الله يوفقج ان شاء الله
وأَخْرَجوني مِنَ الدُّنيا فَوا أَسَفاً"" عَلى رَحِيلٍ بِلا زادٍ يُبَلِّغُني
وَحَمَّلوني على الأْكتافِ أَربَعَةٌ "" مِنَ الرِّجالِ وَخَلْفِي مَنْ يُشَيِّعُني
وَقَدَّموني إِلى المحرابِ وانصَرَفوا "" خَلْفَ الإِمَامِ فَصَلَّى ثمّ وَدَّعَني
صَلَّوْا عَلَيَّ صَلاةً لا رُكوعَ لها "" ولا سُجودَ لَعَلَّ اللهَ يَرْحَمُني
وَأَنْزَلوني إلى قَبري على مَهَلٍ "" وَقَدَّمُوا واحِداً مِنهم يُلَحِّدُني
وَكَشَّفَ الثّوْبَ عَن وَجْهي لِيَنْظُرَني "" وَأَسْكَبَ الدَّمْعَ مِنْ عَيْنيهِ أَغْرَقَني
فَقامَ مُحتَرِماً بِالعَزمِ مُشْتَمِلاً "" وَصَفَّفَ اللَّبِنَ مِنْ فَوْقِي وفارَقَني
وقَالَ هُلُّوا عليه التُّرْبَ واغْتَنِموا "" حُسْنَ الثَّوابِ مِنَ الرَّحمنِ ذِي المِنَنِ
في ظُلْمَةِ القبرِ لا أُمٌّ هناك ولا "" أَبٌ شَفيقٌ ولا أَخٌ يُؤَنِّسُني
فَرِيدٌ وَحِيدُ القبرِ، يا أَسَفاً "" عَلى الفِراقِ بِلا عَمَلٍ يُزَوِّدُني
السلام عليكم
فكرتج وايد حلوة وانا اول المشجعين لج بس عندى وجهة نظر
الموقع لاتبعدينه وايد مثلا انتى تبين بخزام وحنا المواصلات متعسرة عندنا طبعا انا بعيدة عن رأس الخيمة يبالى نص ساعة لين ما اوصل يادوب نحصل حد يودينا السوق
المهم حطي مشروعج بنص المدينة مثلا بمنطقة المعيريض وايد اوكى للطرفين لاهل راس الخيمة وللمناطق النائية
وفكرتج عن صالة الرياضة واااااااااااااااايد اوكى لانا يبالنا صالة مضمونة مو أى شئ خاصة الصالات المشبهوهة وان شاء الله خير
االغالية غليلة مشكورة على مرورج وعلى ردج

بس انا لاحظت ان هل الظيت و خزام والمناطق اللي حولهم يعتبرون معيريض وايد بعيدة

مع انه انا رايي ان الحرمة بتتعنى حق الشي الزين حتى لو كان وين

يعني مثلا احنا هل الشارجة ما عدنا مشكلة نتعنى لين اخر دبي حق صالون خاصة اذا حق شعر او مكياج او فيشيل او حتى رياضة.. هذا و دبي و الشارجة يعانون من الزحمة اللي تذبح

اما في راس الخيمة عيني عليها باردة أي مشوار ما ياخذ اكثر من عشر دقايق و بعد الناس تتعايز ما ادري ليشششششششششششش؟؟؟!!!!
( بس انا لاحظت ان هل الظيت و خزام والمناطق اللي حولهم يعتبرون معيريض وايد بعيدة )

ملاحظتج في محلها



بس للعلم موقع مراكز التجميل الحالى في منطقة خزام وايد حلو نطلع من صالون ندخل صالون في حاله الزحمة ، الحركة سهله والحل سريع ما لقيتي في ريفيرا تدخلين الفا ما لقيتي في الفا تدخلين صبايا ما لقيتي في صبايا تدخلين سندس ما لقيتي في سندس تدخلين نواعم ما لقيتي في نواعم تدخلين دار تجميل العرايس ( المعروف بــ H2O ) وكل صالون متميز بشي ، وهذا غير الصالونات المنتشرة في قلب المدينة


ودمتم سالمين
الـزين مـن زانـت مـعـانية
الغالية أم شرينة

كلامج صدق بس ما يمنع اذا كان شي مركز تجميل متميز ومتكامل ابعد شوي صح؟ مع اني ادور في هذي المنطقة بس المركز اللي في بالي يختلف شوي عن الصالونات اللي ذكرتيهم طبعا السشوار مثلا ممكن اتسوينه عند اي حد

اما قص الشعر و صباغته والفيشيل وانواعة والرياضة وانواعها والمكياج انواع يبالها فن وانوع في تطور مستمر فاذا انوجد مركز يراعي هذي الامور يستاهل الوحدة تتعنى له صح؟؟


الساعة الآن 09:56 .