صباح الظهر اللي قبل العصر
وش حالكم ؟
يارب تكون الحالات النوووووفسيه للقاريات منتازه بالحيل
واللي يشوف والله انه
مهوب لازم يقراء
خيرها بغيرها والجاي اكثر من اللي راح <<<< يعني راعية طويله بكم خخخخخ
الله يغربل العدو غربلتن معتبره ، غربله تحبها قلوبكم تدرون ليش ؟
لان مهيب عادتي ابلش مثل هالبلشه في موضوع من مواضيعي
ما ادري وش الدبره
تهقون اني منحوته ولا منضوله على قولت بعض البنات
<<< وش عليه ياحسررررره خخخخخخخخخخخ
أي والله مادري وش البلاء
ولا هيب عادتي انزل موضوع جديد وأنا ما رديت على موضوعي الاخير
لكن عزائي
ان موضوعي الاخير جاء مفأجي وحالة يتطلب فيها التدخل السريع
اقول اهاه اخلصي ياهيئة الواحه الكركريه خخخخخخخخخ
هذا هو موضوعي الاخير((بنات تغطوا ترى دخل علينا رجال يالهوي ياخرابي ))
عـــــــــــــاد اقولكم
اني هالمره يوم بغيت اكتب لكن الموضوع عصرت أفكاري عصصصصر
لدرجة أني بغيت احط راسي بعصار الغساله
اغديه يجيب نتيجه لكن تعوذت من بلووووسي وقلت اللي يجيبه الله حياه الله
لكن للاعسف امر الله وشق القربه ما طلع معي شي ولا ماشيات
المراد اني جلست مره ادرس رهوفي املاء هذا كله عقب ماطلعت النتيجه
لحظه لحظه
ابشركم ترى رهوفي نجحت <<< اجل وش عقبه تدرسينها
الموهيم ان تفتر الاملاء حقها بوه كم صفحه فاضيه لانها خلصت التفتر الاول
و اخذت تفتر جديد ابو 100 عاد بقى اوراق فاضيه
واقول لها :
وأنا امتس وش رايتس تعطيني دفترتس لانه اغراني على الكتابه
ماكن بالبيت تفاتر ( تفاتر تعني دفاتر بس بلساني فغط لاغير )
عاد توكلت على ربي وجلست اشخبط لكم موضوعي ذس
وخاصه عقب ما كثرت الاوشاعات عليّ اني خوافه اخاف من الملاحي
قصدي الملاهي << ماتسنها قالت بنفسها انها خوووووافه خخخخ
ومن عقب ماقامت تخوووور مداوية المصاخين على قولة امة الله 99
وقامت تطالبني بقنوووش ما ادري متى اخذتهن منها
يامال الصلاح وإلا الصلاخ خخخخخخخخ
عــــــــــــــاد اقولكم سالفتي ياطلطولات العمر
ايه انبسطوا ماحد يبي يأخذ منها شي
والتراسه اثبتت ان اللي يضحك ويستانس يطول عمره
بعكس المهموم يموت قبل وقته
<< عاد ما ادري عن هالتراسه هي صدز ولاابراي لله و ادخل على الله
سالفتي تبداء بالاتي
في يوم من الايام الجميله مهوب تسننا بدرس مطالعه خخخخخ
عــــــــــاد اقولكم
قرروا بناتي وخواتي وبنات خواتي في يوم من الايام اللي طافت انهم يروحون للملاحي
واناطبعاً اخر من يعلم هههههاي
لاوالله لكن مهيب عادتي اني اروح للملاهي وخاصه الملاحي الموجوده داخل المملكه
ودايم ما اروح مع بناتي يروحون مع احد غيري اما من طرف اهلهم أو من طرف اهلي
لان كلن يدري شدة كرهي للملاهي
مهوب من شوي كرهي ، بلاي من الاشكال اللي تنشاف داخل الملاحي الله لايبلانا
قلت لهن : يابنات الحلال ، الا وش رايكم نروح لداحيقه من دحايق البلديه?
(( اقصد حديقه خخخخخخ))
ترى بهن مراجيح
.gif)
وسحاليق
قصدي زحاليق واقعدن تروجحن
وغنن مثلنا مبطي وقولن :الروجحاني
سبع وثماني اطلع عن داري وحشت اعيالي <<<< والله مهيب الظنه الحين عيالنا يوحشون الجن
مهوب يتوحشون هههههههههالمهم اني وافقت اروح معهن كمشرفه على كل المجموعه
بناتي وخواتي وبنات خواتي
وأنا مثل امس هالحزه
لكن بهالمره ماقدرت اتهرب مثل العاده وانفذ بجلدي
واخلي غيري مسؤل عنهم
قلت مابدهاش ادور احد يروح معي ويوسع صدري بالمكان اللي يجيب الغامت
الناس يقولون ان الملاحي سعة صدر وانا اقووووووول:
لا بالله الاتكه وضيقة صدر وغثاء وغرابيل تبي صبر
ومافيه شي يوسع صدري واضحك عليه من قلب
مناظر الحريم
وهن يشقلن قشهن ومؤونهن اللي جايبينهن من البيوت وكنهن يبي يقابلن مجاعه يادافع البلاء
والمؤون اللي اقصد وهو مالذ
وطاب ماخلوا شي بالبيت ولا بالفريزر ماجابوه
هذا غير طلبيات المطاعم كل شي قشوووه
ويقولون ليش نصير تقل براميل
انا ماجاء كرهي للملاحي من فراغ ، انا ما اواطن الملاحي للاسباب واجد
اهمها :
1-الاشكال المشاهده هناك من تفصخ وتعري وملابس غير ساتره واشكال البنات الشاذ والعياذ بالله
2-المبالغه بالاسعار لانهم ينفضون منا قنووووش واجد
وما نحس الا اذا نفضنا اللي بالبوك
سواء بالدخول ،او بالمشتروات الداخليه، والمطاعم والمشروبات وبكل شي
واللي يغثن واجد هو قروش الدخول وغلا الاسعار،، سواء للي يلعب
او مهوب لاعب مثلي
طيب انا عندكم ما العب ليش يأخذون مني قروش زي اللي راح يلعب!!
وحتى اللي يلعب
اصلن وشي الالعاب اللي موفرينها كلها كسرة لعبتين قرنبع والسلام
قال ايش على بالهم والت ديزني
لو اني بقروش الدخول اللي يأخذونها مني مشتغله فيها بالاسهم تسان اصرف
خخخخخخخ
طيب انا عندي اقتراح لصاحب المدن الترفيهيه
لو يخترعون جهاز
للكشف على قلب اللي يبي يدخل الملاهي واللي يشوفون انه قد التحدي واللعب والاثاره وعنده جرأة للعب يمسدون منه كل اللي يبون
مهوب يأخذون من الخواف الضعيف ومن اللي اعصابه حاطها بفريزر
وراد بالخوووف نفس التكلفه
مجرد ان الشخص يمر بالجهاز تولع لمبه
توضح ان هالشخص خواف وياكثرهم والله << بس ماتشوفون ان احلامي به شي من الهرطقه خخخخخخخ
3-من اسباب كرهي وبغضي للملاحي
القذورات اللي يخلفها مرتادين الملاحي وخاصه الله يحوم تسبدهم
الباث روماتياكافي مافيه أي تحضر او تطور
ماكأن سلال المهملات
بكل مكان مركوووزه لا ويحطون رسمة يد ويكتبون ترى ذي زباله كبوا بذا الله لايهينكم
حافظوا على نظافة المكان
ولا حياة لمن جاء هنا قصدي للملاحي ههههه
بوه تابع للموضوع
اللي ضاق صدره يكمل باتسر ههههه
نرجع لمحور حديسنا :
دقيت جوال على اخت وعزيزه على نفسي عرفتها من خلال المنتدى الغالي
وعن طريق الصدفه وبدون تخطيط لها المعرفه الله اراد كذا
ولا تسألون وشلون ؟؟
اذا كبرتوا تعرفون خخخخخخخخخخخ
اتصلت عليها يوم الثلاثاء اللي زي ثلاثاكم خخخخ وقلت لها عن فكرة الملاهي
واني اتمنى اشوفها واكحل عيوني فيها
يخسى اللا نكوم والرفيلون يسوون سواتها ههههههههه
أنا عرفت اسلوبها وطيبها وحسن اخلاقها من خلال ردودها
وما اخفيكم احبها واحب كل شي فيها محبة لله وفي الله
ما اشبع من سواليفها ومسجاتها وسؤالها عني وماتقطع بي الواصله
الله لايخليني منها ولا يحرمني منها
لكن باقي اشوفها واعرف شكلها يمكن اهووون خخخخخخخخخ
يوم قلت لها عن فكرة الملاحي
رحبت بالفوكيره وفرحت واجد << والله ماادري عنها كركركر
قالت خلاص يوم الاربعاء اكلمك واقول لك اذا اوكيه
ماصبرت ودقيت عليها يوم الاربعاء عشان اعرف وش قررت عليه
ماغير خساير مكالمات وقنوووش
بس اشوى اكدت انها موافقه وصرنا نتظر موعدنا يوم الخميس
بعد او قبل المغرب الله واعلم
يوم الخميس
الموافق ما دري/ تاريخ ماادري / سنه ادري ادري 1426للهجره
<< اشوى فلحتي بذي خخخخخخخخخ
جتني رساله من رقم ما اعرفه تقول الرساله دقي عليّ بسرعه انا ؟؟؟؟؟؟
دقيت وطلع جوال طنط ام ؟؟؟؟؟ قالت ؟؟؟؟؟:
شفتي يا أم تأبط رصيدي الائتماني خلص هالشهر ثلاث مرات
وكل مره اسد د بس ثالث مره صار لي عقاب صاااارم
قلت لها :
احسن تستاهلين احد يسوي سواتس ويسدد 1500 ريال بشهر واحد
انتي صاحيه والا مهبوله والا مجنونه
<<< امون انا وجهي ههههههه اهاه اخلصي عليّ وش عندتس لايصير هالشهر
دوري بالعقاب ههههههاي
قالت؟؟؟؟:
يمكن ما اقدر اجي للموعد حصل لي ظروووف
فيه ضيوف يبون يجون لاهلي علشاني ، واستحي اعتذر منهم
قلت لها :
وشو وشو !! من اللي قال لتس قبل؟
مهوب انا
قالت؟؟؟؟؟:
الله الله
قلت لها :
اجل من سبق لبق يالله بلادلع احتريك هناك
قالت؟؟؟؟؟:
خير ان شاء الله
ودّردّب سكرت السماعه ماعندي وقت
تدرون ليش ماقبلت عذرها ولا تراني بالعاده مانيب عسره وحبيبه !!!!
لاني سويت لي ترمس قهوه
واذا ما جت من راح يشربه ماغير خسايرهههههه
وصلت للملاحي وصليت المغرب انتظرت شوي وشوي وقليل وقليل وشوي وقليل
ولا حس ولا خبر
دقيت على جوالها لانه كان يستقبل بس مايرسل لقيته مغلق
من وسع وجهه مافيه رصيد ولا يستقبل بعد هههههههههاي
قمت اتحلبط عليها داخل نفسي
واقول:
ايه ماغير وهقتني وخسرتني ترمس قهوه ، أيـــــــــــــه بالعاده احط نصف ملعقة هيل
هالمره متجمله وحاطتن ملعقه كامله هيل
ايه ان شاء الله ما حدش حووووش هههههههههههه
ماصبرت كالعاده دقيت على جوال طنط أم ؟؟؟؟؟ وقالت:
هذي هي تستعد تبي تطلع
قلت: بردها الله بالعافيه
بديت اراقب كل من جاء وكل من مررر من حولي أ وجنبي
عاد ؟؟؟؟؟ قايله لي ولكم انها دبى
صرت كل ما اشوف دبه ولا برميل يتحرك اقول لاتكون هذي هي
وكل مامرت د وبيبا من عندي اقول احتمال تكون ذي
الين ما دق جوالي لا ومن زود الحظ معي جوال تراث نسيت استعماله
لان جوالي ابو كميره ماجبته معي
ايه نظاميه واحترم النظام
<< بس ليت غيري يحترم النظام
اقصد البنات الشاذات والبزران ما ادري وشلون هربوا الجوالات
داخل الملاهي لكن كانوا لهم بالمرصاد
يعني انتم انتبهوا كل ممنوع مرغوب
المهم يوم طالعت الجوال اتاري هي اللي تتصل
رديت وقلت لها :
انتي وينك ؟
قالت ؟؟؟؟:
لحظه ابي اروح لدورة المياه اتواسى واترتب ،ايه ياماما هذي اول مره تشوفيني
<<< حشى تسنها تبي تقابل خبيطها او قصدي خطيبها خخخخخخخخ
اسرعت اركض جهة دورات الميه وكان في طريقي كم دورة مياه
طلع من دورة الميه حرمه وكانت تسنها مدرعه وكان معها بنيه صغيره
بغيت اروح اخذها بالاحضان بس اشوى فرملت
قلت:
هذي بنتها صغينونه مهيب كبر بنت ؟؟؟؟؟
الحمد لله اني ماتوهقت
رحت لدورة الميه الاخيره القريبه من مدخل الملاهي
وجلست اراقب من بعيد تسني كونان
وتطلع ذيك اللي كلها ملح وقبله
ومعها شغاله مشخصه فيها وكانت الشغاله تدفّ عربيه بزران فيها بنت وس ملحها ام سنه وما ادري تسم
ومعهم بنت ام ثمان سنوات
قامت الحرمه اللي كلها ملح وقبله تطلع الجوال من الشنطه قلت في نفسي:
بس هذي هي سستر مدمد
وتقوم تتلفت يمين وشمال وتطالع من جهتي قالت :
وهي تشر في ايدها أم تأبط شراً ؟؟؟
قلت أنا : أي نعم
وعناق وجغفات والذي منه << وياحرام انتم لا خخخخخخخخ
كانت سستر مدمد ترتجف الظاهر متوحشه مني هههاي
قلت لها: وشلون عرفتيني ؟
قالت سستر مدمد: عرفتك من غمازاتك
وسألت هي وانتي وشلون عرفتي اني انا مداوية الجرحى ؟
قلت لها : والله مهيب من فطنتي ولا من ذهانتي ما عرفتك الا من تطليعك للجوال
جلست انا وإياها نقحن من ترمس القهوه لين ماتفقعت بطوننا
ايه ماراحت خسارتي هباء منثوراً
كانت دنووو عطشانه بالحيل وحنا نبي نصرف البزران علشان نأخذ راحتنا ونسولف
فكان معي ماء بس انه بارد قوه قلت لستتر مدمد:
ذوقي ان تسان الماء يصلح تشرب منه بنتس
قالت سستر مدمد :
لا بالله الا بارد بالحيل ،هذا لو تشرب منه دنوو تسان صخنه ولويزات على طووول
وش السوات نبي حل سريع وجذري
ونفكر ونفكر ونفكر
مافكرنا نشتري لها ماء حار من المحلات كل هذا من عجلتنا على تصريف اللي حولنا
مير افكر انا ان سستر مدمد تتمضمض بالماء عشا ن يصخن شوي خخخخخخخخخ
وتقوم سستر مدمد و تنفذ فكره جت في بالها
وهي انها تخلط قهوه مع الماء
وتقوم تمطرس لدنوو ذيك المطاريس وتشرب الضعيفه هههههههههههاي
ونصرف دنوو وبنت اختها مع الشغاله
قالت لهم: روحوا العبوا وهذا هو مكاننا
مثل ماصرفت بناتي ودحومي وباقي المجموعه اللي انا ايقال اني مشرفه عليهم
قبل لاتجي ام دنووو
قمنا انا وسستر مدمد نتمشى وكنت مشخصتن لها بكعب جديد توني شاريته
الله لايوريكم هذا اللي يقلد اللبنانيات
شفت لبنانيه تشتري زيه ومير ابزع برأيي واشتري مثلها
بس كنت زكيه امحق ههههههه
عاملتن حسابي و جبت معي قطاع غيار مريح
(( حذياني اللي مالي غناة عنه قديمك نديمك واللي ماله اول ماله تالي))
هههههههههه
كنت ابي اتغافل سستر مدمد واذا شفتها لاهيه لبست حذياني اللي متعوده عليه
المهـــــــــــم
قلت لمدمد قوه نشتري شي نبل حلوقنا بوه ماتسننا قاحنين ترمس قحوه هههه
ونروح لقسم المطاعم والا الناس تسنهم ما ذاقوا العيشه
كلن يدف الثاني ولا احترام ولا نظام
تسنهم في برنامج صراع من اجل البقاء ههههه
قلت لمدمد:
وشوله نوقف ونضايق انفسنا ماحد الله
خلينا نأخذ عسكريم ابرك لنا من البلع اللي والله ماغير يتجمع بالجنوب
قالت : شورتس وهدايه الله
ومير نوقف نشتري عسكريم لاني قلت بنفسي:
العسكريم اعرف تسم هوبوه ، انا احساب عليه واوهق مداوية الجرحى بشي اعظم
ههههههههه
ايه ماهنا شي مضمون بالملاهي
اللي بريال برا عندهم بريالين
<<< مافرقت واجد بس تراني ابو مسامح خخخخخخ
كنا انا وسستر نشوف الاشكال الحسنه
اللي الله لايبلانا بجناينا
اشكال ماتقولون انهن بنات، تسنهن جذعان الله يدفع البلا
لامن حيث التصرفات ورفع الاصوات والتعربج ولا من
حيث الملابس
هذا اذاكان من الاساس متستره
لان بعضهن لابسه مافيش والعياذبالله
وبعض البنات اللي يقال انها متستره
الظاهر ان ملابسها قضت من الدولاب
ومالقت الا ملابس ولد جيرانهم
طجتها وجت بها للملاحي يامال الماحي << اعرف اسجع خخخخخخخخخخ
ان تسان ماعندكم مانع بقى شوي
ونخلص