عطوني رأيكم وتجربتك الله يخليكم

السلام عليكم ورحمه الله وبركاته . أهلين حبيباتي بأجمل وأحلى منتدى عندي حبيت استفيد من تجاربكم وأخذ رأيكم بمشكلتي أني لاحظت ان زوجي متغير علي مرره ما يجلس بالبيت ولايسولف معي ولا يجلس معي ونفسيته مرره شينه ولا يعجبه شي انا تكلمت معه وقلت له وش فيك وكذا ما عطاني أجابه انا حسبت انه
فيه عنده مشكله بدوووام ومشيت الموضوع بعدين الوضع تطور صار مرره مايبين ولايتكلم علي جئت انا وكلمت استشاري وخبرته بحاله زوجي قالي يمكن انه عنده مشكله بدوام او يكون مضغوط انتي قومي بواجبآتك ولاتقصرين بشي ولاتكثرين عليه الطلبات حاولي تطلبين الضروري بس طيب سويت الي يقول عليه انا ماقلت لكم أني أعاني من أهله يعني يبوني اعسكر عندهم انا والله أني اروح مرتين ثلاث مرات في الاسبوع وعندي خوات بنفس المنطقه يعني اروح لهم حتى انهم مايبون خواتي اذا رحت قالو رائحه لخواته واذا جلست بيتي قالو قاعده بيته واذا رحت لأهلي قالو راحت لأهله وزوجي معطيهم وجه والله يابنات كل أمور بيتي يدرون عنه كل شيء يقوله لهم والله أني اذا رحت اجتهد واسوي معي كم طبق والله أني اتعب ولا يعجبهم ولا عمرهم قالو لي ولو رفعو معنوياتي ومرت أخوهم الثانيه يمدحون اي شي تجيبه ولو كان عادي حتى اذا جابت شي وانا مؤ فيه يقولون لي يازين الي جابت والله اننا مشتهينه وانا اسكت والله انهم يجدعون علي كلام قوي وجارح وأسكت ومايعطوني وجه وتدعي علي قدام الناس ولا اقول شي كله مابي المشاكل وأبي حياتي تمشي الموهيم قالي زوجي نروح لأهلي تجين معي قلت لا مالي مزاج روح انت وخذ الولد معك راح وجاء وجاب الولد قلت له أني ودي اطلع متضايقه قالي مشغول وطلع انا مرره متضايقه واتصلت عليه وكررت عليه قالي طيب بعد شوي. جلست البس ولدي ومادريت ال ان امي تتصل بي وتوقولي انه خالتك اتصلت علي وتقول انك ماتجينهم ولاتبينهم والله يابنات أني اروح وأشوف منهم مأشوف ولا اقول شي لزوجي كله مابي مشاكل والله أني مريضه وبي سكر الموهيم جاء وكنت معصبه مرره وتكلمنا قلت له ليش تدخل امك بسالفه قالي امي ابدخله بكل شي ويشرفني تدخيله وقالي تعبت منك انتي ماتبينهم ولاتحبينهم واذا قلت لك قوه تعيين والله يابنات يكون عندي مسؤوليات واحب اروح أخواتي وكله وحده تبي الاستقلاليه والحريه يابنات والله انا ما اعرف الحريه كل شيء وشو له الموهيم قالي بعد انك ماتبينن اخدم أهلي والله انهم يؤيدهم ويجيب هم والله ما عمري قلت شي الموهيم وصلت فيه الاور انه يمد ايده علي والله انه ارتفع علي السكر وغبت عن الوعي الموهيم صحاني وقالي بنرووح لأهلي بكرا تعتذرين لهم وانا ماجيتهم هم الي جاييني ولاغلطت على احد انا قلت له ابروح لأهلي وداني لأهلي ورحت وكلمت أبوه ولا عطاني وجه وقال بشوف الطرف الثاني بعدين جلسنا نستنا ه يرد علينا مارد جلس شهر رحنا له وقال أني انا الغلطانه وانا الي رافعه خشمي وطالعه عن شوره وانا والله مظلومه وكله كذب بكذب انا الحين لي ثلاث شهور بيت أهلي اكلم زوجي مايرد ارسله مايرد ابي اشوف انا وش عليه يبين ولا لا بعدين احتجت أغراض من بيتي ورحت أخذ أغراض لي محتاج تهم وجاء اخوي وكلمه قال انا ما ابي إقابله بس عندي شرووط ارسلي الشروط وقريتهم والله شرووط خرابيط يبني اعتذر لامه ولا اطلب ولا شرط وأعيش على مايبي ولايبي اشرط ولا شرط يقولي أبيك تخضعين لي وما أتوقع اي وحده ترضا بهذا الشي انا قلت له ماعجبتن الشروط وارسلي ورقتي بس هو للحين مجابها لي. أبيكم ماتبخلون علي بتوجيهاتكم وتجاربكم ولاتنسوني من دعاكم لي ان الله يخلف علي لانه ماقدر أعيش مع ناس بهذا الشكل ودمتم سالمين ..