سبب وسبب كبير بعد
بعكس البنات اللي غالبا نشوف اللي ماتزوجوا حلوات وماناقصهم شي لكن ما بيدهم حيلة
قدر زي باقي الاقدار فيه اللي ربي ابتلاها بمرض والي ابتلاها بزوج فاسد لو جالسة طول عمرها ما تزوجت احسن لها واللي ابتلاها الله بالفقر .......

عاد كل بنت لها فكرة تشوف انها افضل طريقة للزواج
اللي كل الزواجات تحضرها
واللي اذا جا لهم ضيوف مايمسك الدله الا هي
واللي من تشوف حرمة كبيرة انواع الاخلاق تنزل عليها

وهذ لا غبار عليه((بعلمكم اني مسقفه<<مثقفة
لان فعل السبب لازم

مرة من المرات كانت تسولف علي صديقتي، عن صديقتها لبنانية تقول ان الشيعة بلبنان يتنقبون او يتلثمون ..يعني يطلعون عيونهم، ويغطون شعورهم الا القصة وفي لهجه اخرى تسمى الغرة (( وهي شعر مقدمة الرأس لغير الناطقين بالعامية
فتشوفين العيون والقصة طالعين والباقي متغطي
عاد اش يبررون فعلهم هذا
يقولون عن الجزء المغطى هذا للرب((غطيناه ابتغاءرضى الله، والشعر الي مطلعينه((وهذا للشب:42:
قصدهم نطلع من شعرنا عشان يعجب بنا احد الشباب:22:
الحمد لله على العقل ههههههههه

فـكل وحده تسوي اللي تتوقع انه بيفيدها،،،،،،،،،،،،بس تحط ببالها نقاط مهمه ::
1 التوكل على الله ، والثقه به، واحسان الظن بالله.
2 تذكر قول الرسول: ""مااصابك لم يكن ليخطئك"".وان الله قد قدر المقادير قبل خلق السماوات والارض، وان الحزن لا يقدم ولا يؤخر .
3 الرضى عن الله، والثقه ان اختيار الله لعبده خير من اختيار العبد لنفسه.
4 الدعاء.
5 فعل الاسباب المشروعه، بعد التوكل على الله.اما الامور المحرمة فتترك اتباعا لامر الله. ولكي لا تكون سبب حرمان.((مثل التزين بما حرم الله "نمص ، الملابس الغير ساترة........وتذكر حديث من ترك شيئا لله عوضه الله خيرا منه.وما تسوي مثل الشيعيه:eek:.
6 التقرب لله بالاعمال الصالحه .
_________________________________________________________

انا احس ان سبب النظره السلبيه هذي بمجتمعنا (( الله يعين بدت الفلسفه:angry2:اننا بصراحه مجتمع فاااضي ماعنده هموم اللهم السوق وآخر موضة واحلى ديكور للبيت واحسن محل حلويات
فطبيعي من اللي هذي اكبر اهتماماتهم انهم يكبرون سالفة تاخر الزواج

لو كنا مجتمع متطور،كل وحده عندها مجال تهتم فيه وشاغل تفكيرها، كان ماصارت هذي النظرة بها الصورة

قالت لي وحده من بناتي ((طبعا بنات افكاري ،،،
المهم بنتي هذي قالت لي ياماما عندي حل للمتاخرات في الزواج
قلت حلو ........ هاتي مالديك يافتاة
قالت لا موحل يجيب الزوج
قلت اجل اقضبي الباب ما نبي فلسفه
قالت يعني انتي تتفلسفين من اليوم و ماتبين تسمعين فلسفتي
تتوقعين اللي يقرون الحين عاجبهم هالكلام اللي تقولين
المهم اني خفت ان كلامي ما يعجبكم وتنازلت وسمحت لها بالكلام بس اني قلت لها تحترم نفسها وما تتكلم مع امها بهالاسلوب

قالت
لو ان كل وحده تاخرت عن الزواج، وبدأ هذا الموضوع يشغل بالها ـ لان الزواج فطرة ـ اشغلت نفسها بموضوع اكبر منه
وجعلت لها عالم تحبه وتميل اليه وتندمج فيه

-اللي تحب الاعمال الفنية تطور نفسها وتتعلم شغلات جديده المهم انها تخلي لها عالم و جو تجد نفسها فيه
-واللي تحب الطبخ تطور نفسها واذا كانت ماهرة تتعامل مع محل تبيع لهم من حلوياتها
او تسوي دورات في بيتهم لبنات العائلة او حتى لو دورات للعاملات
-واللي عندها ميل للعلم ((ويا حظها)) تشترك في دورات علميه وتدخل لها في صحبه صاالحة تنسى همها معهم.
وتاخذ اجر بالمرة..
-واللي تحفظ قران وتدرس في دار
او تسوي دار مصغر في بيتهم. تدرس بنات الحارة واقاربها

وما يعني هذا انها ماراح تحس باي احساس سيء في هذا الموضوع
لا
بس بيكون اخف بكثير
لانها عندها اشغال تاخذ من وقتها
والشيء الثاني شعورها بانها تسوي شيء، وتفيد الناس، ومو عايشة بدون اي هدف

المهم ان كلام بنيتي اعجبني وشكرتها



وعسى يعجبكم كلامي انا وبنتي:eek: