حبيباتي اللي تبي تسوي بازار أو معرض عليها باتخاذ الخطوات التالية:

أولا: تطلعين سجل تجاري لمؤسسة تنظيم معارض وهذا يكلفك 300 ريال من الغرفة التجارية ووزارة التجارة
خطوات استخراج السجل(الأفضل أنك تروحين القسم النسائي للغرفة التجارية متعاونات ويعلمونك الاوراق المطلوبة) .
1- عقد إيجار مكتب وفيه مكاتب عقار تطلع لك عقد ب300ريال إذا كنتي بتعملين من بيتك.
2-إختاري (مؤسسة نسائية بالكامل )عشان ما تتورطين بسالفة مدير المؤسسة وشروط توظيف واحد سعودي وووووو.
3- صورة من بطاقتك والأصل ولا سجلك المدني مع الأصل للمطابقة.
4-طبعا كل الإجراءات تتم في الغرفة التجارية وخلال ساعة يظهر لك السجل ماعدا إذا كنتي بتحطين اسم تجاري للمؤسسة هذا يلزمك تراجعين وزارة التجارة وماتاخذ منك الاجراءات نصف نهار.
5- بعد ما تطلعين السجل ضعي خطة سنوية للمعارض سجلي كل اللي يدور براسك من أفكار معارض طبعا بيوافقون على بعضها وبعضها الآخر بيقولون لأ وعشان تضمنين انك بتشتغلين أفكارك حطي عناوين مطاطة للمعارض يعني تقدرين تسوين فكرتك مهما ألغوا .
6- استخرجي لك ختم وبزنس كارد وأوراق رسمية علشان تقدرين تخاطبين الشركات اذاكنتي بتاخذين رعايات وتستفيدين ماديا لأن الشركات ما تحب الشغل الفردي أبدا .
7- لازم يكون معك راس مال علشان تقدرين تستاجرين مكان للبازار وانصحك اختاري الجامعات بس تراها غالية يعني ممكن 60-70ألف فيه أماكن اخرى مكتظة مثل مراكز العناية والاندية الصحية والمراكز النسائية مجملا.
بعد ماتستاجرين المكان ابدأي سوقي بكثافة وكثري طاولات واستغلي كل ركن وكل شبر بالمساحة .
8- التسويق يكون بالانترنت والبي بي والاس ام اس والصحف والبروشورات وهكذا.

والله يوفقكم جميعا وهذي أول مشاركة لي وأي استفسار أنا موجودة هنا مسنترة عندي اجازة شهرين




5-
يالله يالدنيا حتى الي يفكر يسوي شي يتراجع مع هذا كله الواحد يتعب علشان يبي يسترزق ويزيد دخله

الله يعينا على هالناس الي يعقدون
وبعدين الي تبي تسترزق وتبيع في الجامعه اشلون تدفع 70 الف سلامات لو عندي هالمبلغ حتى مافكرر اني ابيع

والله القوي يستغل الضعيف حسبي الله على هالناس الي تسترزق من هالضعاف
لااله الا الله،، عددخلقه ورضا نفسه وزنة عرشه ومداد كلماته
اللهم إغفرللمسلمين والمسلمات والمؤمنين والمؤمنات الاحياء منهم والاموات
سبحان الله وبحمده،،،سبحان الله العظيم
يااخوات الأماكن اسعارها مختلفة مو كلها 70-60 الف لكن شطارتكم بالتسويق ...وبالنسبة للاستفسارات اللي وصلتني عالخاص انا ماعندي خاصية الرد "اكتشفت الموضوع بعد ما تكسرت اظافري وانا اكتب واكتب وعلى نيتي..)

فاللي تبي تراسلني على ايميلي بعد اذن الاخوات المشرفات

soad239@hotmail.com
الله يحرم اليدين اللي كتبت وردت على موضوعي على النار
اخواتي جزيتم خيرا على التفاعل
اختي ليبرا الرياض الله يعطيك العافية
اللي خلاني افكر في المشروع كثرة الاسر المنتجة والسعوديات اللي يشتغلون من البيت
وعدم وجود تسويق لهن
لية ما نفيد ونستفيد ؟؟؟؟؟؟؟؟؟؟؟؟؟؟؟
ليبرا لو تعرفين التكلفة او اي شئ عن دراسة جدوى لهذا المشروع
ياليت تخبرينا على العام حتى الكل يستفيد
مرحبا أختي ..كل السنع

إذا إنتي عندك أسر كثيرة ومنتجة تقدرين تنسقين مع علاقات عامة في الجامعات أو المراكز مثل مركز الامير سلمان أو الجمعيات الخيرية وأحيانا دور تحفيظ القران تراهم فيهم خير كثير ويحبون يخدمون لكن أي مشروع يحتاج للحركة أولا وثانيا وعاشرا .
طبعا المؤسسات اللي تنظم معارض صعب انها تتعاون معك لانهم يدورون الربح فحاولي تجدين جهة (مظلة) للفعالية وهي من الجهات اللي ذكرتها لك فوق
على فكرة فيه جهات تاجر القاعات الساعة ب300ريال مثل مركزمتيار اللي في طريق الملك عبدالعزيز لكن مافيه حركة الرجل عليه خفيفة

والبازارات مربحة بشرط التسويق الجيد والمكان المناسب اذا وفرتي هذين الشرطين تاكدي بتربحين باذن الله
واذكر وحده استاجرت في جامعة الامام ب60الف واجرت 60طاولة الوحدة بالفين ريال وخرجت كسبانه مع انهم كثروا عليها الايجار

ولاتنسون الاستغفار قبل بداية اي خطوة وفي نهاية كل يوم تراها مجربة الاستغفار يدر الرزق على صاحبه سبحان الله
أستغفر الله العظيم وأتوب إليه




الساعة الآن 06:54 .