جبت لكم اليوم طريقة تعديل صوركم قبل ما تعرضوها في المنتدى .....
اول شي نبدأ بطريقة التصوير .....
مافي طريقة معينة للتصوير .... بس اهم شي تكون الاضاءة ممتااااازة .... اذا اضاءة الغرفة اللي تصوروا فيها ضعيفة ممكن تجيبوا لمبة مكتب او اباجورة وتحطوها قريب من طاولة التصوير عشان تعطي اضاءة ممتازة ..... او اذا تقدروا تصوروا بالاضاءة الطبيعية .... يعني بالحوش مثلاً او جنب النافذة بحيث تكون الاضاءة واصلة للعمل تمام .... والشي الثاني المهم في التصوير هو الفوكس ...... يعني تكون الصورة واضحة خلال الكاميرا قبل التقاط الصورة ... بعدين التقطوا الصورة وحاولوا ما تهتز ايدكم وقت التصوير ..... بالنسبة للي تصور بكاميرا الجوال العادي او الكاميرا العادية ..... اضغطي زر التصوير على خفيف يعني مو تضغطي مرة لتحت... يعني مو ضغطة كاملة .... حتلاحظوا ان الصورة تغبش وتوضح تغبش وتوضح لين توضح تمام بعدين حتطلع علامة خضراء وصوت توت .... وتثبت الصورة .... كده يعني ان الفوكس مضبوط .... لا تتحركوا ولا تهتزوا وصوروا عادي .... بالنسبة لاصحاب الايفون ... اضغطوا على الشاشة على الشي اللي تصوروه حيطلع مربع يتحرك لين توضح الصورة حيختفي ... معناه ان الفوكس مضبوط ... ساعتها صوروا عادي .... وزي ما قلت حاولوا انكم ما تهتزوا وقت التصوير عشان ما تطلع الصورة مهزوزة .... وفيه شي كمان .... اذا ما ضبط الفوكس معناه انه لازم تبعدوا شوية عن الشي اللي تصوروه ....
ثاني الشي الخلفية ..... اذا كانت اعمالكم ماهي بيضاء اختاروا خلفية بيضاء .... اي قماش ابيض او طاولة بيضاء زي ما انا اسوي .... اما اذا كان العمل ابيض اختاروا خلفية سوداء .... عباية او طاولة سوداء ..... لان اللونين الابيض والاسود لونين محايدين لما تصوروا على خلفية بيضاء او سوداء تطلع الصورة بألوان طبيعية .... لكن الخلفيات الملونة ممكن انها تعطي تشتت او تعكس اللون على عملكم وساعتها ما حيطلع بلونه الطبيعي ....
نجي الحين لتعديل الصور .... صورنا الصورة وكله تمام .... ننزل الصورة على الكمبيوتر ونفتح برنامج الفوتوشوب ونضغط ctrl + O نروح لمكان الصورة ونختارها عشان تفتح معانا .... وتطلع زي كده ....
اذا كانت الصورة كبيرة نضغط ctrl + alt + I ونحط القيمة الاكبر 700 او 600 زي الصورة هذي ...
الحين نضغط ctrl + J عشان نضاعف الشفافية عشان نشتغل عليها .... لاحظوا ان الشفافية اللي على اسفل اليمين لازم تكون مضاعفة زي كده ....
الحين اذا كانت الصورة مظلم شوية نحاول نفتحها .... نضغط ctrl + L تفتح لنا نافذة صغيرة زي هذي ... نروح نحرك المثلث الصغير الابيض لين يصير التباين مناسب ... عن نفسي احطه عادة على 220 .... اهم شي لا يقل عن 200 لانه ساعتها حتكون الصورة مزعجة ... وانتوا جربوا وشوفوا ....
شوفوا الفرق بين الصورة الاصلية وبعد ما غيرنا الخيار هذا ....
ممكن اذا كانت الالوان باهتة انكم تزودوها ... اضغطوا Ctrl + U حتفتح لكم نافذة زي هذي ... حركوا المثلث الصغير بحيث تتغير القيمة .... وانتوا شوفوا النتيجة المناسبة لكم .....
في حالة صورتنا الحين مش محتاجين نزود الالوان .... شايفة انها ممتازة .... فما غيرت شي ....
الحين حنزود حدة الصورة عشان تبرز التفاصيل اكثر ... نختار من القائمة اللي فوق filter او فلتر .... بعدين نختار sharpen ماني عارفة ايش الخيار المقابل له في الفوتوشوب العربي بس اتوقع انه حدة .... ثم نختار smart sharpen اعتقد بالعربي حدة ذكية ...... نفس الصورة هذي ...
حتفتح نافذة صغيرة حطوا القيم نفس اللي في الصورة هذي ...
شوفوا الفرق بين قبل زيادة الحدة وبعد ....
كده نكون عدلنا الصورة وتكون جاهزة للعرض .... بس فيه شي ناقص .... الحقوق ....
عشان نكتب اسمنا على الصورة نفس طريقتي في الكتابة نتبع الخطوات التالية ....
اول شي نفتح صفحة جديدة .... عن طريق الضغط على ctrl + N ونحط القيم نفس هذي الصورة ....
ومن هنا رقم 1 نغير الخط ... رقم 2 نغير حجم الخط .... رقم 3 نغير لون الخط وفي حالتنا هذي نحتاج ان اللون يكون اسود ....
بعد ما كتبنا الاسم واخترنا الخط والمقاس المناسب ..... وعشان نميل الاسم زي ما انا عاملة اضغطي على ctrl وخليكي ضاغطة وقربي السهم جنب الكتابة وحركي الماوس لين يميل الاسم الميلان المطلوب ....
الحين نختار من القائمة اللي فوق Edit او تحرير بعدين Define Pattern وهذي عاد مدري ايش مقابلها بالعربي .....
حتفتح نافذة صغيرة زي هذي ... ونكتب فيها الاسم اللي نبغاه او نخليه زي ماهو ثم نضغط ok او موافق ....
الخطوات الى هنا ما راح نحتاجها المرات الجاية ..... يعني كل مرة تبغي تحطي اسمك على صورتك حتروحي على طول عالخطوة الجاية من بعد تعديل الصورة ....
الحين نروح لصورتنا اللي عدلناها .... ونروح جهة الشفافيات اللي على اليمين ونضغط على المربع الصغير رقم 1 زي في الصورة اللي على اليمين وحتطلع لنا شفافية جديدة زي رقم 2 .... بعدين نتأكد ان الالوان نفس اللي في الصورة اللي في الوسط .... يعني اسود وابيض من تحته ... نضغط Ctrl + backspace وحتصير الشفافية بيضاء وحتختفي الصورة .... بس لا تخافي ... اضغطي رقم 1 زي اللي في الصورة على اليسار ... واختاري الخيار multiply زي رقم 2 في الصورة اللي على اليسار ...
الحين من مربع الشفافية تختاري الخيار الصغير اللي زي حرفين fx (رقم 1) ... بعدين تختاري الخيار رقم 2 اللي هو pattern overlay .....
الحين حتفتح نافذة صغيرة ... تضغطوا على المثلث الصغير (رقم 1) .... بعدين تختاروا اسمكم اللي عملناه قبل شوية (رقم2) .... بعدين نغير القيمة الى 30 (رقم 3) .... ونختار الخيار multiply (رقم 4) .... وذا كان الاسم كبير ممكن نغير القيمة (رقم 5) لين يصير المقاس مناسب ..... ثم نختار ok او موافق .....
الحين نحفظ الصورة .... نختار file او ملف بعدين save as او حفظ باسم .... ونختار اسم للصورة تبعنا ونختار المكان اللي نبغى نحفظه فيه ونختار صيغة الصورة زي ما انا موضحة .... JPEG الاولى مو الثانية ....