السلام عليكم ورحمة الله وبركاته........
بنوتات حواء كان لي موضوع سابق عن ( كوكتيل بلايز ) بس كان في خلل وطلع الموضوع بدون تعليقات وبصور ناقصة وحاولت أعدل فيه كذا مرة مو راضي .....علشان كذا نزلت هالموضوع بدل الموضوع السابق والسموحة منكم ياعسولات ....واللي ردوا علي في ذاك الموضوع جزاكم الله خير ورفع قدركم .....
المهم الموضوع عبارة عن صور وتعليق عليها مرات على الموديل أو اللون أو الفئة اللي تناسبها القطعة وهذا من وجهة نظري الشخصية وأسعد جدا بتعليقاتكم بعد عليها ياخواتي لكن لي رجاء البلايز اللي تحتاج تستير الله يعافيكم تتستر وأنا بريئة أمام ربي من اللي تاخذ الصورة للبلايز العارية زي ماهي وتلبسها ....
المهم كفاية كلام وخلونا نبدأ ...بسم الله :
طبعا هالبلوزة هذي موديلها مش جديد لكنه أنيق جدا ...ورسمي ....وشيك ...وتقريبا يصلح لكل الأعمار مع مراعاة طبعا تغيير اللون للبنوتات المراهقات ...ومراعاة جسم اللي تلبسها ( يعني مايكون فيه عيوب واضحة ..)
وموديلها رسمي تليق بالجامعة...الدوام....أكثر ....
يمكن تخالفوني الراي على هالبلوزة بس موديلها مخليها تليق أكثر بنهاية العشرينات ومرحلة الثلاثينات ...خصوصا إنه فضفاض شوي فيخبي عيوب الجسم ( في هالمرحلة من الحمل ...وتغير الجسم ....)
وتصلح بعد للي منطقة الصدر عندها كبيرة شوي فتموه الحجم شوي ....وتخبي هالشيء صح ....
مناسبة كثير للأربعينات ...الألوان راكزة ...ورصينة ...ومع ذلك الموديل حلو ... بس نراعي لون البشرة... وتقاسيم الجسم طبعا وهو يخفي كثير من عيوب الجسم...وهي مناسبة تماما لجمعات الأهل والجارات...والغدا ...العشاء...هالحدود يعني ...
مناسبة جدا للمراهقات ...وبعد العشرينات ...وممكن الللي أكبر شوي بس الوجه يكون بيبي فيس خخخخ ...لإن الموديل كيوت وبنوتي مرررة ....المكياج مكياج المراهقات الناعم ...والشوز والشنطة لابد يتوافقون مع ألوان اللبس طبعا فتكمل الطلة ..أحسها تصلح لجمعات الصديقات...والجارات...والجمعات الصغيرة الضيقة لإن الموديل بسيط ومش متكلف ....
الموديل حلووو ..واللون أحلى ....يناسب العشرينات والثلاثينات ...وياسلام لوكان المكياج هادي لكن الشعر مصفف صح ومرفوع جزء منه والباقي لا..والحلق كبير ...وباقي الاكسسوارات منتقاة عدل في اليد والشعر ...واااااااااو ....بس لابد مراعاة لون البشرة اللي يتناسب مع هاللون بالذات ....
نفس اللي فوقه تمام ..بس طبعا اللون أهدى شوي ....
هذي رووووعة جد ...تناسب المراهقات... العشرينات ...الثلاثينات.... (للدوام..أو الجامعة ...أو جمعات قرايب) بس طبعا بعد تستيرها ....ألوانها نعومة وشيك ....والموديل بعد طلع جمال البلوزة .....ولابد من الاهتمام بالشنطة والشوز حتى تكمل الطلة صح...وفيها ميزة إنها تخبي البطن وتموهه...
بلوزة شيك فضفاضة تناسب الثلاثينات ...الأربعينات ومافوق .....تخبي عيوب الجسم وفي نفس الوقت ألوانها هادية...والموديل راكز وحلوووو.....تنفع بامتياز لجمعات الأهل ..وعزايم القرايب وتجمعاتهم...بس يصاحبها مكياج هاديء يتلائم مع هالفئة العمرية ...وشنطة وشوز ألونهم هادية ...
روووووووووعة هالبلوزة شييييك وكيوت ..تنفع للمراهقات ( مع اختيار ألوان فرايحية أكثر ) وللشابات ...لكن لابد من تستيرها...تنفع لجمعات القرايب الصغيرة ...عزايم غدا عشاء...لقاء صديقات ...الموديل خفيف وحلووو وعصري...بس لابد يكون الجسم رشيق أو أقرب للنحافة حتى يطلع الموديل واااو زي الصورة...
أتمنى تنال الصور والتعليقات على إعجابكم...ولانعدم آرائكم....تسلمون لي كلكم ياحوائيات....