شخباركم حبيباتي...

الغاليات أنا اليوم طالبتكم بطلبة ...أبيكم تدلوني على وحدة ثقة تبيع معدات الحمام المغربي كامله من ليف و صابون و خلطات و كل شي...لاني ناوية أشتري المجموعة كامله...لان قررت أشتري حمام الساونا و أسويه بنفسي بالبيت بدل الصالونات اللي فقرونا...يا حبذا لو تكون الحرمه مغربيه علشان أضمن ان الأغراض يايبتها من المغرب طوالي و فرش...

و يا ليت يا بنات الامارات خاصة الله يجزيكم كل خير تعلموني وين أقدر أحصل حمام الساونا (البخار) الأصلي ..من وين أقدر أشتري أحسن النوعيات المضمونه؟

وجزاكم الله عني ألف خير و جعله بميزان حسناتها..
29-04-1426 هـ, 09:54 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
عندج الاخت أم محمد للخلطات..تبيع كل اللي تبينه حتى حمام الساونا... راجعي مواضعيها وان شاء الله تلقين اللي يفيدج...



تحياتي:
غيــــــــــــوض
29-04-1426 هـ, 10:19 صباحاً
 
هلا الغالية

عندج أيضا محلات نزيه.. هذي محلات مشهورة في تجهيز الصالونات

وعندج القرية العالمية ( إن شاء الله على السنة الياية ) آخذ هالشغلات من القرية المغربية

هذا اللي يستحضرني ألحينه
29-04-1426 هـ, 10:24 صباحاً
 
يمكن تلاقين في بن بطوطة مول ..
لأنه فاتحة فيه قرى من كل الدول العربية بشكل دايم ..
يعني مثل فكرة القرية العالمية بس على طول ..
29-04-1426 هـ, 10:30 صباحاً
 


الساعة الآن 02:06 .