ذبحني الوسواس

الله يشفيك يارب ارقي نفسك بالرقيه الشرعيه وان شاء تروح عنك الوساوس واقري الاذكار وتوكلي على الله

انا صابني وسواس الموت وكنت اصيح وادوخ واحس حراره برجولي مع ضيق في التنفس وبعدين ذهبت لراقي وعرفت ان ذلك بسبب العين وكنت مقصره جدا في قراءة الاذكار والحمد الله الحين بفضل الله ثم الرقيه تحسنت حالتي

السلام عليكم
حبيت أساعدك أختي ..
سبحان الله العظيم حالتك مشابهة للحالة اللي جاتني كثييير
أنا من بعد رمضان حسيت بتعب وضيقة خلللق أحس إني طفشانة وبس .. طبعا شهيتي تقفلت وصار يجيني آلام ببطني (وهذا طبيعي جدا من الخوف ) المهم وزني نقص وبدا يلعب فيني الوسواس ..
المهم رحت لشيخ يقرا علي ماحسيت بأي علامة من علامات العين أو الحسد واستمريت على رقية نفسي اسبوعين متواصلة طبعا مع المحافظة على الأوتار والأدعية حسيت بعدها بنوع من التحسن ولله الحمد يعني تجيني الضيقة ساعة إلى ساعتين في اليوم ..
بعدين بديت أتهاون في الرقية ثم نزلت علي الدورة وزاااااادت حالتي أكثر من أول والله لدرجة إني أبكيي مثل البزر (طبعا كنت وقت العادة) وما أحس إن أقدر أرقي نفسي صح أخلي بنتي الصغيرة الله يحفظها طبعا لسى مادخلت المدرسة تقرا علي الفاتحة 7 مرات (من شدة مايصيبني) وخلال هالفترة كان زوجي يخطط على السفر لأندونيسيا مع ربعه .. يعني اجتمعت علي ضيقة صدر وهالرجال ولا همة بيسافر يوسع صدره ..

المهم دلني ربي على موقع للعلاج النفسي اواتبعت خطوات العلاج بالحرف الواحد .. أيضا سويت حجامة في ثلااثة مواضع (في تلك الفترة كنت عند أهلي لان زوجي سافر ) طبعا مع خطوات العلاج طبقت برنامج الأشفية للمقبل ولا أنسى أدعية الهم والحزن ..

الحين يااااااااارب لك الحمد تحسنت بدرجة كبييييرة ..

أدري طولت عليك بس والله العظيم أبغى أفيدك لأني مريت باللي تحسين فيه وأتمنى أحد يوقف معاي في هذي الظروف ..

عزيزتي اذا احتجتي أي مساعدة لاتترددين

أسأل الله العظيم رب العرش العظيم أن يشفيك مما أصابك يااااحي ياقيوم

الله يشفيك اختي ويكشف ضرك .. وسواس الموت يخليك تموتين باليوم ١٠٠٠ مره :(

انا جاني الوسواس بعد المرض المفاجيء كانت ايام صعبة كثيييير

تعالجت بالرقية + العلاج النفسي والحمد لله حالياً تحسنت كثير اللهم لك الحمد ..

 

ماعليج شر ياقلبي وتعوذي من ابليس وتذكري دائما((الفكره تسبق الشعور غيري الفكره يتغير الشعور )) كرريها افهميها يعني انتي الي تتحكمين بمشاعرج واحساسج اذا جاتج هالافكار تعوذي من ابليس وتوضي وفكري باي شي ثاني فورا واتبعي هالبرنامج ياقلبي والله يشفيج
اولا: كوني على وضوء 24 ساعه مهم جدا واغتسلي يوميا بماي مقري كيف انا اقولك طريقه ولا اسهل اخذي سطل كبير احنا نسميه بقطر كلك مااعرف وش تسمونه انتو وعبيه ماي وحطيه بالحمام وغطيه واخذي كاسه ماي وروحي غرفتج واقري البقره والرقيه الشرعيه العامه وروحي صبيه في السطل وكل ماتقرين البقره اول ماتخلصين ادخلي الحمام كبي الماي عليج واطلعي بكل سهوله مو شرط استحمام وشامبو والخ يعني حركه سريعه كبي الماي عليج واطلعي بس واذا دخلتي تاخذين شور لاخلصتي من الشاور خلاص اخر غسله اخذيها من السطل وبيكون الماي بارد افضل وبيتعب العارض اكثر




ثانيا : اكثري من سبحان الله الحمد لله لا اله الا الله الله اكبر




ثالثا : تصدقي كل يوم واذا ماعندك اشتري نبته ولا سمكه زينه ان شاء الله اسقي النبته ولا اكلي السمكه المهم اعتبريها صدقه لوجه الله وصلي الضحى فهي صدقه عن كل مفصل بأذن الله





رابعا :سورة البقره خليها شغاله في بيتكم 24 ساعه المسجل اللي يقلب الحالها والتلفزيون خليه على قناة المجد خليه يختم القران في بيتكم كل ثلاث ايام مره





خامسا: خذي مرش وخذي ماي واقري فيه الرقيه الشرعيه العامه والمعوذات وحطي فيه ملح خشن ومسك ابيض ورشيه في غرفتك وبيتكم وادخلي موقع عبدالله الخليفه واقري عن تحصين المنزل





سادسا: تمعني في نفسك توبي عن سماع الاغاني مثلا شوفي وين اللي مو صح فيك وعدليه وقولي يارب انا تبت لك توبه نصوحا ربي مابلانا الا لحكمه ربي اذا حب عبد ابتلاه ربي يبيك تغيرين من نفسك حاولي تتقربين من الله عز وجل ومن توكل على الله ماخاب اسمعي محاضرات عن حسن الظن بالله والتوكل على الله ومن ترك شيئا لله عوضه الله خيرا منه شوفي لحد الان ماقلت لك سوي كله اقولك اسمعي اسمعي اسمعي كبدايه





سابعا: قبعة المسك هاذي ضروري تستخدمينها في حال تعانين من وسواس او تكاسل في الطاعات او تعب شديد وصداع اذا قريتي سورة البقره او تعانين من كوابيس لانها بتوقف لج كل هالامور وبتريحك واااااجد بتحسين براحه مو طبيعيه اذا استخدمتيها بترتاحين وااااجد بتلقين موضوعها في المنتدى وفيه منتدى الشيخ عبدالله الخليفه بتخلي العارض ينزل من راسك ولا راح يثقل عليك الطاعات وبتحسين نفسك خفيفه وانا في البدايه صرت البسها 24 ساعه بعدين صرت البسها وقت النوم بس انتي شوفي اللي يريحك وسويه كبدايه لاتبدين بدايه قويه الا اذا انتي معزمه ابدي بالتدريج عشان ماتتركين العلاج ودوم احتسبي الاجر لله





ثامناَ: عليج اختي بعد ماتعملين اللي قلته لك فووق انك تبدين بعدها لو بأسبوع تقرين البقره ولو صفحه باليوم ولا قسميها على ثلاث ايام كبدايه لين تقدرين تقرينها مره باليوم واصلن سهله لو تقرين بعد كل صلاه عشر صفحات خلصتي بتقدرين تقرينها ان شاء الله باين عليج مشاء الله حابه تتعالجين وقويه بأذن الله طبعا مع سماع الرقيه العامه واتسجلين في ورقه الايات اللي حسيتي بتأثير معها





تاسعا: ادهني جسمك بالزيت المقري وقت النوم جسمك كااااااااااامل ويفضل تخلطينه بزيت حبة البركه والمسك الابيض او الاسود واذا احد علق على ريحة المسك الاسود حطي الابيض ريحته مره مقبوله بترتاحين واجد





عاشرا : وهذا اهم شي (( الدعااااااااااااااء)) ألحي بالدعاء اعتصمي بالله لاتوقفين علقي قلبج بالله عز وجل ربي ماراح يخليك احنا بنشجعك اليوم بكره بعدها كل وحده بتروح في حال سبيلها انتي معاك الله الرحمن الرحيم احن من قلب الام على ضناها والله اذا تعلق قلبج بالله لن تحتاجين لاي وحده فينا توقف معاج اختي اسمعي وأيقني ان الله راح يجيب دعائج ربي عند حسن ظن عبده به فأحسني الظن بالله وموفقه ياااااااااااارب الله يشفيج ويشفي جميع مرضى المسلمين وطمنيني عليج

الله يكشف ضرك

ويعينك

استمري بالدعاء والاستغفار وربي كريم