السلام عليكم

الغالية آنه متخرجة من الجامعة من ثلاث سنين تقريبا وراح اقول لك المؤهلات اللي عندي لاني لحد الحين مو قادرة ارتب افكاري لانه وضعي مو مرتب حتى اجتماعيا .

- ممتازة في كتابة البحوث بس باللغة العربية واشتغل بضمير لانه عندي حب الكتابة بس ما عمري اشتغلت في هالمجال بس عادة اهلي يلجأون لي سواء في مواضيع التعبير أو في البحوث لاني احب القراءة واعطي الموضوع عناية .

- درست هيومن ريسورز وهاي تخصص المفروض اوظفه واستعين به في شركة او غيره بس مو لاقية فرصة عمل عندي دافع كبير واتعلم بسرعة وعندي طموح .

- اقدر اشتغل في مجال الكيك والباستات والفطاير وخلافه بس مشكلتي ما عندي مطبخ يسمح لي بهالشي .

- حطيت موضوع في القسم من كم يوم وحاليا افكر اني اشتري بضاعة منوعة من التاجرات اللي عرضوا علي بضائعهم ، يعني حاليا :

خطتي هي كالتالي :

- المبلغ اللي عندي اوزعه على كذا شغلة 1- ( عطور وملابس بالتحديد ) وراح اسوق لها بالنت والاهل والصديقات بس النت والناس تشبعت من البضايع الصينية واحس انه كل شي مكرر
2 - جهاز تزيين الكيك + فرن صغير خاص بالكيك واني ابدأ في شغل الكيك + الكبة
الكيك راح اسوق له في النت + الكبة راح اتفق مع البقالة اللي جنبنا لانه عادة يآخذ لاهل
المنطقة ويبيع لهم واذا كان فيه روجان للشغل فهو يطلب بحسب اللي يحتاجه .
3- راح آخذ جهاز للطباعة على الملابس واشتري تشيرتات بالجملة واطبع عليهم .


المبلغ اللي معاي = 30000 ريال اعتقد انه راح يكفي للي حاطته في بالي .

بس خايفة اغامر واخسر اللي عندي

بشنو تنصحيني اختي ؟؟
قشر منقى حبيبتي شوفي القسم التجاري
اخر القسم في طلب عضوية التاجرات
ادخلي عليه وافتحي موضوع جديد وعبي بياناتك وشوفي المطلوب
وانتظري الادارة يردوا عليك

بالتووووفيق
اختي تدري وش معنى وجودك نصيحتي لك لا تندفعي وتغامري بكامل المبلغ اللي معك
ليه تشتتي نفسك بأكثر من مكان
ابدي بحاجه وحده وشوفي حظك
انا اشوف سوق الكيك وخاصه الكب كيك ماااشي وعليه طلب بس اهم شيء ابداعك ولمستك

ابدأي بالكيك سواء بالنت او بمحيطك الخارجي وشوفي النتيجه لو كانت مرضيه لك خليك بمجالك
ولو ما حققتي اللي تطمحين له جربي حاجه ثانيه
وبالنسبه للكيك في فكره حلوه شوفي طالبات المدارس اللي بمحيطك ممكن تسوي لكم وحده نموذج لشغلك من الكب كيك ونسقيه بطريقة حلوه وغريبه يعني لاتقدميه بطريقه تقليديه والنت مليان افكار تحتاري من حلاوتها
المهم اعطي كذا وحده يعني لبنات فصلها لمدرساتها وغلفيها بشكل حلوو وارفقي معاه كرت تجاري لك الفكره حلوه وتوصل لعدد كبير من الناس وخاصة المدرسااات

اتمنى تقبلي نصيحتي بصدر رحب
وبالتوفيق حبيبتي
ما شاء الله عليكي
اتمنى لكي المزيد من النجاح والتوفيق









لا إله إلا أنت سبحانك إني كنت من الظالمين

اللهم اجعلني من أهل القرآن وارزقني فهمه وحفظه وتدبره والعمل به
مشكوره ماقصرتي


الساعة الآن 03:36 .