السلام عليكم ورحمه الله وبركاته
كيفكم يإعالم حواء


بسوي حفله لخوي بمناسبه توظيفه عزيمه رجال وحريم.

بحط ذبيحتين وأبي اسوي بوفيه

ابي طريقه سلطات حلوه جربتوها و اطباق رئيسه ومقبلات وحلى عشاء

ولكم مني دعوه بظهر الغيب  انتظركم تقريبا 50 حرمه و50 رجال  
17-11-1432 هـ, 01:48 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
سوي سلطه تقليديه مثل التبوله او الفتوش
وسوي سلطة مكرونه بصوص رانش طريقتها : تفرشين صحنك بخس أمريكي مربعات وتكونين سالقه مكرونه خواتم اخلطيها مع ذره وفاصوليا حمراء وبليله وحطيها فوق الخس وقبل التقديم صبي عليها صوص رانش
وسوي فته باذنجان
وسوي سلطة جرجير يحبونها الناس طبعا طريقتها سهله تفرمين الجرجير خشن وتفرشينه بصحنك وحطي فوقه طماطم كرزيه الصغيره طبعا اقسميها انصاف وحطي معها بروكلي ني قطعيه زهرات صغيره وقبل التقديم سقيها بصلصه ايطاليه ورشي عليها جبن بارميزان وجوز مجروش هذ السلطه مررره لذيذه ودايما تخلص اذا سويتها
وهذي السلطه مره غريبه ولذيذه والكل يسأل عنها اذا سويتها
المقادير :
فلفل بارد ملون مقطع اعواد
شمندر يسلق ويقطع اعواد (لوكان معلب مايحتاج سلق )
بقدونس مفروم
باذنجان مقطع اعواد ومقلي
مخلل خيار مقطع حلقات
الصوص :
صلصة ثاوزند ايلاند
ليمون
ملح
خل
الطريقه :
توضع اعواد الفلفل في صحن يدخل المكرويف وترش بزيت الزيتون والفلفل الاسود وندخلها الفرن لين تطلع نكهة الفلفل المميزه
بعدها تخلط مع باقي المقادير وتتبل بالصوص

والمقبلات حطي محشي ورق عنب ومحشي كرنب
وحطي مقالي كبه وسمبوسه وسبرنغ رول
والله يعينك
17-11-1432 هـ, 02:23 صباحاً
 
يووووووووووه ماشاء الله تبارك ماظنتي ان البوفية المفتووح يصلح لها الكم الكبير من العدد ماشاء الله لأن البوفية يتعب ويكلف والعدد مثل ماذكرتي كثير ماشاءالله لأن البوفية يصلح لعشرين او ثلاثين شخص ولا تنسين انك بتسووين للرجال وللحريم ماشاء الله
ما اقولك لا تسوين ......لا سوي اللي تقدرين عليه من سلطات وحلا وايدامات وعصير اللي يريحك
ولا تنسين تقديمات القهوه على طريقتك

وبالتوفيق ياعسل .............سوي اللي يريحك
ولا تنسين ماتصورين لنا سفرتك
17-11-1432 هـ, 02:47 صباحاً
 
حبيبتي اقترح سوي البوفيه بس للحريم
لان الرجال كثير ومايحبون يكفي حطي لهم جريش وقرصان ونوع حلى ونوع سلطه
مثل ماذكرت اختي. حفيدة ***. ماقصرت
ولاتنسين الحمص والمتبل وجيبي نافورة الشوكلاته اشتريها افضل لك وتراها رخيصه ب ٢٥٠
وحطي صياني مكرونيا باسميل وصينية خضار بالباشميل
وسوي شيش طاووق وكباب دجاج
وحطي جريش بحافظه وقرصان بحافظه
والحلى سوي حلى السجاد خطيييير تو امس مصورته بس ماعرف انزل هنا بالمنتدى
يارب اكون افدتك
17-11-1432 هـ, 03:19 صباحاً
 
ماشاء الله العدد كثير وش يكفيهم

انا اقترح انك تتفقين مع مطعم يسوي لك بوفيه حق خمسين شخص من كل نوع صينيتين

احسن من يكون شي بسيط او تتفقين مع خواتك كل وحده تجيب صنف او الغي البوفيه ههههه وخليها نوعين سلطه ونوعين حلا وجريش ومصقعه او اي نوع ايدام وحضريها بشكل عادي على الصفره مثل العاده
17-11-1432 هـ, 03:26 صباحاً
 


الساعة الآن 05:17 .