Analysis Services
السلام عليكم و الرحمه...

شخباركم حبايبي...

بصراحه موضوع أغرب من الخيال مدري سمعتوا به ولا لا خصوصا انه منتشر بجميع امارات الدوله...أنا سمعت بس ما جربت بس اذا كان صج بجرب خصوصا انه مغري...

سمعت ان التجار الهوامير الله يطول بأعمارهم يا رب يشترون أسماء مواطنين عن طريق نسخة الجواز أو الجنسيه علشان يشتركون فيها بالأسهم و طبعا اللي بيبيع اسمه أبد ما يطلع خسران لأنهم يدفعوا للشخص الواحد من 30000 الى 100000 الف درهم اماراتي ...مدري الكلام صحيح أو بس اشاعات..اذا الكلام صح انا بايعه من اليوم خصوصا اني مب من هواة الاسهم و لا أعتقد راح أشترك فيها في يوم من الايام لاني ما افهم فيها أصلا.

ودمتم سالمين...ويا ليت اللي عندها اي معلومه تفيدنا يزاها الله الف خير..
07-05-1426 هـ, 02:49 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الغاليه اعتقد انها اشاعه
لان اللي يسجل لاي سهم لازم يكون متواجد بنفسه
يوقع على الاوراق الخاصه الا عن طريق الوكاله اذا الشخص عنده وكاله عامه عنج

+الجواز الاصلي+الجنسيه (مش صوره الجواز)

واما ادري اذا هاي الطريقه حلال او حرام لان فيها نوع من النصب

ان شاء الله اني قدرت افيدج
07-05-1426 هـ, 03:28 مساءً
 
صدج كلامج يالغاليه
انا بولعيال خبرنى عن السالفه

والله صدج ما قصرو تجارنا منه هو ربحان والطرف الثانى ربحان
07-05-1426 هـ, 03:32 مساءً
 
حبيبتي هذا من زمان يصير بدول ثانيه مثلا لكويت عندنا يصير بس اللي سمعته انه حرام لانه فيها غش وتدليس كانه انتي صاحبة السهم وتبيعين حقج في استملاكه بالكم فلس اللي يعطيج اياها التاجر واهو اللي يقش القش ومن الاساس انتي كانج تبيعين بطاقتج اللي سمعته انها حرام وماتصير اذا تبين الصراحه احسن لج يا انتي تسوين اكتتاب باسهم بنك لانه مضمون انشالله او شركة اتصالات وانا مكتتبه ابنك بلكويت هذا اللي اعرفه
07-05-1426 هـ, 03:37 مساءً
 
ووايد من الناس والتجار اشتروا خلاصات القيد بس لازم اتكون الاصلية ويعطونج عن كل اسم شخص الف درهم اختي

وفي ووايد من الناس ما عندهم شغل الا يالسين جدام المحكمة يدورن على ناس يشترون منهم خلاصات القيد
07-05-1426 هـ, 03:40 مساءً
 


الساعة الآن 11:11 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏