السلام عليكم ورحمة الله وبركاته..

الغاليات بنات حواء.. قبل كم يوم كنت أرمس مع وحدة من المعارف في السعودية .. وقالت لي خاطرها في مخاوير نفس اللي عندنا في الإمارات بس ما شي عندهم.. لأنه مثل ما تعرفون الإمارات هي التوب في المخاوير والمطرزات والمغربيات..

فلمعت في رأ سي فكرة (أفكاري كلها صارت تجارية).. .. فقلت راح أجمع بعض الديزاينات للمخورات وأعرضها على بنات المنتدى.. وفعلا اتفقت مع محل وبيسمحلي أصور الديزاينات اللي عنده.. واللي يعجبها ديزاين معين .. ترسل قطعتها وأن أطرزها لها.. بس في هالحالة .. راح أعاني من مشاكل الشحن..

ففكرت يكون لي مندوبة في كل منطقة .. والمندوبة هذي تجمع الأقمشة من البنات وترسلهم مع بعض مثلا مرة أو مرتين بالشهر وتكون لها نسبة معينة وأنا استلم القطع كلها وأخورها وأرسلها ..جذي أكون سهلت الشحن علي وعليكم..
واللي بعد تباني أنا أشتري القماش .. بعد مب مشكلة ..

المشروع بعده في بدايته.. أبي رايكم .. إذا شفت إقبال ببدأ بإذن الله .. وبالنسبة للأسعار فيه الرخيص وفيه الغالي.. حسب الأذواق والإمكانيات..

بانتظار آراءكم..


اختي انا باكون شريكتج انا في بوظبي


الغالية ندى مرحبتين وشيكي الخاص..
موج البحر مشكورة على الإبتسامة الحلوة..

وللمعلومية أنا من الشارجة..

بالتوفيق اختي .. والله يبارك لك في تجارتج..


الساعة الآن 12:28 .