بسم الله الرحمن الرحيم
صباح الفل لاخواتي في الله الموضوع هنا جاااااد وخطيييير وتنبيهي وتحذيري بحت وياريت كل وحدة تقراه او تطيح عينها عليه تبلغ كل اللي حولها وكل من يعز عليها السالفه صارت تقريبا الثلاثاء اللي راح وهي سالفة حرمتين كانوا يدورون بالحواري من بعد صلاة العصر كل وحدة بروحها طبعا ويدقون على ابواب الخلق وبعضهم يفتحون لهم البزران وتقول ناد امك انا جارتكم الجديدة وابي اتعرف عليها وتدخل وتجي صاحبه البيت المسكينه والمضيافه وبكل حسن نيه وتدخلها وتبدا تقولها انا جارتكم لي كم شهر ساكنه في الشارع اللي وراكم وتعطيك معلم او مكان مشهور بالحي وتبدا تقولك ان انها توها مخلصه عدتها بعد ماتوفى زوجها بالسرطان فجأة وتبدا القصه المحزنه واللي تقطع القلب ان اهل زوجها ما فيهم خير وكل وحدة من حريمهم خايفه ان زوجها ياخذها لانها توها بالثلاثينات ووووووووووووو من السوالف اللي لازم يكون بجنبك علبتين اوثلاث كلينكس وهذا اذا كفت بعد عشان تمسحين دموعك بعد كل الاحداث اللي مرت فيها والمعاناة بعد زوجها ووين ماجيتي لها بسؤال تلاقيها اللئيمه جاهزة بالاجابه والختم ان صاحب البيت بيطردهم ويبي الاجار وباعت العفش ومابقى لها غير مبلغ وقدرة عاد هي راح تقدر المبلغ لما تشوف شكلك وشكل بيتك واثاثك وانها سمعت عنك كثير من الجارات وعن كرمك وطيبتك وهذا طبعا لانها كانت فارة على كل بيوت حارتك وخذت اجاباتها عنك منهم قبل ماتجيك وتبدا في موال انها مالها هي وعيالها الا مابتمدة يدك عليها ولاتقولين لها ماعندي بتوريك خاتم بيدها معطيتها اياة وحدة من صاحبات القلوب الرحيمه لان ماكان عندها فلوس يعني اذا ماعندك بكل جرأة تطلبك ذهب لو قطعه بسيطه واذا قلتي استني اليييين يجي زوجي بتقول لا لاني مسافرة بعد نص ساعه وعيالها يستنونها عند باب البيت قبل مايسلمونه لصاحبه ووطبعا تدبرين حالك من هنا او من هنا على اساس انها ناعتتك وطالبتك وانتي كريمه وعلى نياتك ماتبييين تردينها واذا جات بتطلع وهي تدعي لك بكل دعوات الدنيا والخير بتسألك عن البيت اللي بجنبك واللي قدامكم وعن اسماء الحريم ومن فين هم على اساس تدخل عليهم بنفس الدخله اللي دخلت بها عليك وكل حريم حارتنا مرت عليهم هي والثانيه واقل وحدة عطت 100 ريال وفي الاخير طلعوا نصابات يضحكون ع الحريم وبكل جرأة
الختم ياريت نشر السالفه للحيطه واللي يصير معاها الموقف تبلغ مكافحه التسول وماتدرون من الدور جاااااي عليه وهالتجربه شخصيه وكتبتها للتنبيه لان شكلها موجه حديثه للطرارات تستغل فيها اهل الحي للحصول على المعلومات عن كل بيت من كل بيت تدخله الله لا يحللهم ولايبارك في هالاشكال المرة هذي عاااااد جات على الفلوس قلعتها الامر والادهى لو الوحدة تدخل وتخطف بزر او تخدر اهل المكان الله يدفع عنا وعنكم البلا ويبعد عنا وعن كل مسلم عيال وبنات الحرام
ام العامر @am_alaaamr_1
محررة
يلزم عليك تسجيل الدخول أولًا لكتابة تعليق.
جورى الحب
•
انا احس الشحادين الي فيهم صار ادمان وتعود عليه ولو بيلقون افضل وظيفه بيفضلو الشحاده عليها اعوذ بالله منهم
والله مرت علينا ايام رمضان ما توقعتها نصابه
حسبي الله ونعم الوكيل
والله نفس كلامك بالضبط
حسبي الله ونعم الوكيل
والله نفس كلامك بالضبط
الصفحة الأخيرة