السلام عليكم جميعآ
يعلم الله اني مااعتبركم الا زي خواتي ابي من كل وحده تدخل موضوعي تدعيلي ان ربي يفرح نظرتي ويتمم لي على خير
بيوم السبت الي فات كان عندي موعد عند دكتورتي طبعآ المستوصف قريب لبيت أهلي قلت خلني أروح مشي أحسن لاني احس جنيني مرتفع مانزل مره الموهيم رحت ولمن وصلت المستوصف كانت الساعه 4:30 قالتلي ماراح تدخلين ع الدكتوره الا9:40
قلت بنفسي معليش اقعد كل هالوقت برجع للبيت واذا جاء بالليل جيت ,الموهيم رجعت وأنا أمشي أطالع بساعتي ع بالي بحسب لنفسي كم مشيت وشوي الا وأذن المغرب طبعآ المكان الي أمشي فيه نهايته تقاطع خطر جيت بقطع للناحيه الثانيه الا الرجال يمشون لانه كان فيه مسجد
قلت أجل خلني بس امشي بطريقي وسبحان الله يوم جيت بقطع الا ماحسيت بنفسي الا وانا فوق السياره واحاول قد ماأقدر اني ارفع نفسي عشان لاتكون كل الضربه ع بطني وماوعيت الا انا طايحه بالأرض واحس بزي الكهرباء بظهري والتموا علي السيارات بصراحه فشله بس قضاء وقدر
جو أهلي وشالوني للمستشفى وانا بحاله يرثى لها قلت اهم شي بس اسمع نبض جنيني والحمدلله كان فيه نبض ونوموني عشان خافو يجيني نزيف او شي والحمد لله ربي ستر وسوولي اشاعه لانهم خافو يكون فيه انفصال بالمشيمه لكن الحمد لله
والمشكله انا الحين بآخر يومين بالتاسع ومااقدر اتحرك من ظهري لان طيحتي كانت عليه تقريبآ بمنطقة العصعص الي تعرف طب شعبي أو كريم طبي تقولي عليه تكفوون أخاف الولاده تجيني بكره والا بعده وماراح أقدر أساعد نفسي
وتتوقعون تأثر طيحتي ع مخ البيبي؟
وجزاكم ربي كل خير
نسرين23 @nsryn23
عضوة نشيطة
يلزم عليك تسجيل الدخول أولًا لكتابة تعليق.
نينا 99
•
الله يهون عليك يارب ما عندي علم بس حبيت ادعي لك
الصفحة الأخيرة