فاجأتني احدى العضوات امس وهي من مدينة جدة، بعد مانسقت معي على الخاص وطلبت مني زيت الحشيش.

فاجأتني امس بعد ماكلمتني على الجوال انها تقول (ايش يضمن لي انك بترسلي الزيت اذا حولت الفلوس؟؟ ).

بصراحة الاخت سدت نفسي بسذاجتها، شلون واحدة تتاجر وتهمها سمعتها تتعمد انها تضحك على زبونة وتاكل فلوسها بغير وجه حق.

بعدين الواحدة فينا ماهي مرغمة تشتري، هي بتقدم على هذي الخطوة باراداتها، فليش في آخر لحظة تتعمد جرح مشاعر الطرف الاخر وتتهمه بانه حرامي او غشاش؟
27-04-1426 هـ, 03:55 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
فعلا
اللي ماهو واثق خلاص ماله داعي يشتري

واللي تحط لوحده فلوس وماتودي لها البضاعه تقدر تكتب موضوع بالقسم تحذر باقي البنات منها

والله حسيبها
27-04-1426 هـ, 04:00 مساءً
 
الله يهديها ويهدي غيرها..............
27-04-1426 هـ, 04:07 مساءً
 
فعلا انا واجهتني هاي المشكله من عضوه سعوديه بعد ما اكدت الحجز و انا دفعت عربون حق الساعه (ساعة تروفش) و اتفقنا علي موعد الدفع قالت لي ابا رقمج و اتصلت و قالت لي اكيد بطرش لج الفلوس باجر مع السلامه ما كملت دقيقه اتصلت مره ثانيه وقالت: شو يضمني ان لما ارسل لك الفلوس ترسلين الساعه!!! الصراحه فعلا ضاق خاطري.. و قلت لها اختي اذا مب واثقه محد يجبرج تشترين


في مشكله ثانيه انا واجهتها مع كم عضوه من الامارات يقولون لي شو الضمان انك بطرشين الفلوس : الضمان واضح انتي لما اتسيرين الصراف و اطرشين بالاسم الفلاني والرقم الفلاني صح ولا لا و يكون عندج وصل من الصراف انج طرشت لي فلوس هذا الشخص ..

تقدرين اذا طولت السالفه اكثر من اسبوع تشتكين علي الشخص الشرطه ما اتقول لا وخاصه ان عندج وصل يثبت هذا الشي

اما التاجر يكون عنده وصل مثلا من الارامكس او اي شركة شحن انه طرش لج و هذا اثبات بعد او التاجر يقدر يطرش لج صوره من الوصل علي الايميل للتاكيد ...
27-04-1426 هـ, 04:17 مساءً
 
الغلطه غلطتها انا عن نفسي تعاملت مع كذا تاجره وما شاء الله كلهن ثقه والحمد لله ما صار لي أي موقف مع أحد...
27-04-1426 هـ, 04:18 مساءً
 


الساعة الآن 01:18 .