تجربتي في الاستغناء عن الخادمه وغثاها

السلام عليكم ورحمة الله وبركاته

كيفكم يالغوالي؟؟


وردتني رسائل ع الخاص تسالني عن كيفية استغنائي عن الخادمه

بكون صادقه معكم يابنات..انا ماكنت اتخيل نفسي ابدا ابدا اني اقدر اعيش بدون خدامه
كنت قبل لاتخلص مدة الخدامه بثلاثة اشهر اقدم على وحده غيرها
انا تزوجت وانا صغيره بثاني ثانوي وحملت ببنتي وكان بيتي كبير وانا ادرس وهذا كان سبب رئيسي في دخول الخدامه لمملكتي
تخرجت من الثانويه ودرست بالجامعه والحمدالله وتوظفت ومازالت فكرة عجزي عن الاستغناء عن الخادمه راسخه بذهني
الين جا يوووم وطقيت وطقت نفسي من غثاهن ومشاكلهن
ويمكن اللي صار مع خدامتي الاخيره هو باب الخير علي بفضل الله سبحانه وتعالى
لقيتها مدخله بيتي هندي بالفجر وعلى بالها اننا نايمين
صحيت وكأنو احد طاقني بعمود على راسي
قلت لمتى اسمح لها بمزاحمتي ببيتي والسيطره على راحتي
اي نعم هم يريحوك لكن بالمقابل راح تتعبين نفسيا كثيـــــــــر من وجودهم

توكلت على الله سبحانه وتعالى وسفرتها
زرعت بنفسي انو هذا بيتي ومثل مانجحت بحياتي العلميه والعمليه لااااااازم من باب اولى انجح فيه

راح اعطيكم روتيني اليومي وادعي من ربي انكم تستفيدون منه وماابي منكم غير الدعاااء

طبعا انا موظفه يبتدي يومي من عند آذان الفجر
اصحى اصلي وارجع اخذ غفوه للساعه خمسه ونصف
اتروش والبس
وطبعا عندي بنت بالمدرسه وولد بالروضه
اصحيهم واخلص كل امورهم ومن بعد مايمشو ارتب غرفتهم وغرفتي اكمل لبسي واطلع من البيت الساعه سبعه ونص
ينتهي دوامي الساعه 12 الظهر ..اوصل البيت قبل عيالي
اصلي
وعلى طووول المطبخ اجهز الغذاء
يكونو عيالي وزوجي وصلو نتغذى
خلال هالفتره اللي انا انظف فيها البت بعد الغذاء يكونو عيالي ياخذون فترة راحه
اخلص تنظيف الدور الاول والمطبخ تكون قربت العصريه
اجلس اذاكر لبنتي واخلص لها ع المغرب
اجهز عشاهم وماتجي الساعه ثمان الا وهم نايمين
اطلع انا للدور الثاني اشوف ان كانو العيال عفسو والا اي شي وارتبه
واروح لغرفتي اخذ لي شاور واعطر غرفتي وابخرها قبل يجي زوجي
غسيل الملابس يومين بالاسبوع
ويكون بالعصريه خلال فترة مذاكرتي لبنتي احطهم بالغساله الاوتوماتيك وماانام الا انا مرتبتهم وكاويه كل الملابس اللي تحتاج كوي ومدخلتهم بالدولاب
الترتيب لازم لازم لازم كل يووووم لاتراكمي عليكي شي عشان لاتتعبي
غسيل الحمامات .. على دفعات
يعني الطابق الاول بيوم وبعدها بيوم الطابق الثاني وبعدها بيومين ارجع اغسلهم من ثاني
تنظيف الفرن والثلاجات كذالك يومي عشان لايتراكم علي شي واتعب
الزجاج والمرايات واي شي يغبر كل ثلاثة ايام ..يعني اساسا مايمدي الغبره تجي عليها بس احب اشوفها تلق على طووول
اي شي يتكركب لازم ترتبيه بوقته عشان ترتاحي
صحيح ماتجي الليل الا وانا هلكانه لكن والله بنفس الوقت مبسوووطه وسعيده
بيتي يلق من النظافه والكل يقولي بيتك الان افضل من لما كان عندك خدامه
ططبعا انا بيتي كبير طابقين ملحق بالدور الثالث بس صدقوني الترتيب والتنظيم اول باول راح يخدمك كثيييير
غرف الضيوف والمجالس تكون مرتبه ومقفله عن عيالي لايعفسوها
وعندهم غرفه للالعاب وغرف للكمبيوتر يطلعو ابداعاتهم وشقاوتهم فيها خخخخخ
وبنتي ماشاءالله عليها اول ماتخلص لعب على طول ترجع كل شي بمكانه
قبل لاانام اتاكد انو كل شي مرتب ونظيف عشان من بكره لما ارجع من الدوام يكون ماعلي الا الغذاء وحوسة المكان اللي اجتمع فيه انا وعائلتي الصغيره
وماتجي الساعه 11 الا وانا وزوجي وعيالي في سبات عميق خخخخ

هذا روتيني اليومي اللي مريحني وخلاني بفضل الله استغني عن الخدامه
واي سؤال يالغوالي انا حاضره
ولو في شي نسيته راح ارجع اضيفه لكم

:39: