السلام عليكم
اخباركم حوائيات ان شاء الله تمام
انا اليوم كان عندي عزيمه غداء رياجيل
وطلب مني ماي هزبن <<يعنني اعرف انجليزي
اني اسوي له برياني من ايدياتي قلت ابشر تستاهل برياني
كفايه انك وديتني الرياض كم ساعه ورجعتني للدمام عاد المسافه قريبه <<ترى مااتطنز خخخخخخخخ
المهم شمرت عن يديني
وطبخت البرياني بقدر الضغط اي بقدر الضغط والطعم عجييييييييييييييييييييب
اعذروني الخطوات الاولى ماصورتها لانه ماجا على بالي اني انزله في عالم حواء بعدين تحمست وقلت ابي انزله لكم
معليش ترى هذرتي واجد دايم الناس يقولون لي اخلصي
اول شي نقصص بصل شرايح
وكل ماكان البصل كثير كان الطعم واو لانه هو السر
نحمس البصل في القدر مع زيت لين يصير لونه بني غامق نفس اللي نسويه للحشوه
بعد مايصير بني نطلعه من الزيت ونحطه بصحن لحد مايبرد في هالوقت نجيب الخلاط حق الطماطم ونحط فيه روب(زبادي) تقريبا نص دجاجه نحط لها علبة روب انا سويت ثلاث دجاجات بـ4علب روب لان زوجي مالقى في البقاله اللي جنبنا الاهالكميه وجابها وانصدمت لما صحيت انه بس 4 روب بس الحمد لله تسهلت
نحط الروب في الخلاط ونحط معاه حزمة كزبره وشوي نعناع وبهارات هنديه وكاري وكمون وثوم وملح ونحط اهم شي اللي هو البصل اللي حمسناه
ونضربه عدل
بعد كذا نحط هالخلطه على الدجاج طبعا الدجاجه تقطعونها اربع قطع
مثل الصوره



ونتركها تنقع
انا تركتها ساعتين وكل ماطولت احسن
بعدين نقصص بصل صغار
ونحطه في قدر الضغط

14102011296

مع زيت وهيل وورق غار قرفه ومسمار وفلفل اسود طبعا كلهم حب
نحمس البصل لحد مايذبل

14102011299

ثم نحط الدجاج مع خلطته ونسكر عليه قدر الضغط حبيب قلبي ونتركه تقريا ربع ساعه اول شي نعلي على النار لحد ماتصفر الصفاره ثم نقصر شوي

14102011301

14102011303

هنا انتهينا من الدجاج وحوسته
نروح للرز
بليز لحد يرد
لحد مااخلص

هذارابط تكملة الموضوع والله مدري شلون صار موضوعين اللي تعرف تدمجهلي ماتقصر
http://forum.hawaaworld.com/showthread.php?t=3339319
16-11-1432 هـ, 09:45 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
روووعه


يعطيك العافيه
16-11-1432 هـ, 09:56 مساءً
 
وييييينك ماكملتي استناكي الله يجزاكي خييييييييييييييييييييييير
16-11-1432 هـ, 10:01 مساءً
 
كملي ننتظرك

يسلمووووووووووو قلبو
16-11-1432 هـ, 10:03 مساءً
 
يعطيك العافية
16-11-1432 هـ, 10:17 مساءً
 


الساعة الآن 09:02 .