بسم الله الرحمن الرحيم

خواتي الله يسعدكن ...تذكرووا الحديث الشريف اللي معناه (من نفس عن مسلما كربة نفس الله عنه كربة

من كرب يوم القيامة)أنا أبغى أستفسر عن هالأشياء ولاتردوني تكفون لاتفشلوني من جد أبغى أعرف

يارب يعطي كل وحده أمنيتها إذا تعرفو الإجابة لاتطلو وتهربو هههاي وش أسوي أشحذ من كثر ماأشوف

عدد المشاهدات أكثر من الردود

ربي يسلمكن نبدأ

*ممكن نزيد كمية الزيت على الرز وقت الطبخ ولا ماينفع وكيف أحافظ على طول حبة الرز...؟وإيش أحسن نوع ؟

*الباشميل ينفع أثقل طبقتها على المكرونة ولاأحلى لما تكون الطبقة خفيفة؟

*تستخدمون الفرن الكهربائي الصغير للكيك ولالأ وإيش أحسن نوع أقصد (الفرن الصغير)
*إيش البرميزان وإيش تفرق عن الجبنة المبشورة ؟ وإيش هو الببروني وكيف نستخدمه هو لحمة يعني؟

*كيف نطبخ المكرونة الملونة ؟

*ليه عجينه البف ماااااااتطلعلي لينة مهما أفردها بقوة برده تطلع عادية مو هشه ابدا

*ماهي ألوان الطعام ؟ وكيف تستخدم؟

*خبز الصاج أو حتى التورتيلا لازم طاوة معينة للخبز أو أي حاجة وخلاص!
انتهت الأسئلة عسى ربي يحرم أصابعيكن .......ويحرمكن كلكن على بعضكن من النار

شاكرة لكن حسن التعاون مقدما
25-11-1432 هـ, 08:28 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
انا عن نفسي الرزاذانهض اصب عليه فنجال زيت واحسن نوع الكلاسيكي والعائله مايحتاجواماء كثير
الباشميل طريقتي في قدر2كوب ماء و2ملعقه طحين و2ملعقه زيت و10ملاعق نيدووحبة ماجي
واحيانا اسوي المكرونه بدون باشميل اصب عليها كريمة خفق حتى يغطيها شوي مو كثيروادخلهاالفرن من تحت نصف ساعه ومن فوق
حتى تشقر واحط جبن مبشور اي نوع
المكرونه الملونه ماقد جربته
هذااللي اعرفه ان شاء الله افدتك
25-11-1432 هـ, 08:50 صباحاً
 
الببروني نوع من انواع اللحمه مثل المرتديلا تلاقينها فالسوبر ماركت اللي يبيعون المرتديلا والاجبان بالكيلو
البرميزان جبنه مو مبشوره لا تجيك بودره بس مو ناعمه تعطي طعم لاذع شوي وتخلي الجبن مايل للقرمشة
البشاميل مره اسويها ثقيله ومره خفيفه وكلهم لذيذه
الرز احط مويه وملح اول مايغلي اضيف الزيت والرز عادي اذا زدتي كمية الزيت لأنه مايخرب الرز لا بس يكون دسم وانا اخلي الرز يغلي بنار قوية لما تخف مويته شوي ثم اخفف النار واغطيه لأنك اذا خليتيه يغلي فالبداية تكبر وتتمدد حبة الرز وتصير ضعف حجمها
وخبز التورتيلا اذا جبته جاهز مايحتاج طاوه ألفم عادي مثل الساندوتش واذا حابه تحطيه بآلة الكبس حقة المشاوي والساندوتش او تدفيه فالطاوه عادي
اما اذا بتسوينه عمل بيت يفضل الطاوة لأن عجينة التورتيلا تكون دايم سائلة مثل البان كيك والبيض فالطاوه تحده من الأطراف وتخليه مدور والاحجام متناسقه
حبيبتي انا عجينة البف باستر عمري بحياتي مافرتها احشيها مثل ماتجينه بفردها يعني مثل ماهي احشيها او قصقصيها واحشيها لكن لا تفردينها وراح تنفش معك
الفرن افتحي اي فرن صغير ولا كبير على درجه 180درجة وابدي حضري مكونات كيكتك وحطيها فالفرن ولاتفتحين الفرن ابدا الا اذا خلصت خمسة وعشرين الى ثلاثين دقيقة ودخلي فيها عود اسنان ولها مسمى ثاني خلاله خشبيه وطلعيها شوفي فيها عجينه ولا لا اذا لامعناها استوت واذا حاية تفتحين عليها من فوق بكيفك
الألوان الطعام تستخدم من اسمها في تلون الحلويات والمعجنات والأكل واطراف كاسات العصير حبيبتي تلقينها فالسوبر ماركت جهت ملزمات الكيك بس فرقي لما تقرين عالعلب صغااار مره جهة البكينج بودر وغيرها اقري كلمة ملون طعام يجيك على شكل بودره وسائل السائل تلوينه اوضح من البودره انتبهي انه لون مو روح لما تقرين روح الموز او روح الفراولة كلمة روح معناها طعم وانتي ماتبين طعم تبين لون فركزي على كلمة لووون
والبودرة كويسه لما تاخذي اللون الأصفر لو حابه تضيفين على طرف الملعة للرز او للنعناع والقهوه وان شاء الله أكون أفدتك يارب
25-11-1432 هـ, 09:18 صباحاً
 
أختي كلك ذوق ربي يسعدك وين ماكنتي على ردك ..بالرز تصبين فنجان قهوة زيت إنتي قصدتي العادي ولا رز

مضغوط ولا إيش بالضبط ؟؟وأنا سألت عن طبقة الباشميل نفسها تكون ثقيلة ولاكيف.؟وأول مرة أسمع عن الكلاسيكي والعائلة

***** الله بدور عليهم.ز.جزاكي المولى خير الجزاء ...كلك ذوق والله
25-11-1432 هـ, 09:18 صباحاً
 
أختي نانالولي ربي يعطيكي سؤلك وينولك اللي ببالك يارب أنا قصدت بعجينة البف مش البف باستري لأ

أنا قصدت الثاني اللي يتقفل بالشوكة اللي يشبه نص دائرة ***** الله عرفتيه ؟ونقليه بازيت

شكرا على هاالمعلومات ..وممكن اللي عندها إضافة تزيد
25-11-1432 هـ, 09:28 صباحاً
 


الساعة الآن 05:42 .