انا رحت له بس ماهو على الدعاية الي مسوين له
تصميمه صح راقي وجديد لكن مزعجه انواره ولون الرخام ساطع وعاكس الانوار يعني ما يرتاح الواحد وهو يمشي فيه
بعدين المحلات الي فيه قليله واغلبها ملابس ماهي رسميه يعني ملابس غريبه ما تصلح للطلعات واسعارها غاليه
فيه محلات منوعه اكسسورات للمنزل وعبايات وجلابيات وكشكات للاكسسورات
الدرو الثاني فيه جلسات تطل على تحت بس خطره على الاطفال الصغار لانها ما فيها حواجز وكراسيها قليله جدا
والكوفي شوب ما فيه الا كرسيين فقط هذا الي فوق عند الدرج,,
فيه محل منوع اطفال وملابس كبار ملابس تركية بس اسعارها عاليه مره على شكلها
وقطعها محددوده
انا الصراحه كنت متاملة اني الاقي محلات نسائية معقوله ونقدر نشتري منها الاغراض الي نبغى ونستوق فيها وكاننا في اسواق الاندلس او الفيصلية ولكن معظم الاسواق النسائية للاسف يحطون فيها بضاعه ما تصلح للعامه

كلها عرض ومصممين نلاقي الاسعار على 10000 الاف للقطعه واكثر والشنط والاحذيه فوق 4000 الاف .. نتمنى يكون فيه اسواق نسائيه يكون فيها ماراكات زي زار وبرمود وجنفر وادمز وزي هالمحلات الي الواحد يلاقي بضاعته فيها ويلقى بضاعه ممتازه وباسعار معقوله ونرتاح في التسوق .
ولكن كل المحلات النسائيه معظمها ما نستفيد منه
ياليت لو يغيرون
اتوقع الاسواق الي موجوده في مركز النمر الاسواق النسائية احسن وافضل وهي مفتتحه في رمضان في الدور الثاني من اسواق النمر الي جنب العقاريه..
للاشتراك والشراء من اوريفليم اضغط هنا[/url]
مركز رائع......للجلسه بالكوفي حلو وهادئ بس اسعار المحلات روعه
واحلى شي عندهم حجابات السفر مره حلوه
ان شاء الله يكون له مستقبل في المحلات ونرتاح من الروحه للاسواق الي فيها رجال ونكتفي وهذا اتوقع امنية كل وحده انها تلاقي بضاعتها كلها في سوق نسائي ,,
الله يوفق القائمين على المحلات النسائية ويكثر من امثالهم والمفروض اننا ندعمهم وياليت لو يحطون صنادقين للقتراحات عن احتياجات المرآة علشان يكون السوق شامل وكامل ..
للاشتراك والشراء من اوريفليم اضغط هنا[/url]
ملكة النجوم.. الكرسيين اللي تقولين عنهم هذولي بس جلسة وحدة من ضمن جلسات موزعة على الدور الأول كله.. يعني تطلبين بأي مكان

معليش دخلت عرض ههههههههه

رحت للمركز من كم يوم.. كنت ابي اشيك عليه ..

صراحة المركز حليو..

فيه قهوتين.. بالدور الارضي عند الباب الرئيسي
وبالدور الأول متوزعة الجلسات على الدور كله

ولاحظت ان اكثر المحلات تبيع جلابيات وملابس حجابات

فيه محل يبيع ملابس رياضة.. شكلها من برا حلو مرة.. تنفع للبنات اللي مشتركين بالنوادي

فيه العثيم يبيع الماس واكسسوار

محلات مفارش وتجهيز ولادات وزواجات بس مااذكر اسمائها

محل قمصان نوم.. شكله من برا مرة راقي

محل جلابيات مغربية

وشوووووو بعد..

ايه .. محلات جوالات

اكسسوارات

تغليف هدايا


بالدور الأول فيه صالون نسيت اسمه بعد

وفيه دور مابعد فتح

الدور الاخير.. فيه استديو تصوير

والاستديو هو اول مكان رحت له من فترة وصوت بنتي
وكانت الصور تجننننننن مشالله

عيوب المركز:

مافيه محلات تبيع عطورات ماركات
مافيه محل احذية
مافيه محل بيبيات

وهالاشياء مهمة مرة فاتتهم

اتمنى لهم التوفيق

والله يكثر الاسواق النسائية ويطرح البركة فيها..


الساعة الآن 06:36 .