حبيبتي أنا صارلي نفس المشكله لكن الكوفيره صبغت شعري كذا مره ورا بعض لين تقصف و خرب
جربي و أنا عارفه لو استمريتي و داومتي على الحلبه راح تدعيلي لانه مجربه بنفسي و توي ما كملت أسبوع كل مشاكل شعري بدأت تنحل وحده ورا الثانية
انقعي حلبه و إكليل جبل في كمية مويه يعني خذي غرفه حلبه و غرفه إكليل جبل و انقعيهم في طشت صغير مويه بحيث تكفي هذه المويه لغسيل شعرك بالكامل
طيب
اتركي الحلبه و الاكليل منقوعين في الماء أربعه وعشرين ساعه يعني انقعيه مثلا بالليل واستخدميه ثاني يوم بالليل
قبل لا تغسلي شعرك بالمويه حقة النقع حولي تضغطي على الحلبه و هي بالمويه لين تطلع الصمغ حقها في المويه و تصير المويه غامقه و ثقيله و تحسي انو فيها ماده زي الغراء
حطي طشت فاضي في الحوض و عبي بكاسة من الطشت اللي فيه مويه و حطي على شعرك بحيث الماء اللي يسقط من شعرك يطيح بالطشت مع التدليك لفروة الرأس تدليك مستمر و راعي ان يكون ماء الحلبة قد وصل الى جميع المناطق مع تدليك جميع المناطق خصوصا المنطقة الامامية كرري هذه الطريقه لين تقل المويه و ممكن تكرريها مرتين أو ثلاث
نشفي شعرك و لفيه بمنشفة و غيري ملابسك المبلل عشان ما يجيك برد و بعدين تدعين علي ههههه . اتركيها على شعرك على الأقل ساعتين و على الأكثر ست ساعات عشان لو زاد عن ست الشعر يصاب بالجفاف . بعدين غسلي شعر يالماي بس اذا ما كان عندك عمل أو مدرسه أو جامعه أو زوج
أما إذا كان عندك زوج أو عمل أو دراسه أو أو أو اغسلي شعرك بالشامبوا أنا أستخدم شامبوا دوف و البلسم حقه صراحه اشوفه مره يناسبني .
ما خلصنا لسه
روحي إغسلي الطشت و الأشياء اللي استعملتيها و روحي انقعي مره ثانيه حلبه مع اكليل جبل عشان بكره ....
النتائج اللي ظهرت على شعري
* لمعة رائعه في شعري لكن في الجزء الغير مصبوغ
* تحسن كبير في الجزء المصبوغ لان قبل الحلبه كان يطير و ينفش وضعيف كأنه شوش
لكن الأنا صاير طبيعي جدا و التقصف خف جدا
* الأجزاء اللي تنفش معاي زي الأطراف و أجزاء من الوسط بأدهنها زيت خروع خفيف
* لاحظت نعومه في شعري و انفرد شوي
بنت عمتي سوت ميش ولاعجبها وحنت وطاحن الخصل الحمدلله ماسوت خصل كثيره ولاكان صار منظرها بشع
وحتى الصبغه خطررررررره مع الحنا يحترق الشعر على الطول والله احذرك وانتي بكيفك
وبالنسبه للميش والله لواعرف كيف تشيلينه من الشعر لاقولك!!