السلام عليكم ورحمه الله وبركاته
حبيباتي ساعدوني في طريقه للفطاير العجينه ماتظبط معي نهائي
مهما حاولت ماتطلع منفوخه وهشه تطلع نحيفه وقاسيه شويه
اعطوني عجينه اكيد مضبوطه هشه
22-12-1432 هـ, 03:00 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
هلا حبيبتي يمكن ماتحطين بيكنج بودر واعجنيها بحليب دافي واتركيها ساعه تخمر تطلع جنان هشه ومنفوخه دعوااااااااااااتك
22-12-1432 هـ, 03:58 مساءً
 
والله ان الفطاير ماكانت تزبط معي ساعدتني وحده من الاخوات هنا واعتمدت طريقتها الي هي من اطباق النخبه حملت الكتاب واخذت الطريقه وبعد ماتطلعيها من الفرن على طول تكون مجهزه قدر مطبقيه اي شي مجوف وحطي جوته مناديل وبعدين حطي الفطاير وغطيها بمناديل وغطيها بغطاها لوقت التقديم وربي تجلس يومين وهي زي ماهي طريه..............
22-12-1432 هـ, 06:41 مساءً
 
هذي العجينه حلوه وتصلح للي مالهم خبره بس بتنفع معاكي
اهم شي الفرد لاتفرديها نحيفه مره
والليونه لا زم تكون لينه بحيث تقدري تفرديها بيدك بدون عصا الفرد كاختبار لليونه بس مو مره تكون متماسكه في نفس الوقت

الدقيق اي نوع ما عدا الكويتي لاتجربيه لاني ماجربته معها
المقادير:
ملعقة كبيره خميرة بيره الحبيبات عليها صورت الخباز معروفه للجميع
لاتكون ممسوحه ولا مليانه كثير

فنجان قهوه سكر او ثلاث ملاعق كبيره
كاس ماء دافي او حليب
ثلاث ملاعق حليب بودره حسب الرغبه
فنجان زيت او اربع ملاعق كبيره
كاس ونص دقيق تنخلي معه البيكنج بودر والملح
ملعقه صغيره بيكنج بودر ماتكون ممسوحه ولا مليانه كثير
ومثلها ملح ناعم
بيضه حسب الرغبه في ناس مايحبوه
الطريقه:
جيبي الخميره البيره وحطي عليها السكر وذوبيها شوي شوي بالماء او الحليب الدافي
لحد نصف كميته واتركي الباقي من الحليب او الماء جنب
وغطي الخميره عشر دقايق لحد ماتتفاعل وتخمر
بعدين جيبي الدقيق المخلوط بالبيكنج بودر واذا بتحطي حليب بودره ضيفيه له وحركيه وسوي حفره وسطه
بعدين دفي باقي السائل وضيفيه لخلطة الخميره وضيفي عليه الزيت وحركيه وصبيه في الحفره وسط الدقيق واعجني باليد بسرعه
وشيلي العجينه فوق واضربيها في اناء العجن وكرري العمليه لحد ماتتجانس ولو حسيتيها قاسيه زيديها سائل بمقدار ملعقه واعجني واذا احتاجت زيديها ملعقه وهكذا حسب نوع الدقيق يفرق
بعد ين قسميها ثلاث لاربع اقسام وادهني يدك بالزيت وكوريها غطيها باحكام عن الهواء وحطيها فمكان دافي من نصف ساعه لساعه
وبعدها اتفضلي عالشغل
اتمنى اكون افدتك
22-12-1432 هـ, 06:45 مساءً
 
ينقل من المعجنااااات الي الاطباااق
22-12-1432 هـ, 07:02 مساءً
 


الساعة الآن 09:02 .