بسوي حفله لخوي ابي مساعدتكم

سوي سلطه تقليديه مثل التبوله او الفتوش
وسوي سلطة مكرونه بصوص رانش طريقتها : تفرشين صحنك بخس أمريكي مربعات وتكونين سالقه مكرونه خواتم اخلطيها مع ذره وفاصوليا حمراء وبليله وحطيها فوق الخس وقبل التقديم صبي عليها صوص رانش
وسوي فته باذنجان
وسوي سلطة جرجير يحبونها الناس طبعا طريقتها سهله تفرمين الجرجير خشن وتفرشينه بصحنك وحطي فوقه طماطم كرزيه الصغيره طبعا اقسميها انصاف وحطي معها بروكلي ني قطعيه زهرات صغيره وقبل التقديم سقيها بصلصه ايطاليه ورشي عليها جبن بارميزان وجوز مجروش هذ السلطه مررره لذيذه ودايما تخلص اذا سويتها
وهذي السلطه مره غريبه ولذيذه والكل يسأل عنها اذا سويتها
المقادير :
فلفل بارد ملون مقطع اعواد
شمندر يسلق ويقطع اعواد (لوكان معلب مايحتاج سلق )
بقدونس مفروم
باذنجان مقطع اعواد ومقلي
مخلل خيار مقطع حلقات
الصوص :
صلصة ثاوزند ايلاند
ليمون
ملح
خل
الطريقه :
توضع اعواد الفلفل في صحن يدخل المكرويف وترش بزيت الزيتون والفلفل الاسود وندخلها الفرن لين تطلع نكهة الفلفل المميزه
بعدها تخلط مع باقي المقادير وتتبل بالصوص

والمقبلات حطي محشي ورق عنب ومحشي كرنب
وحطي مقالي كبه وسمبوسه وسبرنغ رول
والله يعينك

يووووووووووه ماشاء الله تبارك ماظنتي ان البوفية المفتووح يصلح لها الكم الكبير من العدد ماشاء الله لأن البوفية يتعب ويكلف والعدد مثل ماذكرتي كثير ماشاءالله لأن البوفية يصلح لعشرين او ثلاثين شخص ولا تنسين انك بتسووين للرجال وللحريم ماشاء الله
ما اقولك لا تسوين ......لا سوي اللي تقدرين عليه من سلطات وحلا وايدامات وعصير اللي يريحك
ولا تنسين تقديمات القهوه على طريقتك

وبالتوفيق ياعسل .............سوي اللي يريحك
ولا تنسين ماتصورين لنا سفرتك

حبيبتي اقترح سوي البوفيه بس للحريم
لان الرجال كثير ومايحبون يكفي حطي لهم جريش وقرصان ونوع حلى ونوع سلطه
مثل ماذكرت اختي. حفيدة ***. ماقصرت
ولاتنسين الحمص والمتبل وجيبي نافورة الشوكلاته اشتريها افضل لك وتراها رخيصه ب ٢٥٠
وحطي صياني مكرونيا باسميل وصينية خضار بالباشميل
وسوي شيش طاووق وكباب دجاج
وحطي جريش بحافظه وقرصان بحافظه
والحلى سوي حلى السجاد خطيييير تو امس مصورته بس ماعرف انزل هنا بالمنتدى
يارب اكون افدتك

ماشاء الله العدد كثير وش يكفيهم

انا اقترح انك تتفقين مع مطعم يسوي لك بوفيه حق خمسين شخص من كل نوع صينيتين

احسن من يكون شي بسيط او تتفقين مع خواتك كل وحده تجيب صنف او الغي البوفيه ههههه وخليها نوعين سلطه ونوعين حلا وجريش ومصقعه او اي نوع ايدام وحضريها بشكل عادي على الصفره مثل العاده

يسلمووووو حبايب قلبي ماقصرتو والله
بنقسم الشغل علئ ٥ أشخاص او ٦ يعني الرجال قلنا مو لازم بوفيه بس عشان اصدقاء اخوي يعني اكثرهم شباب يحبون التغيير أنا فكرت قلت جريس قرصان مكرونه باشميل. كوشري صينيه بطاطس مع الدجاج. ورق عنب وملفوف من كل صنف مسوين صنيتين كبار والمقليات وسلطات و بسوي حلئ عشاء تشيز كيك وبجيب من سعد الدين كيكه
وش رايكم فيه شي ناقص أزيده
طبعا بسوي صينيه حلى وحده الحريم والثانيه للرجال وبنجيب شوكلاته من برا والفطائر من برا