الله يفرج همك

الله يهون عليك ويصلح الحال

مالومك يااختي بس النونو ماله ذنب وعند اهلك ابرك لك وهذا انتي مثبتات وتعب يعني لو لوحده بتتعبين

الله يفرح قلبك اصبري وترا وضعي ادمرررررر بكثير من وضعك وكل يوم ابكي بس مالبيد حيله غير الدعاء

حبيبتي اسمعي النصيحة من اللي أكبر منك
الاكتئاب والهم والضيق
ماراح يغير وضعك ولا راح يخلي زوجك مهتم ولا راح يجيب لك بيت
كذا حكمي عقلك مالك غير التعب واللي كاتبه ربي يبي يصير
علشان كذا هونيها وتهون
لا تشغلين بالك لا فبيت ولا زوج ولا ولادة
فكري باللحظة اللي تعيشينها اهتمي بنفسك وأكلك ونفسيتك
أضحكي وحاولي تخرجين
وإذا كنت مثلي من النوع اللي خرجته قليلة أو ماله خلق خرجات
عليك بالقرآن والدعاء والتأمل والتفكر والتدبر
يعني يوم يذكر عليك حكاية ماعندك بيت تذكري انو عندك ماشاء الله أهل وعزوة غيرك لابيت ولا أهل ولا سند والله المستعان
ويوم تذكرين تقصير زوجك تذكري اللي عندها زوج مدمن وأخلاق سيئة لا يخليها عند أهلها ولا يحشمها ولا يقدرها ولا يخليها ترتاح
يعني في حياتك أكيد نعم كثيرة
ركزي عليها وهوني السلبيات ولا تفكرين فيها
ترى في البداية يمكن تنجحين بنسبة 10% لكن مع الاصرار والقرآن والصلاة والاستمرار راح تصيرين إيجابية 100%

والله ياأختي أنا بكل حمل تقريبا أعاني من تعب نفسي كذا من الله نظرا لحساسيتي المفرطة
لكن بالدعاء والتعلق بعرش الرحمن كل ليلة تتغير نفسيتي من حال إلى حال


ثقي بالله وتوكلي عليه

الله يفرج همك وييسر أمرك ويشرح صدرك يااااارب