انا اختي صار لها موقف مع زوجها كانو مسافرين ورايحين ملاهي الاتشوف زوجها يطالع بنات قالت له وش تطالع قال وش فيها اغمض عيوني تحلف انهم ماامداهم يتعدون اللعبه الايجون شباب من احدى الدول الخليجيه ويطالعونها على الرغم من انها ماتكشف في السفريات وعباتها ساااتره مرره الا يطالعون غصب تقول ويزعل شوي ويتضارب معهم تقول بس قلت كلمتين سكته وماقدر يرد عليها قالت له لاتعصب ولاشي دقة بدقه ولو زدت لزاد السقا يعني توك تطالع بنات الناس وجاك من يطالع زوجتك حلال عليك وحرام على غيرك تقول بعدها تعدل شوي وبالنسبه للرجال ترا المطالع اعتقد في جيناتهم مغروووس الله يهديهم

سبحان الله وبحمده
استغفر الله واتوب اليه

عجبتني دقة بدقه ولو زدت لزاد السقا

من خلال تجربتي الي دامت سنين مع البصبصه ههههههههههههه طنشته

عجزت عنه ابو طبيع مايجوز عن طبايعه تبتليييين انتي وياه لين الله يهديه

ومالك الا الدعاء

كنت اتعب نفسيا واهاوش ونتزاعل وتاصل السماء لين جاء يوم وقلت بنفسي الى متى طنشيه يمكن يحس اني ماهتم فيه ويعقل

وادعي رب ليل نهار يهبطني باسمه ويجعل اخر همي الدنيا

والحمدلله تغيرت عن اول كثيررررر

صحيح ماتغير عن طبعه كثير بس بدا يراعي مشاعري ومايناظر وانا معه ههههههههههههه يعني يناظر بالحاله

وزوجي محترم وطيب ويخاف الله وجالس يقاوم بس يقول وش اسوي كاشفات وحاطات مكياج وشي ملفت غصب عني اطالع

ويحلف انها لو محترمه ومتحشمه غصب عنه يرخي عينه

قلت ماعلي منك كاشفه محتشمه اهم شي راقب الله والي ترضاه على بنات الناس بيرضونه الناس على بناتك ومحارمك

وماانكر انه فيه بعض المناوشات حاليا بس اخف من اول لاني الحين غيرت نظرتي بانه هالشي الي يسويه يفشل

رجل جنب حرمته بسوق ولا بسياره ويناظر الي جنبها قمة الوقاحه

وقطعت عرق وسيحت دم مستحيل يطب معي سوق يحطني ولاقضيت كلمته من البوابه الخلفيه يجي ياخذني ههههههههههه

حتى هو يقول ارتحت من الفتن وصار يرفض يدخل اسواق

واغلب الرجال هذا طبعهم الا من رحم ربي حتى الشيبان ماخلونا بحالنا يقزون قززززز

عجبني كلامك اهم شي راقب الله والي ترضاه على بنات الناس بيرضونه الناس على بناتك ومحارمك