اولا حابه اقولكم وحشتوني لاني من زمان مانزلت موضوع <<<اللاب كان عطلان
ثانيا هذا الموضوع كتبته لان كثيييير طلبوه مني <<وانا اسفه على التأخير
الموضوع هو عن لبس السمينات او التخان وتنسيقه وطريقة اختيار القصات المناسبه
انا راح احط صور لستايلات وراح اتكلم عن كل صوره
بسم الله
في البدايه راح اتكلم عن الاساسيات والقواعد اللي تخص لبس السمينات ::
1- اختيار مقاس الملابس الداخليه يعني لاتكون واسعه ولا ضيقه مره وهذا شي مهم كثير مننا يهمله <<سبحان الله احسها هيه الاساس في انو اللبس يطلع حلو ومرتب او ماهو مرتب وتكوني غير مرتاحه
2- اذا ما دخلت فيكي التنوره او البنطلون لا تلبسيه بالغصب <<<وتصير مصارعه عشان تقفلي الزرار
ولا تلبسي واسع عشان تخفي سمنتك
خذي المقاس المناسب حتى ما تطلع بهذا الشكل
3- اشتري لكي مشد سليم اند لفت <<<رووووعه يلم الجسم ويرتبه
يعني عشان تلبسيه تحت الفساتين او اذا عندك مناسبه مهمه
4- اذا لبسك يحتاج كيلون او ليقز ابدا لا تختاري بنقشه كبيره او يكون ملون وملفت <<اختار الساده ويكون غامق او لحمي
وهذي قطع مهم جدا تكون عندك :
فستان اسود ساده
بنطلون او تنوره سودا
بنطلون جينز او تنوره جينز غامق
فستان نعوم ولونه حلو <<وردي ارنجي >>يعني لون صيفي
هذي القطع تقدري تطلعي منها بكذا لوك
البناطيل والتناير اي بلوزه تجي معاها بس اهم شي تكون القصه مناسبه لكي
اما الفساتين :الفستان الاسود تقدري تدخلي عليه كل الالوان <<اكسسوار او شنطه او الشوز او سكارف او جاكيت >خيارات مالها حدود
حتى الفستان الصيفي دخلي عليه الوان صارخه <اصفر -اورنجي -احمر -فيروزي >>اي لون يخطر على بالك
دحين راح احط ستايلات او للوكات حلوه تقدري تاخذي منها افكار وتفهمو عليه اكثر
فستان رووعه ونعوم واهم شي انه مخصر وكمان رسمة القماش مخططه بالطول تعطي نحف للصدر
هنا اللبس رسمي شوي قصة البنطلون جدا مناسه للي عندها ارداف عريضه من الجنب وكمان قصة القميص مناسبه صح ان لونه ابيض بس لانه مخصر عادي ممكن تلبسيه
*واذا كنت تبغي تلفتي النظر بس خايفه ينتبهو لتخنك البسي شوز وشنطه بالوان شاذه عن اللبس <<هذي موضه دحين
هنا الفستان قطن ويجي طايح على الجسم ويخفي البطن لانه مكسر من تحت الصدر
هنا اللبس كاجوال شوي وقصة البلوزه حلوه تخفي البطن **ومهم يكون طول البلوزه حتى اعرض منطقه عندك عشان يبان جسمك متناسق
تاااااااابع
هنا الفستان حق مناسبه ولونه جدا حلو و موديله من الوسط مناسب لانه كله كسر
هذا الفستان مررره عجبني قصته ولونه كمان *واذا كنتي حابه تلبسي معاه سكارف فالافضل يكون قماشه ناعم وخفيف عشان لايكبر صدرك
رووووعه * واهم شي انه له حزام في الوسط عشان لا تباني كأنك مربع
قصته حلوه وكمان الوانه <<<*الافضل انو يكون لون الحزام غااامق عشان يدي ضيق وصغر للخصر
فستان صيفي والغالب عليه اللون الاسود وقصته مناسبه تخفي البطن والفخذ
هذا كمان حلو موديله
هنا قصة البلوزه روووعه تحلي شكل الجسم وكمان مقاس التنوره مناسب جدا
*دائما -اذا كنتي قصيره لا تلبسي تنوره تكون واسعه من تحت خلي قصتها مستقيمه عشان تعطيكي طلول وتكون البلوزه قصيره
كمان هنا البلوزه حلوه وقصتها ناعمه
هنا الفستانين حلوين والفستان الازرق بدرجاته موديله من عند الوسط مخصر
والفستان الاسود راح تستغربوا انها لابسه مقلم بالعرض وما تخنها <<لانه من الجنبين اسود بكذا ما راح تعطيها عرض
تاااااااااااابع