بصراحه ودي افتح نادي صحي نسائي يكون فيه:1-اجهزه رياضيه2-حضانه صغيره3-كوفي شوب. انا من الرياض وساكنه في جنوب الرياض وتحديدا حي الشفا وبصراحه ماعندنا هنا اي نادي نسائي متكامل عشان كذا فكرت في هذا المشروع .........والشئ الثاني ابغى يكون عندي مشروع انشغل فيه كل يوم بدال الفضاوه اللي تملللل .......... حبيت تعطوني رايكم في الفكره واللي عندها اي اضافه او اي معلومه ممكن تفيدني او ترتقي بالمشروع راح اكون شاكره لها وياليت اللي عندهم اي تجربه في المشاريع يفيدونا يعني بالنسبه للاجراءات والصعوبات والمعوقات ......... يعني لا تبخلون باي معلومه حتى لو كانت صغيره في نظركم................ والله يجزاه خير اللي يساعدني . 
04-11-1432 هـ, 11:24 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
نفس فكرتي الله يسعدك بس انا ابي افتح بالشرقيه وممكن او في شرورة بس ما لقيت اي معلومات
04-11-1432 هـ, 01:24 مساءً
 
اهم شئ اسالي عن الرخصه
لان النوادى وضعها يختلف يا تكون داخل مركز نسائي او تابع لمستشفى

والباقي سهل ان شاء الله

موفقه
04-11-1432 هـ, 08:34 مساءً
 
فراشة انثى واول غرام مشكورين حبايبي عالرد .......... بس نبغى مشاركات اكثر يلا يبنات نبغى حماااااااااااااس
05-11-1432 هـ, 09:45 صباحاً
 
انا افكر نفس تفكيرك بس حسب ماعرفت
ان المشروع يكلفك بالقليل حوالي300,000ريال
موزعه بين التكييف المركزي وعياده متكامله واهم شي العياده عشان الحريم يطمنون
واستقدام مدربات
والات الرياضه
ووووووو
هذا غير الكوفي يكلف حوالي 50,000ريال

باختصار اذا انتي عندك امكانيه ماديه
توكلي على الله لان الامكانيه اهم شي
والنضام مايجلس بطريقك
السالفه كلها ترخيص من البلديه وبس


موفقه
05-11-1432 هـ, 10:11 صباحاً
 


الساعة الآن 05:43 .