اقتباس مشاركة  (شامبو هيربل)
ابعطيك بعض الاسرار البسيطه تخلي ايدامك مره حلو نسويه بدون لحم بس ماجي ويطلع حلو وبقولك على صينيه زي الايدام مره حلوه وسهله وادعيلي ان الله يرزقني الذريه الصالحه وكل محرومه الايدام البصل خليه مره ناعم وحطي معاه فصين ثوم كشنيه بزيت الين يتذبل معك وبعدين حطي طماطتين تكونين قبل طاحنتهم في الخلاط مع بيالة مويه وخليه على نار عاليه الين يصير الطماط احمر حطي ماجي بهارات مشكله ملعقه صغيره من البهارات وبراس الملعقه فلفل اسود وحطي صلصه ملعقتين تقريبا كبيره ونصف ملعقه صغيره كزبره ناشفه وكذالك كمون وحطي بيدك من كل نوع من هاذولي حبتين فلفل اسود عدل وجبتين هيل عدل وعود دارسين وحبتين مسمار وحطيهم عليها وخليهم شوي يتسبكون بس دقيقه بعدين حطي مويه والملح بس شوي وهدي النار وخليها تتسبك تقريبا خمس دقايق تكونين مجهزه الخضار ومقطعتهم تحطين الخضار الي تاخذ وقت زي الجزر ولبطاطس وزيدي شوي مويه بس يغطي الخضار هاذي وقصري النار خليها ربع ساعه بعدين تعالي حطي باقي خضرواتك زي الكوسه والباذنجان والقرع والبازليا وحطي وحد قرن فلفل اخضر بكبره هو الي يعطي نكهه وخليها الين تستوي كل الخضار وسكري عنها النار وبالعافيه تصير خضارك ناضجه ومويت الايدام قليله واذا جيتي تقدمينها ابعدي البهارات العدله والفلفل

الصينيه جيبي صينيه حديد مو قزاز وجيبي اي خضار تحبينها ثوم بصل طماط دجاج مقطع ارباع ماجي بهارات فلفل اسود بودرة الثوم صلصه ملح قصدير اول شي الفرن وخليه يكون دافي شغليه شوي بعدين طفيه قبل لاتبدين جيبي الصينيه وقطعي اول شي البصل حلقات وصفيها في الصينيه بعدين الثوم حلقات ووزعيه بعدين الطماط حلقات ووزعيه في الصينيه فوق البصل والثوم بيناتهم بعدين البطاطس وبعدين الجزر وبعدين الكوسه وهاكذا كل وع خضار طبقه وكلها مقطعتها حلقات ممكن حطين زهره مفككه وملفوف مقطع شرايح يخليها لذيذه رشي على الخضار ملح شوي بعدين خليهم على جنب جيبي الدجاج بعد ماتنظفينه وتقطعينه حطيه في زبديه عمبقه وتبليه بالملح والفلفل والبهارات وبودرة الثوم من الجهتين كل القطع وبعدين حطي الدجاج فوق الخضار بالصينيه جيبي المويه الباقيه ن الدجاج لاتكبينه حطي عليه ماجي اهرسيه يكفي مكعب واحد وبعدين زيدي ملعقة بهارات وبودرة الثوم وفلفل اسود شوي براس الملعقه بعدين حطي علبه كامله صلصله وبيالة مويه وصبيها على الخضار الي في الصينيه قصدري الصينينه زين وحطيها في الفرن اول ربع ساعه نار متوسطه بعدين قصري النار لمدة ساعه الا ربع من تحت الفرن بس طلعيها وفتحي عنها القصدير وتاكدي ان الدجاجه والخضار استوى لو مااستوى رجعيها مره ثانيه ربع ساعه ثانيه اذا استوت خلاص طلعيها وشبي النار حقت الفرن من فوق بس خليه على الرف العلوي وانتبهيله الين يتحمر الدجاج طلعيه وقدميه مع الخبز ماينشبع منها ولا فيها دهون ابد ونوع جديد من الايدامات
هلابك ياقمر قولي امين الله يرزقك ويرزقني والمحرمات من المسلمات الذريه الصالحه المعافا السليمه امين يارب العالمين الله يفتحها بوجهك ياعسل وين ماتروحين وقولي امين
تسلمين ياقمر جاري التطبيق فعلا كلامك مفيد وايدامتك باين ماشاء الله تبارك الله انها ررررررووووووووووووعه
مشكووووووووووووووووووررررررررره تشرفت بمروك الحلووووووووو لموضوعي
25-12-1432 هـ, 03:35 صباحاً
 
ايدمات ابشري من عيوني والله الكل يمدح ايدامي لدرجات واحد من اصحاب اخويه جاب دجاجه وبطاطس وقال سوه زي ذاك الايدام
المهم اهم شي تكثريا لبصل وتحمسينه في الزيت حتي يحمر بعدين الدجاج والبهارات فلفل اسود وكزبره ناشفه وبهارات مشكله بس يكون طعمه حلو وكركم وقرفه اعواد وماجي وقلبي االايدام وحطي البطاطس تقطيعه انا افضل انها تقطع كبيره يعني الحبه الصغيره اقطعه اربع قطع وبعدين حطي المويه واذاخلاص استوا قبل لاتطفي ب 5 دقايق اخلطي الثوم والفلفل الاخضر الحا ر والكمون المطحون والكزبره الاخضراء مع بعض وحطيه علي الدجاج وطفيه
25-12-1432 هـ, 04:41 صباحاً
 
الماجي والكمون يعطون نكهه حلوه للايدام والمويه لاتكون كثيره اهم حاجه وبالتوفيق
25-12-1432 هـ, 04:42 صباحاً
 
مثل ماقالوا المويه ماتكون
كثيره
ولازم تحطين صلصه ومعها عصير طمام عشان يكون ثقيل
واهم شيء لازم يكون على نار عاليه
عشان يتسبك
موب اذا طفيتي عنه
نزلت الصلصه والطماط تحت ويصير الايدام خفيف
25-12-1432 هـ, 05:54 صباحاً
 
نسيت أقولك اذا أضفتي بهاراتك على البصل ساعة يتكشن يعطي نكهة طيبة ،،بس لازم تكون كمية الزيت مناسبة حتى ماينحرق البصل ،،وطبعا مع التقليب ،،
25-12-1432 هـ, 07:31 صباحاً
 


الساعة الآن 04:39 .