فضفضه قاسيه

صباح الخير
:(
مدري شلون اتكلم
فيني خنقه
من الاخر
ما شاء الله تبارك الرحمن اللهم لا حسد
كل صديقاتي و بنات قبيلتي تزوجوا
وانا اكبرهم
واللحين عندهم عيال والله يسعدهم مع ازواجهم
بس انا اتحسس من اي كلمه
ابي اتزوج واتوقع فهمتوهااا :35:
ابي يكون لي بيتي الخاص
ابي يكون عندي طفل اشتقت اشوف عيالي :(
ابي يكون لي زوج
ابي حياه مثل باقي كل هالبنات الله يتمم عليهم
ادري الشكوى لغير الله مذله
اه والف اه
مرتين انخطب وخطبتي ما تتم و سبب الرفض جاي من عندي دايم
بس وش يعني اتزوج اي حد وخلاص
ياربي والله تعبت
اللحين كلام الناس مهو فارق معي
محد خالص من لسانهم
سمعت منهم كثير وشبعت
بس انا نفسيتي بدأت تتعب
دراسه وخلصنا
وظيفه ومستحيل اتوظف محد برضا من اهلي وانا مابي

سامحوني على موضوعي
بس ما لقيت اعطي حد هالكلام غيركم من بعد ربي
لو تكلمت مع حد من اهلي بحس علي بشفقه وحزن وانا مابي هالشي
كافي اني اشوف عيونهم واحس بكلمات فيها والله اتعذب هالشي مهو بيدي طيب
كل ما بتمر الايام وانا قاعده ازيد من وزني :06:
ايش هالحاله
وفالاخر
الحمدلله على كل شي وكل حال وفي جميع الاحوال ..............................