الدرس الثـــــالث:



لماذا الشركة الفلانية عرضت اسهمها للبيع ؟؟؟؟
عندما يتم انشاء شركة معينه على اساس كونها مساهم يأتي رجال الأعمال المعنيين للمشروع ويفترضون رأسمال بمبلغ 200 ريال مثلا رجال الأعمال يملكون مبلغ 100 ريال فقط .. وش يسوون ؟؟؟
يقسمون الى 200 ريال بشكل اسهم كل سهم قيمته ريال واحد مثلا يأخذون رجال الاعمال نصها ويدفعون 100 ريال ويبيعون الاسهم اللى تبقى للعامة بحيث يملك العامه نصف الشركة والنصف الاخر لرجال الاعمال والرجل الذي يملك الاغلبية من الاسهم بالنسبة للمساهمين يحق له بادارة الشركة وهكذا .
تنزل اسهم الشركة بقيمة اسميه ريال واحد ويشتري الناس ويرتفع سعرها وينخفض بحسب الأرباح أو الخسائر ولا يفيد ذلك الشركة كون السهم ارتفع أو انخفض ...
أفضل مبلغ للدخول في سوق الاسهم 10.000 ولا يفضل الدخول باقل من ذلك .
لنفترض عندك 1000 وامامك شركتين أحدهما بـ50 ريال السهم والأخرى بريال واحد السهم فأي منهما نشتري ؟؟؟
بعد دقيقة ارتفعوا الثنتين ربع ريال .
الشركة الاولى راح تعطيك ربح 5 ريالات
بينما الشركة الثانية راح تعطيك 250 ريال
فكلما كان سعر السهم قليل كلما كثرت الكمية اللي راح تكون قادر على شرائها وكلما زادت كمية الأسهم المملوكة كلما كان النُص والربع مهم لك كربح .
فاذا اشتريت 3000 سهم من شركة وارتفعت ربع ريال ...تكون كسبت 750 ريال ففيه ناس تملك مئات الألوف ولكن لا تستطيع ان تشتري إلا بضع مئات في بنك الراجحي مثلا بينما تقدر تسوي فرق كبير جدا لو اشترت في المواشي.
وفيه حركة تصير دائما في سوق الاسهم .......
(((((((((((( مهم جدااااااااااااااا)))))))))))))))
ما أحد سال نفسه وشلون تبدء المضاربه على السهم ؟؟؟؟؟؟؟؟؟؟؟؟؟
احيانا بالصدفه ولكن احيانا ثانيه تكون مدبره .........
مثلا ...... مضارب مليونير او مجموعة من المضاربين بالاتفاق فيما بينهم يدخلون السوق ويشترون كل الكمية المعروضة مثلا شركة معينة كمثال : -
افضل سعر طلب = 20 ريال وافضل كمية 2000
افضل سعر عرض 20.25 بكمية 5000
يشتري المضاربون كل كمية العرض فينتقل للربع اللي بعده فيصير الوضع كالتالي
افضل سعر طلب = 20.25 بكمية 50
افضل سعر عرض 20.5 بكمية 10.000
ويشترون المضاربين كل كمية العرض فينتقل السعر للربع اللي بعده وهكذا يستمر المضاربون فيرفعون السهم ريالين او 3 ريالات ويتنبه المضاربون للي يحصل ويبدءون الناس في الشراء عندها يتوقف المضاربون ( سبب المشكلة ) عن الشراء ويصيروا الناس يشترون فيرفعون السعر الى 10% عندها يبدء المضاربون ( سبب المشكلة ) في بيع اسهمهم وغالبا ما تكون كثيره جدا فيبيعون بسعر الطلب حتى ينزل السهم ربع ريال وبعدها يبيعون للربع اللي تحته وهم طبعا كسبانين بكذا
ولما يشوفون الناس ان سعر السهم بدء ينزل يبدئون هم بعد في البيع ويستمر البيع حتى يرجع سعر السهم لمستواه الاصلي.
هذا اللي يصير في ماسميته انا سابقا بفقاعة الصابون .
ونصيحتي ان تتابع اسعار الاسهم من موقع البنك اللي تتعامل معه وشريط الأسعار .
انا ماشرحت لكم ايش يكون شريط الاسعار ..... تلقونه بموقع تداول اول ما تفتح الصفحه في آخر الشاشة بالأسفل ناحية اليمين بالشريط الأصفر وعند النقر عليه يظهر شريط الاسعار ...
ويوضح شريط الاسعار من الاعلى للاسفل :-
 اسم الشركة
 كمية الاسهم التي تم شرائها
 السعر الذي تم الشراء به ونسبة التغير
وفايدته في ملاحظة الشركات الاكثر رواجا بين المضاربين وأيضا لملاحظة ما إذا كانت هناك مضاربه على سهم معين أم لا ونسبة التغير حتى تلحقون تشترون قبل انتهاء نسبة العشرة بألمئه
وحتى شريط الاسعار للاسف متاخر شوي لكن مع كذا يعتبر جدا مفيد
بعد ماتتأكد من ان الشركة عليها مضاربه من متابعة شريط الاسعار والتأكد من حجم التنفيذ بحيث يكون عالي بالنسبة للشركات الأخرى اذهب إلى حسابك على الإنترنت وتابع أسعار الأسهم من خلال احصائيات الشركات
وميزة اخذ السعر من البنك انه البنك يعطيك السعر كما هو موجود في نفس اللحظه بالسوق ولكن عيبه انك ما تقدر تتابع الشركة واحدة واذا اردت ان تتابع غيرها يجب عليك ان تغير اسم الشركة وتطلب إحصائياتها .........
ونصيحة .... لا تشتري أبدا عند إقفال سهم الشركة عند 10%بمعنى
مثلا شركة وصلت لحاجز الـ 10% سعر سهمها 200 ريال راح يظهر الآتي:
افضل طلب 200 بكمية مثلا 100.000
افضل عرض 0 بكمية 00
اذا انت تابعت سعر السهم راح تلاحظ انه أحيانا كمية الطلب تزيد وأحيانا تنقص وهذا دليل انه فيه ناس تعرض بسعر الطلب وتبيع فتنقص الكمية ويأتي آخرون يطلبون وهكذا .... فنصيحتي انك ابدا ما تطلب في هالوضع لان السوق لما يفتح المرة اللي بعدها قد يتعرض فيه سعر السهم لهبوط مفاجئ مع الافتتاح لأي سبب ممكن وهذي تصير دائما....
ونصيحه ....... لا تشتري ابدا بسعر الافتتاح لان سعر السهم قد يكون مرتفع عند اغلاق اخر مره ويفتتح السوق لينزل سعر السهم ويخسرك ....
والافضل التعامل بالانترنت لان الانترنت اسرع بكثير من ناحية الطلب وتنفيذ الاوامر ...... واذا زرت الصاله راح تشوف ورقه طويله عريضه لازم تملئها وتقدمها للموظف المختص اللي عن طريقه يسوي لك الامر وهذي الطريقه راح تاخذ منك وقت ممكن خلاله تكسب ريال او اثنين لو انك مسويه خلال الانترنت .
29-04-1426 هـ, 04:13 مساءً
 
[grade="00008B FF6347 008000 4B0082"]
مرحبااااا
وينكم مااشوف تشجيع منكم ...
ولا خلاص ماتبون الدروس ...
[/grade]
29-04-1426 هـ, 08:49 مساءً
 
يا عهود ما جاوبتيني علي اسئلتي
29-04-1426 هـ, 10:27 مساءً
 
معك بارك الله فيك عساها في ميزان حسناتك والله يجزاك الجنه
29-04-1426 هـ, 10:29 مساءً
 
اقتباس مشاركة  (ااام دلع)
الله يوفقك يا عهود دنيا واخره
تدرين انا جيت تو لها القسم ادور مثل ها الموضوع
وعندي كم سوال يا ليت تجوبيني عليهم
انا اليوم الصبح سجلت في تداول الراجحي المصرفي عن طريق النت وتو يسجل ومن بدايه ها الخدمه احاول ما سجلني غير اليوم
بس عندي كم سوال انا كنت ابيع واشتري عن طريق البنك
الحين خلص سجلت في تدول النت طيب شلون اشتري اسهم عن طريق النت وشنو الموقع وبعدين دخلت علي تداول المصرفي كل شوي غلط الاسم او كلمه السر
وسوال بعد هل اذا سجلت بها الخدمه ترسل المعلومات علي الاميل؟
<<يا كثر اسئلتي
الله يوفقك يا رب
[grade="00008B FF6347 008000 4B0082"]بصراحة اختي الراجحي ماجربتة ولا حتي شفتة عشان اقدر افيدك اتمني من الاخوات الي جربتة تشرح لك "انا بصراحة الحين بسامبا ومااعرف الا لة "
بس انا قريت اكثر من مرة ان الراجحي مو كويس تداولة .
عشان كذا خلينا بسامبا"العوض ولا القطيعة "[/grade]
29-04-1426 هـ, 10:52 مساءً
 


الساعة الآن 11:11 .